ಪ್ಯಾಲೆಸ್ ಗ್ರೌಂಡ್ ನಲ್ಲಿ ಸೆಲ್ಫಿ ವಿತ್ ಬಿಎಸ್ವೈ!

ಲೋಕಸಭಾ ಚುನಾವಣಾ ಪ್ರಚಂಡ ಗೆಲುವಿನ ಹಿನ್ನೆಲೆ ನೂತನ ಸಂಸದರಿಗೆ ಬಿಜೆಪಿಯಿಂದ ಆಯೋಜಿಸಲಾಗಿದ್ದ ಅಭಿನಂದನಾ ಸಮಾರಂಭದಲ್ಲಿ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್. ಯಡಿಯೂರಪ್ಪರೊಂದಿಗೆ ಸೆಲ್ಫಿ, ಕ್ಲಿಕ್ಕಿಸಿಕೊಳ್ಳಲು ಜನ ಮುಗಿಬಿದ್ದ ದೃಶ್ಯ ಕಂಡುಬಂತು.

ಬೆಂಗಳೂರು: ಸಾರ್ ಸಾರ್ ಒಂದ್ ಸೆಲ್ಫಿ, ಸರ್ ಒಂದ್ ಪೋಟೋ...ಸಾರ್ ಈ ಕಡೆ ನೋಡಿ... ಇದು ಯಾವುದೋ ಫಿಲ್ಮ್‌ಸ್ಟಾರ್ ಜೊತೆ ಫೋಟೋಗೆ ಮುಗಿಬಿದ್ದ ದೃಶ್ಯವಲ್ಲ. ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್.ಯಡಿಯೂರಪ್ಪ ಜೊತೆ ಅಭಿಮಾನಿಗಳು ಪೋಟೋಗೆ ಮುಗಿಬಿದ್ದ ಪರಿ ಇದು.

ಹೌದು, ಲೋಕಸಭಾ ಚುನಾವಣಾ ಪ್ರಚಂಡ ಗೆಲುವಿನ ಹಿನ್ನಲೆ ನೂತನ ಸಂಸದರಿಗೆ ಬಿಜೆಪಿಯಿಂದ ಅಭಿನಂದನಾ ಸಮಾರಂಭವನ್ನು ಆಯೋಜಿಸಿದ್ದು, ಸಮಾರಂಭದಲ್ಲಿ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್ ಯಡಿಯೂರಪ್ಪ ಸೆಂಟರ್ ಆಫ್‌ ಅಟ್ರ್ಯಾಕ್ಷನ್ ಆಗಿದ್ದರು.

ಸಮಾರಂಭದ ಸ್ಥಳಕ್ಕೆ ಯಡಿಯೂರಪ್ಪ ಆಗಮಿಸುತ್ತಿದ್ದಂತೆ ಮುಗಿಬಿದ್ದ ಅಭಿಮಾನಿಗಳು ತಮ್ಮ ತಮ್ಮ ಮೊಬೈಲ್ ಸೆಲ್ಫಿ ಮೋಡ್ ಆನ್ ಮಾಡಿದರು. ಮಹಿಳಾ‌ ಕಾರ್ಯಕರ್ತೆಯರು ಸೇರಿದಂತೆ ಎಲ್ಲರೂ ತಾ ಮುಂದು ನಾ ಮುಂದು ಎಂದು ಸೆಲ್ಫಿಗಳನ್ನು, ಫೋಟೋಗಳನ್ನು ತೆಗೆಸಿಕೊಂಡರು.

ಇನ್ನೂ ಬಿಎಸ್​ವೈ ಕೂಡ ಸಮಾಧಾನದಿಂದಲೇ ಕುಳಿತು ಫೋಟೋ, ಸೆಲ್ಫಿಗಳಿಗೆ ಹಸನ್ಮುಖರಾಗಿ ಪೋಸ್ ಕೊಡುತ್ತಾ ಕೆಲ ಸಮಯ ಕಳೆದರು.