ಬಳ್ಳಾರಿ: ಬಾಲ್ಯ ವಿವಾಹ ತಡೆದ ಅಧಿಕಾರಿಗಳು

ಕಾನೂನು ಬಾಹಿರವಾಗಿ ನಿಗದಿಯಾಗಿದ್ದ ಬಾಲ್ಯ ವಿವಾಹವನ್ನು ಅಧಿಕಾರಿಗಳು ತಡೆದಿರುವ ಘಟನೆ ಬಳ್ಳಾರಿ ಜಿಲ್ಲೆಯ ಕಂಪ್ಲಿ ತಾಲೂಕಿನ ಎಮ್ಮಿಗನೂರು ಗ್ರಾಮದಲ್ಲಿ ನಡೆದಿದೆ‌.

ಬಳ್ಳಾರಿ :ಕಾನೂನಿನ ಕಣ್ಣು ತಪ್ಪಿಸಿ ಬಾಲ್ಯ ವಿವಾಹವನ್ನು ಜಿಲ್ಲೆಯ ಕಂಪ್ಲಿ ತಾಲೂಕಿನ ಎಮ್ಮಿಗನೂರು ಗ್ರಾಮದಲ್ಲಿ ನಿಗದಿ ಮಾಡಲಾಗಿತ್ತು. ಇದನ್ನು ಅಧಿಕಾರಿಗಳು ತಡೆದಿದ್ದಾರೆ.

ಕಂಪ್ಲಿ ತಾಲೂಕಿನ ಎಮ್ಮಿಗನೂರು ಗ್ರಾಮದಲ್ಲಿ ಜೂನ್.28 ರಂದು ಬಾಲ್ಯ ವಿವಾಹ ನಡೆಸಲು ಪೋಷಕರು ಮುಂದಾಗಿದ್ದರು. ಈ ಕುರಿತಂತೆ ಮಕ್ಕಳ ಸಹಾಯವಾಣಿಗೆ ದೂರು ಬಂದಿತ್ತು.

ಈ ಸಂಬಂಧ ತಹಶೀಲ್ದಾರ್ ಎಂ.ರೇಣುಕಾ ಮಾರ್ಗದರ್ಶನದಂತೆ ಚೈಲ್ಡ್ ಲೈನ್ ಸಂಯೋಜಕರಾದ ಚಿದಾನಂದ, ನೇತ್ರಾ ಕುರುಗೋಡು ಪೊಲೀಸ್ ಪೇದೆ ಹೂವಣ್ಣ, ಗ್ರಾಮ ಲೆಕ್ಕಾಧಿಕಾರಿ ಮಂಜುನಾಥ್ ಎಂಬುವವರು ತನಿಗೆ ನಡೆಸಿ, ಬಾಲಕಿ ಮನೆಗೆ ತೆರಳಿ ಪಾಲಕರ ಮನವೋಲಿಸಿ‌ ಅವರಿಂದ ಮುಚ್ಚಳಿಕೆ ಬರೆಸಿಕೊಂಡಿದ್ದಾರೆ.