ಕಂಡಕಂಡಲ್ಲಿ ಪರಚುವ ಕೋತಿಗಳಿಂದ ಹೈರಾಣಾದ ಗಣಿನಾಡ ಜನ.. ಗ್ರಾಮಸ್ಥರ ಮೈ ತುಂಬ ಗಾಯ

ಸಂಡೂರು ತಾಲೂಕಿನ ವಡ್ಡು ಗ್ರಾಮದಲ್ಲಿ ಕೋತಿಗಳ ಹಾವಳಿ‌ ಹೆಚ್ಚಾಗಿದ್ದು, ಗ್ರಾಮಸ್ಥರ ಮೈತುಂಬಾ ಗಾಯಗಳಾಗಿವೆ.

ಬಳ್ಳಾರಿ : ಜಿಲ್ಲೆಯ ಸಂಡೂರು ತಾಲೂಕಿನ ವಡ್ಡು ಗ್ರಾಮದಲ್ಲಿ ಕೋತಿಗಳ ಹಾವಳಿ‌ ಹೆಚ್ಚಾಗಿದ್ದು, ಗ್ರಾಮಸ್ಥರ ಮೈತುಂಬಾ ಗಾಯಗಳಾಗಿವೆ.

ಗ್ರಾಮದಲ್ಲಿ ಕಂಡ, ಕಂಡವರಿಗೆ ಈ ಕೋತಿಗಳು ಕಚ್ಚಿ, ಜನರ ತಲೆ, ಕೈ, ಕಾಲುಗಳಲ್ಲಿ ಗಾಯಗಳಾಗಿವೆ. ತಮ್ಮ ದಿನನಿತ್ಯದ ಕೆಲಸಕ್ಕೆ ಹೋಗೋದನ್ನ ಬಿಟ್ಟು ಬಡಿಗೆ ಹಿಡಿದು ಬರೀ ಕೋತಿ ಓಡಿಸೋದೇ ಕೆಲಸವಾಗಿದೆ ಎಂದು ಈಟಿವಿ ಭಾರತ ಸಂಸ್ಥೆ ವರದಿಗಾರರೊಂದಿಗೆ ದೂರವಾಣಿ ಮೂಲಕ ತಿಳಿಸಿದರು.

ಈ ಕೋತಿಗಳ ಹಾವಳಿಯಿಂದ ರೋಸಿ ಹೋಗಿರೋ ವಡ್ಡು, ಕುರೆಕುಪ್ಪ ಗ್ರಾಮದ ಜನರು ಅರಣ್ಯ ಇಲಾಖೆಯ ಸಿಬ್ಬಂದಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.