ಸ್ಯಾಂಡಲ್​ವುಡ್​ ಡ್ರಗ್ಸ್ ಕೇಸ್​: ಸಂಜನಾಳ ಮತ್ತೊಬ್ಬ ಆಪ್ತನಿಗೆ ಬಲೆ ಬೀಸಿದ ಸಿಸಿಬಿ

ಡ್ರಗ್ಸ್​ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ನಟಿ ಸಂಜನಾ ಗಲ್ರಾನಿಯನ್ನು ವಶಕ್ಕೆ ಪಡೆದಿರುವ ಸಿಸಿಬಿ, ನಟಿಯ ಸಂಪರ್ಕದಲ್ಲಿರುವ ಮತ್ತೊಬ್ಬನಿಗಾಗಿ ಹುಡುಕಾಟ ನಡೆಸುತ್ತಿದೆ.

ಬೆಂಗಳೂರು: ನಟಿ ಸಂಜನಾ ಗಲ್ರಾನಿ ಬಂಧನ ಬೆನ್ನೆಲ್ಲೇ ಆಕೆಯ ಮತ್ತೊಬ್ಬ ಆಪ್ತ ಶೇಕ್ ಫಾಜೀಲ್​ಗಾಗಿ ಸಿಸಿಬಿ ಪೊಲೀಸರು ಬಲೆ ಬೀಸಿದ್ದಾರೆ.

ಈತ ಸಂಜನಾ ಅಲ್ಲದೆ ರಾಹುಲ್​ಗೂ ಆಪ್ತನಾಗಿದ್ದು, ಶೇಕ್ ಫಾಜೀಲ್ ಪ್ರಮುಖ ರಾಜಕಾರಣಿಯೊಬ್ಬರ ಬಲಗೈ ಬಂಟ ಎಂದು ಹೇಳಲಾಗ್ತಿದೆ. ಡ್ರಗ್ಸ್​ ಪ್ರಕರಣದಲ್ಲಿ ಈತನದ್ದು ಪಾಲಿದೆ ಎಂಬ ಶಂಕೆ ಮೇರೆಗೆ ಈತನಿಗಾಗಿ ಸಿಸಿಬಿ ತೀವ್ರ ಹುಡುಕಾಟ ನಡೆಸಿದೆ.

ಫಾಜೀಲ್ ಬಿಟಿಎಂ ಲೇಔಟ್​ನಲ್ಲಿ ವಾಸವಿದ್ದು, ಬಾಲಿವುಡ್, ಸ್ಯಾಂಡಲ್​ವುಡ್ ಮಂದಿಯೊಂದಿಗೆ ನಿಕಟ ಸಂಪರ್ಕವಿದೆ ಎನ್ನಲಾಗ್ತಿದೆ. ಈತ ಹಲವಾರು ಡ್ರಗ್ ಪಾರ್ಟಿಯಲ್ಲಿ ಭಾಗಿಯಾಗಿರುವ ಆರೋಪ ಕೇಳಿಬಂದಿದೆ. ಸದ್ಯ ನಟಿ ಸಂಜನಾಳನ್ನು ಸಿಸಿಬಿ ವಶಕ್ಕೆ ಪಡೆದಿರುವ ಹಿನ್ನೆಲೆ ಅವರ ಆಪ್ತರಿಗಾಗಿ ಶೋಧ ಮುಂದುವರೆಸಿದ್ದಾರೆ.