ಬೆಂಗಳೂರು:ಚಾಲಾಕಿ ಹೆಣ್ಣುಮಗಳೊಬ್ಬಳು ಮಾಲ್ ನ ಪಾರ್ಕಿಂಗ್ನಲ್ಲಿ ನಿಲ್ಲಿಸಿದ್ದ ಬೈಕ್ನಲ್ಲಿದ್ದ ಹೆಲ್ಮೆಟ್ಅನ್ನು ಕ್ಷಣ ಮಾತ್ರದಲ್ಲಿ ಎಗರಿಸಿರುವ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ.
ಹೆಲ್ಮೆಟ್ ಎಗರಿಸಿರುವ ದೃಶ್ಯ
ಬೈಕ್ ಪಾರ್ಕ್ ಮಾಡಿದಾಗ ಹೆಲ್ಮೆಟ್ ಲಾಕ್ ಮಾಡೋದು ಮರೀಬೇಡಿ... ಯಾಕಂತೀರಾ ಈ ವಿಡಿಯೋ ಒಮ್ಮೆ ನೋಡಿ!
ಸಿಲಿಕಾನ್ ಸಿಟಿ ಜನ ಹೆಚ್ಚಾಗಿ ಮಾಲ್ ಶಾಪಿಂಗ್, ಹೀಗೆ ನಾನಾ ವಿಚಾರಗಳಿಗೆ ಮಾಲ್ಗೆ ತೆರಳ್ತಾರೆ. ಆದ್ರೆ ಮಾಲ್ಗೆ ಹೊಗುವ ಮುಂಚೆ ಕೂಡ ಮೈಯಲ್ಲಾ ಕಣ್ಣಾಗಿರಬೇಕು ಯಾಕಂದ್ರೆ, ಬೆಂಗಳೂರಿನ ಕೋರಮಂಗಲ ಫೋರಂ ಮಾಲ್ ನಲ್ಲಿ ಬೈಕ್ ಪಾರ್ಕ್ ಮಾಡಿ ಮಾಲ್ಗೆ ಹೋಗಿ ಬರೊವಷ್ಟರಲ್ಲಿ ಹೆಲ್ಮೆಟ್ ಮಾಯ ವಾಗಿದೆ.
ಹೆಲ್ಮೆಟ್ ಎಗರಿಸಿರುವ ದೃಶ್ಯ
ಕೋರಮಂಗಲದ ಫೋರಂ ಮಾಲ್ಗೆ ಬಂದವರು ಬೈಕ್ಅನ್ನು ಪಾರ್ಕ್ ಮಾಡಿ ತೆರಳಿದ್ದಾರೆ. ಈ ವೇಳೆ ಎಂಟ್ರಿ ಕೊಟ್ಟ ಇಬ್ಬರಲ್ಲಿ ಮಹಿಳೆಯೊಬ್ಬರು ಬೈಕ್ನಿಂದ ಹೆಲ್ಮೆಟ್ ಕಳ್ಳತನ ಮಾಡಿ ನಂತರ ತಲೆಗೆ ಧರಿಸಿ ಎಸ್ಕೇಪ್ ಆಗಿದ್ದಾರೆ.
ಇನ್ನು ಬೈಕ್ ಮಾಲೀಕರು ಬಂದು ನೋಡಿದಾಗ ಹೆಲ್ಮೆಟ್ ಮಾಯವಾಗಿರುವ ವಿಚಾರ ತಿಳಿದು ಸ್ಥಳದ ಸಿಸಿ ಟಿವಿ ಪರಿಶೀಲನೆ ಮಾಡಿದ್ದಾರೆ. ಆಗ ಕಳ್ಳರ ಕರಾಮತ್ತು ಸಿಸಿಯಲ್ಲಿ ಸೆರೆಯಾಗಿದೆ. ಸದ್ಯ ಆಡುಗೋಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲು ಆಗಿದ್ದು ತನಿಖೆ ಮುಂದುವರೆದಿದೆ.