ವಿಜಯನಗರ:ವಿಶ್ವವಿಖ್ಯಾತ ಹಂಪಿಗೆ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಕುಟುಂಬಸಮೇತ ಭೇಟಿ ನೀಡಿದರು. ವಿಜಯನಗರ ಸಾಮ್ರಾಜ್ಯದ ಆರಾಧ್ಯದೈವ ವಿರುಪಾಕ್ಷನ ದರ್ಶನದೊಂದಿಗೆ ಆರಂಭವಾದ ಭೇಟಿ ವಿಜಯ ವಿಠಲ ದೇವಸ್ಥಾನದಲ್ಲಿ ಸಮಾರೋಪಗೊಂಡಿತು. ಇಲ್ಲಿನ ಸ್ಮಾರಕಗಳನ್ನು ಕಣ್ತುಂಬಿಕೊಂಡ ಅವರು ಅಪರೂಪದ ಶಿಲ್ಪವೈಭವಕ್ಕೆ ಮಾರು ಹೋದರು.
ಬೆಳಗ್ಗೆ ವಿರುಪಾಕ್ಷನ ದರ್ಶನ ಪಡೆದು ನಡ್ಡಾ ಕುಟುಂಬ ವಿದ್ಯಾರಣ್ಯಭಾರತಿ ಶ್ರೀಗಳೊಂದಿಗೆ ಚರ್ಚೆ ನಡೆಸಿದರು. ಹೊಸ 50 ರೂಪಾಯಿ ನೋಟಿನಲ್ಲಿರುವ ಹಂಪಿಯ ಕಲ್ಲಿನ ರಥದ ಚಿತ್ರವನ್ನು ಹಿಡಿದು ಫೋಟೋ ತೆಗೆಸಿಕೊಂಡರು. ದೇವಸ್ಥಾನಕ್ಕೆ ಆಗಮಿಸಿದಾಗ ಆನೆ ಲಕ್ಷ್ಮೀ ಹೂಮಾಲೆ ಹಾಕಿ ಆಶೀರ್ವದಿಸಿತು. ದೇವಸ್ಥಾನ ವೀಕ್ಷಿಸಿದ ನಂತರ ರೈಲು ಮಾದರಿಯ ಬಸ್ನಲ್ಲಿ ಹಂಪಿಯ ಸ್ಮಾರಕಗಳ ವೀಕ್ಷಣೆಗೆ ತೆರಳಿದರು.
ಹಂಪಿಗೆ ಭೇಟಿ ನೀಡಿದ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ ನಡ್ಡಾ