ಬೀದರ್: ಜಿಲ್ಲೆಯ ಕಮಲನಗರ ತಾಲೂಕಿನ ಚೊಂಡಿಮುಖೇಡ್ ಗ್ರಾಮದಲ್ಲಿ ಅಕ್ರಮವಾಗಿ ಸಾಮಿಲ್(ಕಟ್ಟಿಗೆ ಕತ್ತರಿಸುವ ಯಂತ್ರ) ಹಾಕಲಾಗಿದೆ. ಇದಕ್ಕಾಗಿ ಗಡಿ ಪ್ರದೇಶದಲ್ಲಿ ಮರಗಳ ಮಾರಣಹೋಮ ನಡೆಯುತ್ತಿದೆ ಎಂಬ ಆರೋಪಗಳು ಕೇಳಿಬರುತ್ತಿವೆ.
ಗಡಿ ಜಿಲ್ಲೆಯಲ್ಲಿ ಮರಗಳ ಆರ್ಥನಾದ
ಮಹಾರಾಷ್ಟ್ರ ಮೂಲದ ಅದೆಷ್ಟೊ ಜನರು ಕನ್ನಡದ ನೆಲದ ಅರಣ್ಯ ಸಂಪತ್ತನ್ನು ಸಾಮೂಹಿಕವಾಗಿ ಲೂಟಿ ಮಾಡುವ ಮಾಫಿಯಾ ನಡೆಸಿದ್ದಾರೆ. ಚೊಂಡಿಮುಖೇಡ್ ಗ್ರಾಮದಲ್ಲಿ ನಾಲ್ಕು ಸಾಮಿಲ್ ಕಂಡು ಬಂದಿದ್ದು, ದಶಕಗಳಿಂದ ಈ ಅಕ್ರಮ ದಂಧೆ ನಡೆಯುತ್ತಿದ್ದರೂ ಯಾವೊಬ್ಬ ಅಧಿಕಾರಿಯೂ ಈ ಕಡೆಗೆ ಗಮನ ಹರಿಸುತ್ತಿಲ್ಲ ಅಂತಾರೆ ಸ್ಥಳೀಯರು.
ಜಿಲ್ಲಾ ಕೇಂದ್ರದಿಂದ ಬರೋಬ್ಬರಿ 100 ಕಿಲೋ ಮಿಟರ್ ದೂರದಲ್ಲಿರುವ ಈ ಗ್ರಾಮ ಭೌಗೋಳಿಕವಾಗಿ ಕರ್ನಾಟಕಕ್ಕೆ ಸೇರಿದೆ. ಆದ್ರೆ ಇಲ್ಲಿ ಸರ್ಕಾರದ ಅಧಿಕಾರಿಗಳು ಮಾತ್ರ ಕಣ್ಣಾಯಿಸದೇ ಇರುವುದರಿಂದ ಬೃಹತ್ತಾಗಿ ಬೆಳೆದುನಿಂತ ಮರಗಳು ಸರ್ವನಾಶವಾಗುತ್ತಿವೆ.