ವಿವಾಹೇತರ ಸಂಬಂಧ ಶಂಕೆ: ಪತ್ನಿ, ಆಕೆಯ ಪ್ರಿಯಕರನ ಹೆಣ ಉರುಳಿಸಿದ ಪತಿ

ಇನ್ನೋರ್ವನೊಂದಿಗೆ ವಿವಾಹೇತರ ಸಂಬಂಧ ಹೊಂದಿದ ಶಂಕೆ ವ್ಯಕ್ತಪಡಿಸಿದ ವ್ಯಕ್ತಿವೋರ್ವ ತನ್ನ ಪತ್ನಿ ಮತ್ತು ಆಕೆಯ ಪ್ರಿಯಕರನ್ನು ಬರ್ಬರವಾಗಿಕೊಂದಿರುವ ಪ್ರಕರಣ ಬಳ್ಳಾರಿ ಜಿಲ್ಲೆಯಲ್ಲಿ ನಡೆದಿದೆ. ಮಹಾಲಿಂಗ ಎಂಬಾತ ಇಂದು ಬೆಳಗ್ಗೆ ಸಿರಿಬಿ ಆರಣ್ಯ ಪ್ರದೇಶದ ಕುರಿಹಟ್ಟಿಯಲ್ಲಿ ಇಬ್ಬರನ್ನು ಕೊಡ್ಲಿಯಿಂದ ಹೊಡೆದು ಕೊಲೆಗೈದಿದ್ದಾನೆ.

ಬಳ್ಳಾರಿ: ವಿವಾಹೇತರ ಸಂಬಂಧ ಶಂಕೆ ಹಿನ್ನೆಲೆಯಲ್ಲಿ ಪತ್ನಿ‌ ಹಾಗೂ ಆಕೆಯ ಪ್ರಿಯಕರನನ್ನ ಪತಿ ಕೊಡಲಿಯಿಂದ ಕೊಚ್ಚಿ ಕೊಂದಿರುವ ಘಟನೆ ಕೂಡ್ಲಿಗಿ ತಾಲೂಕಿನಲ್ಲಿ ನಡೆದಿದೆ.

ಬಡೇಲಡಕು ಗ್ರಾಮದ ದೊಡ್ಡಗೊಲ್ಲರಹಟ್ಟಿ ಗ್ರಾಮದ ನಿವಾಸಿ ಮಹಾಲಿಂಗ ಎಂಬಾತ ಈ ಇಬ್ಬರನ್ನು ಕೊಲೆ ಮಾಡಿ ಪೊಲೀಸರಿಗೆ ಶರಣಾಗಿದ್ದಾನೆ.

ಜಿಲ್ಲೆಯ ಕೂಡ್ಲಿಗಿ ತಾಲೂಕಿನಲ್ಲಿ ಇಬ್ಬರ ಕೊಲೆ

ತನ್ನ ಪತ್ನಿ ಸುಜಾತಳೊಂದಿಗೆ ದೊಡ್ಡಗೊಲ್ಲರಹಟ್ಟಿ ಗ್ರಾಮದ ಮಂಜುನಾಥ ಎಂಬಾತನ ಅನೈತಿಕ ಸಂಬಂಧ ಹೊಂದಿದ್ದ ಎನ್ನಲಾಗ್ತಿದೆ. ಈ ಶಂಕೆಯಿಂದ ಮಹಾಲಿಂಗ ಇಂದು ಬೆಳಗ್ಗೆ ಸಿರಿಬಿ ಆರಣ್ಯ ಪ್ರದೇಶದ ಕುರಿಹಟ್ಟಿಯಲ್ಲಿ ಕೊಡಲಿಯಿಂದ ಹೊಡೆದು ಇಬ್ಬರು ಹತ್ಯೆಗೈದಿದ್ದಾನೆ. ಈ ಕುರಿತು ಕೂಡ್ಲಿಗಿ‌ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಘಟನಾ ಸ್ಥಳಕ್ಕೆ ಹೆಚ್ಚುವರಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲಾವಣ್ಯ ಭೇಟಿ ನೀಡಿ, ಪರಿಶೀಲಿಸಿದ್ದಾರೆ.