ಕಾಂಗ್ರೆಸ್​​ ಕೊರೊನಾ ಪರಿಹಾರ ನಿಧಿಗೆ ಮುಂದುವರಿದ ಧನ ಸಂಗ್ರಹ

ರಾಜ್ಯದಲ್ಲಿ ಕೊರೊನಾ ಪರಿಹಾರ ನಿಧಿಗೆ ಧನ ಸಂಗ್ರಹ ಮಂದುವರೆದಿದ್ದು ಇಂದು ಹಲವು ಕಾಂಗ್ರಸ್​ ಮುಖಂಡರು, ತಮ್ಮ ಪಾಲಿನ ಹಣ ಸಂದಾಯ ಮಾಡಿದರು.

ಬೆಂಗಳೂರು: ಕೊರೊನಾ ಪರಿಹಾರ ನಿಧಿಗೆ ಧನ ಸಂಗ್ರಹ ಕಾರ್ಯವನ್ನು ಕಾಂಗ್ರೆಸ್ ಮುಂದುವರಿಸಿದ್ದು ಇಂದು ಇಬ್ಬರು ನಾಯಕರು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್​​ಗೆ ತಮ್ಮ ಪಾಲಿನ ಹಣ ಸಂದಾಯ ಮಾಡಿದ್ದಾರೆ.

ಕೊರೊನಾ ಪರಿಹಾರ ನಿಧಿಗೆ ಧನ ಸಂಗ್ರಹ

ಎಐಸಿಸಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಸೂಚನೆ ಮೇರೆಗೆ ಪ್ರತಿಯೊಬ್ಬ ಕಾಂಗ್ರೆಸ್ ಶಾಸಕರು ಮುಖಂಡರು ತಮ್ಮ ಕೈಲಾದ ಸಹಾಯವನ್ನು ಕೊರೊನಾ ಪರಿಹಾರ ನಿಧಿಗೆ ನೀಡಬೇಕು ಎಂದು ಸೂಚಿಸಿದ್ದರು. ಪ್ರತಿ ಶಾಸಕರು ಕನಿಷ್ಠ ಒಂದು ಲಕ್ಷ ರೂ. ಮೊತ್ತವನ್ನು ಆದರೂ ನೀಡಬೇಕು ಎಂದು ಸೂಚಿಸಿದ ಹಿನ್ನೆಲೆ ಹಲವರು ಈಗಾಗಲೇ ಹಣ ಸಂದಾಯ ಮಾಡಿದ್ದು, ಬಾಕಿ ಉಳಿದ ಕೆಲವರು ಕೂಡ ಸಂದಾಯ ಮಾಡುತ್ತಿದ್ದಾರೆ.

ತಾವು ನೀಡುವ ಪರಿಹಾರ ಮೊತ್ತದ ಚೆಕ್​ಅನ್ನು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್​​ಗೆ ಹಸ್ತಾಂತರ ಮಾಡುತ್ತಿದ್ದಾರೆ. ಎಲ್ಲರಿಂದ ಚೆಕ್ ಸ್ವೀಕರಿಸಿದ ನಂತರ ಡಿಕೆಶಿ ಇದನ್ನ ವಿಧಾನಸಭೆ ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯಗೆ ಹಸ್ತಾಂತರಿಸಲಿದ್ದಾರೆ. ಈ ಹಸ್ತಾಂತರ ಸಂದರ್ಭ ತಮ್ಮ ಕೈಲಾದ ಮೊತ್ತದ ಸಹಾಯಧನದ ಚೆಕ್ ಕೂಡ ಸಿದ್ದರಾಮಯ್ಯಗೆ ನೀಡಲಿದ್ದಾರೆ.

ಒಟ್ಟಾರೆ ಮೊತ್ತವನ್ನು ಸ್ವೀಕರಿಸಲಿರುವ ಸಿದ್ದರಾಮಯ್ಯ, ತಾವು ನೀಡುವ ಪರಿಹಾರ ಮೊತ್ತವನ್ನು ಸೇರಿಸಿ ಸಂಗ್ರಹವಾದ ಹಣದಲ್ಲಿ ಒಂದು ಪಾಲನ್ನು ಮುಖ್ಯಮಂತ್ರಿ ಪರಿಹಾರ ನಿಧಿಗೆ ಹಾಗೂ ಇನ್ನೊಂದು ಪಾಲನ್ನು ಪ್ರಧಾನಮಂತ್ರಿ ಪರಿಹಾರ ನಿಧಿಗೆ ನೀಡಲಿದ್ದಾರೆ.

ಇಂದು ಚೆಕ್ ನೀಡಿದವರು ಕೆಪಿಸಿಸಿ ಕಾರ್ಯದರ್ಶಿ ಮದನ್ ಪಟೇಲ್ ಅವರು ಕಾಂಗ್ರೆಸ್ ಕೊರೊನಾ ಪರಿಹಾರ ನಿಧಿಗೆ 1 ಲಕ್ಷ ರೂಪಾಯಿ ದೇಣಿಗೆ ಚೆಕ್ ಅನ್ನು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಅವರಿಗೆ ಮಂಗಳವಾರ ನೀಡಿದರು.

ಕೊರೊನಾ ಪರಿಹಾರ ನಿಧಿಗೆ ಧನ ಸಂಗ್ರಹ

ಇದಲ್ಲದೆ ಕೆಪಿಸಿಸಿ ಮಹಿಳಾ ಘಟಕದ ಅಧ್ಯಕ್ಷೆ ಡಾ. ಪುಷ್ಪಾ ಅಮರ್ ನಾಥ್ ಕೂಡ 75,000 ಮೊತ್ತದ ಚೆಕ್ಕನ್ನು ಡಿಕೆಶಿಗೆ ಹಸ್ತಾಂತರಿಸಿದರು. ಈಗಾಗಲೇ ಸಾಕಷ್ಟು ಮುಖಂಡರು ಪರಿಹಾರ ನಿಧಿಗೆ ಹಣ ಸಂದಾಯ ಮಾಡಿದ್ದು ಉಳಿದವರು ಕೂಡ ಆದಷ್ಟು ಬೇಗ ತಮ್ಮ ಪಾಲಿನ ಮತವನ್ನು ಸಂದಾಯ ಮಾಡಬೇಕು ಎಂದು ಡಿಕೆಶಿ ಸೂಚಿಸಿದ್ದಾರೆ.