ಬಳ್ಳಾರಿಯಲ್ಲಿ ಸ್ಥಳೀಯ ಸಂಸ್ಥೆ ಚುನಾವಣೆ ಜೋರು: ಸಚಿವದ್ವಯರಿಂದ ಹಕ್ಕುಚಲಾವಣೆ

ಇಂದು ಬಳ್ಳಾರಿ ಜಿಲ್ಲೆ ಕಮಲಾಪುರ ಪಟ್ಟಣ ಪಂಚಾಯಿತಿಗೆ ಮತದಾನ ನಡೆಯಿತು. ಮತದಾನ ಪ್ರಕ್ರಿಯೆ ಶುರುವಾಗೋದಕ್ಕೆ ಮುಂಚಿತವಾಗಿ ಆಯಾ ಮತಗಟ್ಟೆ ಕೇಂದ್ರಗಳ ಮುಂದೆ ಮತದಾರರು ಸಾಲುಗಟ್ಟಿ ನಿಂತಿದ್ದು ಕಂಡು ಬಂತು, ಬಿರು ಬಿಸಿಲಿನಲ್ಲೂ ವಯೋವೃದ್ಧರ ಉತ್ಸುಕತೆ ಮೆಚ್ಚುವಂತಿತ್ತು.

ಬಳ್ಳಾರಿ: ಜಿಲ್ಲೆಯ ಹೊಸಪೇಟೆ ತಾಲೂಕಿನ ಕಮಲಾಪುರ ಪಟ್ಟಣ ಪಂಚಾಯಿತಿಯ ಮತದಾನವು ಇಂದು ಶಾಂತಿಯುತವಾಗಿ ಮುಕ್ತಾಯವಾಗಿದೆ

ವಯೋವೃದ್ಧರಿಂದ ಮತದಾನ:

ಇಳಿ ವಯಸ್ಸಿನ ಕೆ.ಪಿ.ಪಾಂಡುರಂಗರಾವ್, ಇಂದು ಪಟ್ಟಣ ಪಂಚಾಯಿತಿ ಎಲೆಕ್ಷನ್​ ನಲ್ಲಿ ಪಾಲ್ಗೊಂಡು ತಮ್ಮ ಹಕ್ಕನ್ನು ಚಲಾಯಿಸಿದರು.ಇನ್ನೂ ಜಿಲ್ಲೆಯ ಹೂವಿನ ಹಡಗಲಿ ಪುರಸಭೆ ವ್ಯಾಪ್ತಿಯ ಮತಗಟ್ಟೆಯಲ್ಲಿ ಸಚಿವ ಪಿ. ಟಿ. ಪರಮೇಶ್ವರ ನಾಯ್ಕ ಹಾಗೂ ಧರ್ಮ ಪತ್ನಿ ತಮ್ಮ ಹಕ್ಕನ್ನು ಚಲಾಯಿಸಿದರು. ಜೊತೆಗೆ ಸಂಡೂರು ಪುರಸಭೆ ವ್ಯಾಪ್ತಿಯ ಮತಗಟ್ಟೆಯಲ್ಲಿ ಸಚಿವ ಈ ತುಕಾರಾಂ ಹಾಗೂ ಕುಟುಂಬ ಸದಸ್ಯರು, ಹಾಲಿ ಸದಸ್ಯೆ ಆಶಾಲತಾ ಸೋಮಪ್ಪ ಸೇರಿದಂತೆ ಇತರರು ತಮ್ಮ ಹಕ್ಕನ್ನು ಚಲಾಯಿಸಿದರು.

ಮತದಾನ ಎಲ್ಲೆಲ್ಲಿ ಎಷ್ಟೆಷ್ಟು?:

ಮಧ್ಯಾಹ್ನ ಒಂದು ಗಂಟೆಯವರೆಗೆ ಕಮಲಾಪುರ ಪಟ್ಟಣ ಪಂಚಾಯಿತಿಯಲ್ಲಿ ಶೇ. 52.87, ಸಂಡೂರು ಪುರಸಭೆ ಶೇ. 38.38, ಹೂವಿನ ಹಡಗಲಿ ಪುರಸಭೆ ಶೇ. 41.46, ಹರಪನಹಳ್ಳಿ ಪುರಸಭೆ ಶೇ. 45.54 ಸೇರಿದಂತೆ ‌ಒಟ್ಟು 44.08 ರಷ್ಟು ಮತದಾನ ನಡೆದಿದೆ.