ಪಾದರಾಯಪುರದ 'ದೌಲತ್'​ ಪಾಷಾನ ಕಾರು ಜಪ್ತಿ..!

ಇಮ್ರಾನ್ ಪಾಷಾ ನಿನ್ನೆ ವಿಕ್ಟೋರಿಯಾ ಆಸ್ಪತ್ರೆಯಿಂದ ಬಿಡುಗಡೆಯಾಗ್ತಿದ್ದಂತೆ, ಬೆಂಬಲಿಗರು ಕೊರೊನಾ ಆತಂಕದ ಮಧ್ಯೆಯೂ ಪಟಾಕಿ ಸಿಡಿಸಿ ಸಂಭ್ರಮಾಚರಣೆ ಮಾಡಿದ್ದರು. ಈ ಹಿನ್ನೆಲೆ ಅವರ ಕಾರು ಹಾಗೂ ಬೆಂಬಲಿಗರ 16 ಬೈಕ್​​​​​ಗಳನ್ನು ಜಪ್ತಿ ಮಾಡಲಾಗಿದೆ.

ಬೆಂಗಳೂರು:ಪಾದರಾಯಪುರ ಕಾರ್ಪೊರೇಟರ್ ಇಮ್ರಾನ್ ಪಾಷಾ ಅವರ ಕಾರು ಹಾಗೂ ಬೆಂಬಲಿಗರ 16 ಬೈಕ್​​​​​ಗಳನ್ನು ಜೆ.ಜೆ. ನಗರ ಪೊಲೀಸರು ಜಪ್ತಿ ಮಾಡಿದ್ದಾರೆ. ಈ ಕುರಿತು ನಗರ ಪಶ್ಚಿಮ ವಿಭಾಗದ ಡಿಸಿಪಿ ರಮೇಶ್ ಬಾನೋತ್ ತಿಳಿಸಿದ್ದಾರೆ.

143, 145, 270, 290, 353 ಅಡಿಯಲ್ಲಿ ಪ್ರಕರಣ ದಾಖಲಾಗಿದ್ದು, ಹಿಂದಿನ‌ ಪ್ರಕರಣಗಳ ಬಗ್ಗೆ ಕೂಡ ನಾವು ಪರಿಶೀಲನೆ ನಡೆಸುತ್ತಿದ್ದೇವೆ ಎಂದು ಡಿಸಿಪಿ ತಿಳಿಸಿದ್ದಾರೆ. ಇಮ್ರಾನ್ ಪಾಷಾ ನಿನ್ನೆ ವಿಕ್ಟೋರಿಯಾ ಆಸ್ಪತ್ರೆಯಿಂದ ಬಿಡುಗಡೆಯಾಗ್ತಿದ್ದಂತೆ, ಬೆಂಬಲಿಗರು ಕೊರೊನಾ ಆತಂಕದ ಮಧ್ಯೆಯೂ ಪಟಾಕಿ ಸಿಡಿಸಿ ಸಂಭ್ರಮಾಚರಣೆ ಮಾಡಿದ್ದರು.

‌ಸಾಮಾಜಿಕ ಅಂತರ ಮರೆತ ಹಿನ್ನೆಲೆ ನಿನ್ನೆ ಇಮ್ರಾನ್ ಪಾಷಾನ ಜೊತೆಗೆ 22 ಮಂದಿ ಆರೋಪಿಗಳನ್ನು ಬಂಧಿಸಲಾಗಿತ್ತು. ಈ ಕುರಿತು ಒಂದು ಮರ್ಸಿಡಿಸ್ ಬೆಂಜ್ ಕಾರ್ ಹಾಗೂ ಬೆಂಬಲಿಗರ ಬೈಕ್​​​ಗಳನ್ನು ಜಪ್ತಿ ಮಾಡಿಕೊಳ್ಳಲಾಗಿದೆ.

ಇನ್ನು ಪಾದರಾಯಪುರದಲ್ಲಿ‌ ಗಲಭೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಮ್ರಾನ್ ಪಾಷಾ ಗಲಾಟೆಗೆ ಕುಮ್ಮಕ್ಕು‌ ನೀಡಿದ್ದ ಎಂಬ ಆರೋಪ ಬಂದಿತ್ತು. ಪೋನ್​​​​ನಲ್ಲಿ ಯಾರ ಜೊತೆ ಮಾತನಾಡಿದ್ದಾರೆ ಎಂಬುದನ್ನು ಪತ್ತೆ ಹಚ್ಚಲಾಗುತ್ತಿದೆ ಎಂದು ಡಿಸಿಪಿ ಮಾಹಿತಿ ನೀಡಿದ್ದಾರೆ.