'ವೇದ' ಸಿನಿಮಾ ಪ್ರಮೋಶನ್‌ನಲ್ಲಿ ನಟ ಶಿವರಾಜ್ ಕುಮಾರ್
ವಿಜಯನಗರ:ನನಗೆಹೊಸಪೇಟೆಯ ನಂಟು ಹೊಸದೇನಲ್ಲ. ನಮ್ಮ ತಂದೆಯವರ ಕಾಲದಿಂದಲೂ ಇದೆ. ತಂದೆಯಿಂದ ಹಿಡಿದು ನನಗೂ ಖುಷಿ ನೀಡಿದ ಪ್ರದೇಶವಿದು ಎಂದು ಹಿರಿಯ ನಟ ಶಿವರಾಜ್ ಕುಮಾರ್ ಹೇಳಿದರು.
ಹೊಸಪೇಟೆ ನಗರಕ್ಕೆ ತಮ್ಮ ಮುಂದಿನ 'ವೇದ' ಸಿನಿಮಾದ ಪ್ರಮೋಶನ್‌ಗಾಗಿ ಆಗಮಿಸಿದ ಅವರು ಸುದ್ದಿಗೋಷ್ಠಿಯಲ್ಲಿ ಪಾಲ್ಗೊಂಡು ಮಾತನಾಡಿದರು. ವೇದ ಕೌಟುಂಬಿಕ ಸದಭಿರುಚಿಯ ಚಿತ್ರ. ಒಂದು ಧಾರ್ಮಿಕ ಹಿನ್ನೆಲೆಯ ಪ್ರೇರಣೆ ಹೊಂದಿದೆ. ಸಮಾಜಕ್ಕೆ ಉತ್ತಮ ಸಂದೇಶ, ಗ್ರಾಮೀಣ ಸೊಗಡು ಇದರಲ್ಲಿದ್ದು, ಮನೆ ಮಂದಿಯೆಲ್ಲಾ ಕುಳಿತು ಆಸ್ವಾದಿಸಬಹುದು ಎಂದರು.