ಮಲಪ್ರಭಾ ಡ್ಯಾಂನಿಂದ ನೀರು ಬಿಡುಗಡೆ: ಪ್ರವಾಹ ಭೀತಿಯಲ್ಲಿ ರಾಮದುರ್ಗ

ಮಲಪ್ರಭಾ ಡ್ಯಾಂನಿಂದ‌ ಮಲಪ್ರಭಾ ನದಿಗೆ ಇಂದು 16 ಸಾವಿರ ಕ್ಯೂಸೆಕ್ ನೀರು ಬಿಡುಗಡೆ ಮಾಡಲಾಗಿದೆ. ಹೀಗಾಗಿ ರಾಮದುರ್ಗ ಪಟ್ಟಣದ ಕೆಲ ಮನೆಗಳು ಹಾಗೂ ಬೆಳೆಗಳಿಗೆ ನೀರು ನುಗ್ಗಿ ಮುಳುಗಡೆಯಾಗಿವೆ.

ಬೆಳಗಾವಿ:ಪಶ್ಚಿಮಘಟ್ಟ ಪ್ರದೇಶದಲ್ಲಿ ಸುರಿಯುತ್ತಿರುವ ಮಳೆಯಿಂದ ಮಲಪ್ರಭಾ ‌ಜಲಾಶಯದ ಒಳಹರಿವಿನ ಪ್ರಮಾಣ‌ ಹೆಚ್ಚಾಗುತ್ತಿದೆ. ‌ಡ್ಯಾಂನಿಂದ ಹೆಚ್ಚುವರಿ ನೀರನ್ನು ಬಿಡುತ್ತಿರುವ ಕಾರಣ ರಾಮದುರ್ಗ ತಾಲೂಕಿನಲ್ಲಿ ಮತ್ತೆ ಪ್ರವಾಹ ಪರಿಸ್ಥಿತಿ ನಿರ್ಮಾಣವಾಗಿದೆ.

ಮಲಪ್ರಭಾ ಡ್ಯಾಂನಿಂದ‌ ಮಲಪ್ರಭಾ ನದಿಗೆ ಇಂದು 16 ಸಾವಿರ ಕ್ಯೂಸೆಕ್ ನೀರು ಬಿಡುಗಡೆ ಮಾಡಲಾಗಿದೆ. ಹೀಗಾಗಿ ರಾಮದುರ್ಗ ಪಟ್ಟಣದ ಕೆಲ ಮನೆಗಳು ಹಾಗೂ ಬೆಳೆಗಳಿಗೆ ನೀರು ನುಗ್ಗಿ ಮುಳುಗಡೆಯಾಗಿವೆ. ಪಟ್ಟಣ ಹೊರವಲಯದ ಪ್ರೇರಣಾ‌ ಶಾಲೆಯೂ ಜಲಾವೃತಗೊಂಡಿದೆ. ಶಾಲೆಯಲ್ಲಿ ಮಕ್ಕಳು ಇಲ್ಲದ ಕಾರಣ ಅನಾಹುತ ತಪ್ಪಿ‌ದೆ. ರಾಮದುರ್ಗ ತಾಲೂಕಿನಾದ್ಯಂತ ಮತ್ತೆ ಪ್ರವಾಹದ ಭೀತಿ ಎದುರಾಗಿದ್ದು, ಜನರು ಆತಂಕದಲ್ಲಿದ್ದಾರೆ.