ಬಸ್ ಸೇವೆ ರದ್ದು: ಲಾರಿ ಹಿಂದೆ ಜೋತಾಡಿಕೊಂಡು ಊರು ಸೇರಿದ ಯುವಕರು

ಕೊರೊನಾ ಭೀತಿಯಿಂದಾಗಿ ದೇಶಾದ್ಯಂತ ಲಾಕ್​ಡೌನ್​ ಮಾಡಲಾಗಿದ್ದುಇಬ್ಬರು ಯುವಕರು ಪುಣೆಯಿಂದ ಗೂಡ್ಸ್ ಲಾರಿಯ ಹಿಂಬದಿ ಜೋತು ಬಿದ್ದು ಊರು ತಲುಪಿದ್ದಾರೆ.

ಬೆಳಗಾವಿ: ಕೊರೊನಾ ಸೋಂಕು ಹರಡುವ ಭೀತಿ ಹಿನ್ನೆಲೆಯಲ್ಲಿ ದೇಶಾದ್ಯಂತ ಸಾರಿಗೆ ಸಂಚಾರ ಸ್ತಬ್ಧವಾಗಿದೆ. ಮಹಾರಾಷ್ಟ್ರದ ಪುಣೆಯ ವಿವಿಧ ಕೈಗಾರಿಕೆಗಳಲ್ಲಿ ಕೆಲಸ ಮಾಡುತ್ತಿರುವ ಯುವಕರು ತಮ್ಮ ಊರಿಗೆ ಆಗಮಿಸಲು ಹೊಸ ಸಾಹಸ ಮಾಡಿದ್ದಾರೆ.

ಕರ್ನಾಟಕ ಪಾಸಿಂಗ್ ಇರುವ ಗೂಡ್ಸ್ ಲಾರಿಯ ಹಿಂಬದಿಗೆ ಜೋತು ಬಿದ್ದು ಯುವಕರಿಬ್ಬರು ತಮ್ಮ ಊರಿಗೆ ಆಗಮಿಸಿದ್ದಾರೆ. ಊರಿಗೆ ಆಗಮಿಸಲು ಯುವಕರು ಮಾಡಿರುವ ಸಾಹಸವನ್ನು ಕಾರಲ್ಲಿ ಪ್ರಯಾಣಿಸುವ ವ್ಯಕ್ತಿಯೋರ್ವ ಮೊಬೈಲ್​ನಲ್ಲಿ ಸೆರೆಹಿಡಿದಿದ್ದಾರೆ.

ಆ ವಿಡಿಯೋ ಈಟಿವಿ ಭಾರತಕ್ಕೆ ಲಭ್ಯವಾಗಿದೆ.‌ ಈ ಇಬ್ಬರು ಯುವಕರು ಮಹಾರಾಷ್ಟ್ರದ ಗಡಿಭಾಗದವರು ಎಂದು ತಿಳಿದುಬಂದಿದೆ. ಪುಣೆಯಿಂದ ಸುಮಾರು ಇನ್ನೂರು‌ ಕಿಮೀಗೂ ‌ಅಧಿಕ ದೂರ ಲಾರಿಗೆ ಜೋತು ಬಿದ್ದು ಪ್ರಯಾಣಿಸಿದ್ದಾರೆ.