ಬೆಂಗಳೂರು :ಸ್ನೇಹಿತನ ಮನೆಗೆ ಹೋಗಿ ಬರುವಾಗ ದುಷ್ಕರ್ಮಿಗಳು ಮಾರಕಾಸ್ತ್ರದಿಂದ ಕುತ್ತಿಗೆ ಸೀಳಿ ಪರಾರಿಯಾಗಿರುವ ಘಟನೆ ನಂದಿನಿಲೇಔಟ್ ಪೊಲೀಸ್ ಠಾಣಾ ವ್ಯಾಪ್ತಿಯ ನರಸಿಂಹ ಸ್ವಾಮಿಲೇಔಟ್ ವ್ಯಾಪ್ತಿಯಲ್ಲಿ ನಡೆದಿದೆ.
ವಿದ್ಯಾರಣ್ಯಪುರ ನಿವಾಸಿ ವಿಶ್ವನಾಥ ಕೊಲೆಯಾದವ. ಈ ಹಿಂದೆ ಇದೇ ನರಸಿಂಹಸ್ವಾಮಿ ಲೇಔಟ್ನಲ್ಲಿ ಈತ ವಾಸವಾಗಿದ್ದ. ಇತ್ತೀಚೆಗೆ ವಿದ್ಯಾರಣ್ಯಪುರಕ್ಕೆ ತೆರಳಿದ್ದ. ಇಂದು ಘಟನೆ ನಡೆದ ಜಾಗದಲ್ಲೇ ಪರಿಚಯಸ್ಥನಾಗಿದ್ದ ರವಿ ಎಂಬಾತನೊಂದಿಗೆ ಮಾತನಾಡಲು ಬಂದಿದ್ದನಂತೆ. ಈ ಹಿಂದೆ ಇದೇ ಏರಿಯಾದಲ್ಲಿದ್ದ ವೇಳೆ ರವಿ ಕುಟುಂಬದೊಂದಿಗೆ ಒಂದಷ್ಟು ಕಿರಿಕ್ ನಡೆದಿತ್ತು ಎನ್ನಲಾಗಿದೆ.
ಈ ಹಿಂದೊಮ್ಮೆ ವಿವಾಹೇತರ ಸಂಬಂಧದ ವಿಚಾರಗಳ ಬಗ್ಗೆ ಕೂಡ ಗಲಾಟೆ ನಡೆದಿತ್ತು. ಹೀಗಾಗಿ, ಇದೇ ವಿಚಾರವಾಗಿ ವಿಶ್ವನಾಥ್, ರವಿಯ ಮನೆಗೆ ಬಂದಿರುವ ಸಾಧ್ಯತೆಯಿದೆ. ಸ್ಥಳೀಯರು ಹೇಳುವ ಪ್ರಕಾರ, ಇಂದು ಬೆಳಗಿನ ಜಾವ ಕೂಡ ಸ್ವಲ್ಪ ಮಟ್ಟಿಗೆ ಅವರ ನಡುವೆ ಕಿರಿಕ್ ನಡೆದಿತ್ತಂತೆ.
ಮಾರಕಾಸ್ತ್ರದಿಂದ ಕುತ್ತಿಗೆ ಸೀಳಿ ವ್ಯಕ್ತಿ ಕೊಲೆ