ಬೆಂಗಳೂರು :ಕಿಟಕಿ ಪಕ್ಕ ಮಲಗಿರುವವರ ಸರವನ್ನು ಈಸಿಯಾಗಿ ಎಗರಿಸಿ ಎಸ್ಕೇಪ್ ಆಗ್ತಿದ್ದ ಖತರ್ನಾಕ್ ಕಳ್ಳನನ್ನ ಮಾಗಡಿ ರೋಡ್ ಪೊಲೀಸರು ಬಂಧಿಸಿದ್ದಾರೆ. ರಾತ್ರಿ ವೇಳೆಯಲ್ಲಿ ಮನೆಯ ಕಿಟಕಿ ಪಕ್ಕ ಮಲಗುವವರೇ ಇವನ ಟಾರ್ಗೆಟ್. ಎಲ್ಲರೂ ಮಲಗುವುದನ್ನೇ ಹೊಂಚು ಹಾಕಿ ಕಾದು ರಾತ್ರಿ 3 ಗಂಟೆ ವೇಳೆಯಲ್ಲೇ ಈತ ಕಳ್ಳತನ ಮಾಡಲು ಮುಂದಾಗುತ್ತಿದ್ದ.
ಒಂದು ವೇಳೆ ಸಿಕ್ಕಿ ಹಾಕಿಕೊಂಡರೆ ಜನರಿಗೆ ಅನುಮಾನ ಬರಬಾರದು ಅಂತ ಕುಡಿದು ಬರ್ತಿದ್ದ. ಕುಡಿದು ಬಂದ್ರೆ ಕಳ್ಳತನ ಮಾಡುವಾಗ ಸಿಕ್ಕಿ ಹಾಕಿಕೊಂಡ್ರೂ, ತಾನು ಕಳ್ಳತನ ಮಾಡಲು ಬಂದಿದ್ದೇನೆ ಎಂದು ಜನರಿಗೆ ಅನುಮಾನ ಬರಲ್ಲ, ಕುಡಿದ ಮತ್ತಿನಲ್ಲಿ ಬಂದಿದ್ದಾನೆ ಅಂತ ಹಾಗೇ ಬಿಟ್ಟು ಬಿಡ್ತಾರೆ ಎಂದು ಮೊದಲೇ ಪ್ಲಾನ್ ಮಾಡಿಕೊಂಡು ಕಳ್ಳತನಕ್ಕೆ ಇಳಿಯುತ್ತಿದ್ದ.