ಆರ್ಮಿ ಅಧಿಕಾರಿಗಳಿಗೆ ನೀಡುವ ಮದ್ಯ ಮಾರಾಟ: ಆರೋಪಿಯ ಬಂಧನ

ಮೇಕ್ರಿ ಸರ್ಕಲ್​​ ಬಳಿ ಇರುವ ಏರ್ಫೋರ್ಸ್​​​ ಕ್ಯಾಂಟೀನ್​​ನಿಂದ ಮದ್ಯ ಖರೀದಿ ಮಾಡಿ ಅದನ್ನು ಸಾಗಿಸುತ್ತಿದ್ದಂತೆ ಪೊಲೀಸರು ಆರೋಪಿಯನ್ನು ಮಾಲುಸಮೇತ ಅರೆಸ್ಟ್ ಮಾಡಿದ್ದಾರೆ.

ಬೆಂಗಳೂರು: ಹೊಸ ವರ್ಷದ ಸಂಭ್ರಮಾಚರಣೆ ಹಿನ್ನಲೆ ಆರ್ಮಿ ಅಧಿಕಾರಿಗಳಿಗೆ ನೀಡುವ ಮದ್ಯವನ್ನು ಪಡೆದು ಅಕ್ರಮವಾಗಿ ಮಾರಾಟ ಮಾಡಲು ಯತ್ನಿಸುತ್ತಿದ್ದ ಆರೋಪಿಯನ್ನು ಪಶ್ಚಿಮ ವಿಭಾಗದ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ.

ಆರೋಪಿಯಿಂದ ವಶಪಡಿಸಿಕೊಂಡ ವಸ್ತುಗಳು

ಮಣಿ (61) ಬಂಧಿತ ಆರೋಪಿ. ಈತ ರಿಯಲ್ ಎಸ್ಟೇಟ್ ಉದ್ಯಮಿಯಾಗಿದ್ದು, ಮೇಕ್ರಿ ಸರ್ಕಲ್​​ ಬಳಿ ಇರುವ ಏರ್ಫೋರ್ಸ್​​​ ಕ್ಯಾಂಟೀನ್​​ನಿಂದ ಮದ್ಯ ಖರೀದಿಸಿದ್ದಾನೆ. ಬಳಿಕ ಅದನ್ನು ಸಾಗಿಸುತ್ತಿದ್ದಂತೆ ರೆಡ್ ಹ್ಯಾಂಡ್ ಆಗಿ ಬಸವೇಶ್ವರ ನಗರ ಹಾಗೂ ಮಾಗಡಿ ರೋಡ್ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾನೆ.

ಓದಿ:ಹೊಟೇಲ್‌ನಲ್ಲಿ ಎರಡು ಗುಂಪುಗಳ ನಡುವೆ ಹೊಡೆದಾಟ: ಸಿಸಿಟಿವಿ ದೃಶ್ಯ

ಬಂಧಿತನಿಂದ BLACK & WHITE - 26 ಬಾಟಲ್​ಗಳು, 100 Piper's - 55, Peter Scot - 15, Blender Prides - 13, MC Roys - 05 ಬಾಟಲ್​​ಗಳು ಸೇರಿದಂತೆ ಒಟ್ಟು 114 ಬಾಟಲ್​​​ಗಳ 85 ಲೀಟರ್ ಮದ್ಯವನ್ನು ವಶಕ್ಕೆ ಪಡೆದಿದ್ದಾರೆ.