ಬೆಂಗಳೂರು :ಅಗತ್ಯ ಸೇವೆಗೆ ನೀಡುವ ಪಾಸ್ ಸದ್ಯ ಸಿಲಿಕಾನ್ ಸಿಟಿಯ ಬಹುತೇಕ ಕಡೆ ದುರುಪಯೋಗವಾಗುವ ಕಾರಣ ಈಗಾಗಲೇ ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಆದೇಶಿಸಿದ್ದಾರೆ.
ಈ ನಡುವೆ ಕೋವಿಡ್-19 ನಗರದಲ್ಲಿ ಮತ್ತಷ್ಟು ಉಲ್ಬಣವಾಗುತ್ತಿರುವ ಕಾರಣ ಮೆಡಿಕಲ್ ಶಾಪ್‌ಗಳಿಗೆ ಎಮರ್ಜೆನ್ಸಿ ಪಾಸ್ ನೀಡಲು ಬೆಂಗಳೂರು ಪೊಲೀಸರು ತೀರ್ಮಾನ ಮಾಡಿದ್ದಾರೆ. ಕೋವಿಡ್-19 ಹಾಗೂ ಇತರೆ ಕಾಯಿಲೆಗಳಿಗೆ ಔಷಧಿಗಳು ಅತ್ಯಗತ್ಯ. ಹಾಗೆಯೇ ಕೆಲವರಿಗೆ ಆಸ್ಪತ್ರೆಗೆ ಹೋಗಲು ಎಮರ್ಜೆನ್ಸಿ ಇರುವ ನಿಟ್ಟಿನಲ್ಲಿ ಮೆಡಿಕಲ್ಗಳ ಸೇವೆ ಅಗತ್ಯವಾಗಿರುತ್ತದೆ. ಹೀಗಾಗಿ ಮೆಡಿಕಲ್ಗಳಿಗೆ ಪಾಸ್ ನೀಡುವ ಅಧಿಕಾರವನ್ನು ಆಯಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿನ ಇನ್ಸ್‌ಪೆಕ್ಟರ್‌ಗಳಿಗೆ ನಗರ ಪೊಲೀಸ್ ಆಯುಕ್ತರು ನೀಡಿದ್ದಾರೆ.