ರಾಜಕಾರಣಿಗಳಷ್ಟೇ ಅಲ್ಲ, ಉದ್ಯಮಿಗಳನ್ನೂ ಗುರಿಯಾಗಿಸಿಕೊಂಡು ದಾಳಿ: ಐಟಿ ಇಲಾಖೆ ಸ್ಪಷ್ಟನೆ

ರಾಜ್ಯದ್ಯಾಂತ ಐಟಿ ದಾಳಿ‌ ಪ್ರಕರಣಕ್ಕೆ ಸಂಬಂಧಿಸಿದಂತೆ ಐಟಿ ಅಧಿಕಾರಿಗಳು ಅಧಿಕೃತವಾಗಿ ಪತ್ರಿಕಾ ಪ್ರಕಟಣೆ ಬಿಡುಗಡೆ ಮಾಡಿದ್ದಾರೆ.

ಬೆಂಗಳೂರು:ತಡರಾತ್ರಿಯಿಂದ ನಡೆದಿರುವ ಐಟಿ ದಾಳಿಯು ಉದ್ದೇಶಪೂರ್ವಕವಲ್ಲ. ರಾಜಕಾರಣಿಗಳಷ್ಟೇ ಅಲ್ಲ ಉದ್ಯಮಿಗಳ ಮನೆ ಮೇಲೂ ರೇಡ್​ ನಡೆದಿದೆ ಎಂದು ಆದಾಯ ತೆರಿಗೆ ಇಲಾಖೆ ಸ್ಪಷ್ಟಪಡಿಸಿದೆ.

ಈ ಸಂಬಂಧ ಪ್ರಕಟಣೆ ಬಿಡುಗಡೆ ಮಅಡಿರುವ ಐಟಿ ಇಲಾಖೆ, ಕೇವಲ ಎಂಪಿ, ಎಂಎಲ್​ಎ ಹಾಗೂ ಸಚಿವರ ಕಚೇರಿ‌ ಮತ್ತು ಮನೆ ಮೇಲೆ ದಾಳಿ ನಡೆದಿಲ್ಲ. ಉದ್ಯಮಿಗಳ ಮನೆ ಮೇಲೂ ರೇಡ್​ ನಡೆದಿದೆ.

ನಾವು ಸಿಆರ್​​ಪಿಎಫ್​ ಬಳಸಿದ್ದು ನಿಜ, ಇದು ಪ್ರೋಟೋಕಾಲ್ ಪ್ರಕಾರ ನಡೆದಿದೆ. ದಾಳಿಗೂ ಮುನ್ನ ಈ ಬಗ್ಗೆ ರಾಜ್ಯ ಪೊಲೀಸ್​ ಇಲಾಖೆಯ ಗಮನಕ್ಕೆ ತಂದಿದ್ದೆವು. ಇವತ್ತಿನ ದಾಳಿ ಉದ್ಯಮಿಗಳು, ಎಂಎನ್​ಸಿ ಕಂಪೆನಿ, ಗಣಿ ಉದ್ಯಮಿಗಳು, ಶಿಕ್ಷಣ ಸಂಸ್ಥೆ, ರಿಯಲ್ ಎಸ್ಟೇಟ್, ಮೀನುಗಾರಿಕೆ, ಮೆಡಿಕಲ್ ಕಾಲೇಜು, ಫಿಲ್ಮ್ ಇಂಡಸ್ಟ್ರಿ ಹಾಗೂ ರಾಜಕೀಯ ಪ್ರೇರಿತವಾದ ವ್ಯಕ್ತಿಗಳ ಮೇಲೂ ದಾಳಿ ನಡೆದಿದೆ. ತೆರಿಗೆ ವಂಚನೆಯಾಗಿದ್ದೆ ಈ ಎಲ್ಲಾ ದಾಳಿಗೆ ಕಾರಣ.

ಇದರ ಬಗ್ಗೆ ಸಂಪೂರ್ಣ ಮಾಹಿತಿ ಕಲೆಹಾಕಿ ಅಧಿಕೃತ ಪಡೆದುಕೊಂಡೇ ದಾಳಿ ಮಾಡಲಾಗಿದೆ. ಎಲ್ಲವೂ ಕಾನೂನು ಪ್ರಕಾರವೇ ನಡೆದಿದೆ. ರಾಜಕೀಯ ಪಕ್ಷಗಳು ನಮಗೆ ಸಹಕಾರ ನೀಡಬೇಕು. ಈ ದಾಳಿ ಯಾವುದೇ ರಾಜಕೀಯ ಪ್ರೇರಿತವಲ್ಲ. ವೈಯಕ್ತಿಕ ದಾಳಿಯೂ ಅಲ್ಲ ಎಂದು ಕರ್ನಾಟಕ ಹಾಗೂ ಗೋವಾ ಆದಾಯ ಇಲಾಖೆಯು ಅಧಿಕೃತ ಸ್ಪಷ್ಟನೆ ನಿಡಿದೆ.