ವ್ಯಾಪಾರಿಗೆ ನಕಲಿ ನೋಟು ನೀಡಿ ಪರಾರಿಯಾಗಿದ್ದ ಆರೋಪಿ ಬಂಧನ

ದೇವರ ಪೂಜಾ ಸಾಮಗ್ರಿ ಮಾರಾಟ ಮಾಡುತ್ತಿದ್ದ ವ್ಯಾಪಾರಿಗೆ ವಂಚಿಸಿ ನಕಲಿ ನೋಟು ನೀಡಿ ಪರಾರಿಯಾಗಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಬೆಳಗಾವಿ:ಸವದತ್ತಿಯ ಯಲ್ಲಮ್ಮನ ಗುಡ್ಡದ ರೇಣುಕಾದೇವಿ ಜಾತ್ರೆಯಲ್ಲಿದೇವರ ಪೂಜಾ ಸಾಮಗ್ರಿ ಮಾರಾಟ ಮಾಡುತ್ತಿದ್ದ ವ್ಯಾಪಾರಿಗೆ ವಂಚಿಸಿ ನಕಲಿ ನೋಟು ನೀಡಿ ಪರಾರಿಯಾಗಿದ್ದ ಆರೋಪಿಯನ್ನು ಬಂಧಿಸಲಾಗಿದೆ.

ನಕಲಿ ನೋಟು‌ ನೀಡಿ ವಂಚಿಸಿರುವ ಬಗ್ಗೆ ವ್ಯಾಪಾರಿ ಸವದತ್ತಿ ಪೊಲೀಸ್ ‌ಠಾಣೆಯಲ್ಲಿಂದು ದೂರು ದಾಖಲಿಸಿದ್ದರು.‌ ಪ್ರಕರಣ ಗಂಭೀರವಾಗಿ ಪರಿಗಣಿಸಿದ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಬೈಲಹೊಂಗಲ ತಾಲೂಕಿನ ಹಣ್ಣಿಕೇರಿ ಗ್ರಾಮದ ಈರಣ್ಣ ಮೂಲಿನಮನಿ (30) ಬಂಧಿತ ಆರೋಪಿ. ಬಂಧಿತನಿಂದ 100, 500 ರೂ. ಮುಖಬೆಲೆಯ 38,500 ರೂ. ನಕಲಿ ನೋಟು, ಮೊಬೈಲ್ ಫೋನ್​​ ಜಪ್ತಿ ಮಾಡಿಕೊಳ್ಳಲಾಗಿದೆ.

ಸವದತ್ತಿ ಠಾಣೆಯ ಸಿಪಿಐ ಮಂಜುನಾಥ ನಡುವಿನಮನಿ ನೇತೃತ್ವದ ‌ತಂಡ ಆರೋಪಿಯನ್ನು ಬಂಧಿಸಿದೆ.