ವಿಜಯನಗರ: ಬ್ಲ್ಯಾಕ್ ಫಂಗಸ್​ಗೆ ವ್ಯಕ್ತಿ ಬಲಿ

ವಿಜಯನಗರದಲ್ಲಿ ಬ್ಲ್ಯಾಕ್ ಫಂಗಸ್​ ರೋಗಕ್ಕೆ ವ್ಯಕ್ತಿ ಬಲಿಯಾಗಿದ್ದು, ಇವರಲ್ಲಿ ಮೊದಲು ಕೊರೊನಾ‌ ಪತ್ತೆಯಾಗಿತ್ತು. ಬಳಿಕ ಗುಣಮುಖರಾದ ಸಂದರ್ಭದಲ್ಲಿ ಬ್ಲ್ಯಾಕ್ ಫಂಗಸ್ ಲಕ್ಷಣಗಳು ಪತ್ತೆಯಾಗಿದ್ದವು.

ಹೊಸಪೇಟೆ (ವಿಜಯನಗರ):ವಿಜಯನಗರ ಜಿಲ್ಲೆಯಲ್ಲಿ ಬ್ಲ್ಯಾಕ್ ಫಂಗಸ್ ಇಂದು ಮೊದಲ ಬಲಿ ಪಡೆದುಕೊಂಡಿದೆ.

ಹರಪನಹಳ್ಳಿ ತಾಲೂಕಿನ ಉದ್ಗಟ್ಟಿ ತಾಂಡಾದ ಕೊಟ್ರೇಶ್ ನಾಯ್ಕ್ (55) ಬ್ಲ್ಯಾಕ್ ಫಂಗಸ್​ಗೆ ಬಲಿಯಾದ ವ್ಯಕ್ತಿ. ಇವರಲ್ಲಿ ಮೊದಲು ಕೊರೊನಾ‌ ಪತ್ತೆಯಾಗಿದ್ದು, ಬಳಿಕ ಗುಣಮುಖರಾದ ಸಂದರ್ಭದಲ್ಲಿ ಬ್ಲ್ಯಾಕ್ ಫಂಗಸ್ ಲಕ್ಷಣಗಳು ಪತ್ತೆಯಾಗಿದ್ದವು.

ಹರಪನಹಳ್ಳಿಯಲ್ಲಿ ಚಿಕಿತ್ಸೆ ಪಡೆದು ಹೆಚ್ಚಿನ ಚಿಕಿತ್ಸೆಗೆ ಶಿವಮೊಗ್ಗಕ್ಕೆ ತೆರಳಿದ್ದರು.‌ ಆದರೆ, ಈಗ ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾರೆ. ಆರೋಗ್ಯ ಇಲಾಖೆಯ ಅಧಿಕಾರಿಗಳು ಬ್ಲ್ಯಾಕ್ ಫಂಗಸ್​ನಿಂದ ಮೃತಪಟ್ಟಿರುವುದಾಗಿ ಖಚಿತಪಡಿಸಿದ್ದಾರೆ.