ಒಟ್ಟಿಗೆ ಫೈಟರ್​ ಜೆಟ್​ ಹಾರಿಸಿದ ತಂದೆ-ಮಗಳು: ವಾಯುಪಡೆಯಲ್ಲಿ ಹೊಸ ಇತಿಹಾಸ ಸೃಷ್ಟಿಸಿದ ಜೋಡಿ

ಬೀದರ್​ನಲ್ಲಿರುವ ವಾಯುಪಡೆ ಸ್ಟೇಷನ್​​ನಲ್ಲಿ ಒಟ್ಟಿಗೆ ಸೇರಿಕೊಂಡು ತಂದೆ - ಮಗಳು ಫೈಟರ್ ಜೆಟ್ ಯುದ್ಧ ವಿಮಾನ ಹಾರಿಸುವ ಮೂಲಕ ಹೊಸದೊಂದು ದಾಖಲೆ ಸೃಷ್ಟಿ ಮಾಡಿದ್ದಾರೆ.

ಬೀದರ್​​:ಭಾರತೀಯ ವಾಯುಪಡೆಯಲ್ಲಿ ಇಂದು ಹೊಸದೊಂದು ಇತಿಹಾಸ ಸೃಷ್ಟಿಯಾಗಿದೆ. ತಂದೆ - ಮಗಳು ಒಟ್ಟಿಗೆ ಫೈಟರ್ ಜೆಟ್​ ಹಾರಿಸಿದ್ದಾರೆ. ಫ್ಲೈಯಿಂಗ್​ ಆಫೀಸರ್​​ ಆಗಿರುವ ಅನನ್ಯಾ ಮತ್ತು ಏರ್ ಕಮೋಡೋರ್​​ ಆಗಿರುವ ಸಂಜಯ್​ ಶರ್ಮಾ ಈ ದಾಖಲೆ ಬರೆದಿದ್ದಾರೆ. ಜೊತೆಗೆ ಭಾರತೀಯ ವಾಯುಪಡೆಯಲ್ಲಿ ಈ ಸಾಧನೆ ಮಾಡಿದ ಮೊದಲ ತಂದೆ - ಮಗಳ ಜೋಡಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಬೀದರ್​​ನ ಐಎಎಫ್​ ಸ್ಟೇಷನ್​​ನಲ್ಲಿ ಹಾಕ್​​-132 ವಿಮಾನವನ್ನ ಒಟ್ಟಿಗೆ ಹಾರಿಸಿರುವ ಅನನ್ಯಾ ಹಾಗೂ ತಂದೆ ಸಂಜಯ್​​ ಶರ್ಮಾ ಈ ಇತಿಹಾಸ ಸೃಷ್ಟಿಸಿದ್ದು,ಫ್ಲೈಯಿಂಗ್​ ಆಫೀಸರ್​ ಆಗಿರುವ ಅನನ್ಯಾ ಉನ್ನದ ಯುದ್ಧ ವಿಮಾನದಲ್ಲಿ ಪದವಿ ಪಡೆದು, ತರಬೇತಿ ಪಡೆದುಕೊಳ್ಳುತ್ತಿರುವ ಮೊದಲ ತರಬೇತುದಾರರಾಗಿದ್ದಾರೆ.

ಮಗಳೊಂದಿಗೆ ಸಂಜಯ್​ ಶರ್ಮಾ ಪೋಸ್ ನೀಡುತ್ತಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ವಾಯುಪಡೆ ನೀಡಿರುವ ಮಾಹಿತಿ ಪ್ರಕಾರ, ಕರ್ನಾಟಕದ ಬೀದರ್​​ನಲ್ಲಿ ಮೇ. 30ರಂದು ಒಟ್ಟಿಗೆ ಫೈಟರ್​ ಯುದ್ಧ ವಿಮಾನ ಹಾರಿಸಿದ್ದಾರೆ ಎಂದು ತಿಳಿಸಿದೆ.