ಬೆಂಗಳೂರು:ಹಣ ದ್ವಿಗುಣ ಮಾಡಿಕೊಡುವುದಾಗಿ ನಂಬಿಸಿ ಸಾರ್ವಜನಿಕರಿಂದ ಹಣ ಕಟ್ಟಿಸಿಕೊಂಡು ವಂಚಿಸುತ್ತಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮೂವರು ಆರೋಪಿಗಳನ್ನು ಬಂಧಿಸುವಲ್ಲಿ ಕೇಂದ್ರ ವಿಭಾಗದ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಹಣ ದ್ವಿಗುಣಗೊಳಿಸುವುದಾಗಿ ನಂಬಿಸಿ ಟೋಪಿ ಹಾಕಿದ್ದ ಖದೀಮರು ಅಂದರ್
ಸುನೀಲ್ ಕುಮಾರ್ ಚೌದರಿ ಅಲಿಯಾಸ್ ಅಜಾದ್ ಸಿಂಗ್, ರಿಜೇಶ್ ಪಿ ಅಲಿಯಾಸ್ ರುಷಿಂದ್ರ, ರಾಜೇಶ್ ಬಂಧಿತ ಆರೋಪಿಗಳು. ಈ ಮೂವರು ಆರೋಪಿಗಳು ವ್ಯಾಮ್ ಸರ್ವೀಸ್ ಪ್ರೈವೇಟ್ ಲಿಮಿಟೆಡ್ ಎಂಬ ಹೆಸರಿನ ಕಂಪನಿಯನ್ನ ಯುಬಿಸಿಟಿಯಲ್ಲಿ ತೆರೆದು ಸಾರ್ವಜನಿಕರಿಂದ ₹ 25000 ಹಣ ಕಟ್ಟಿದರೆ, 20 ವಾರಗಳ ವರೆಗೆ ₹1250 ಹಣ ಬರುತ್ತದೆ. 21ನೇ ವಾರಕ್ಕೆ ಹಿಂದೆ ಕಟ್ಟಿದ್ದಂತಹ ₹ 25,000 ಹಣವನ್ನು ಸಹ ವಾಪಸ್ ನೀಡುತ್ತೇವೆ. ಹಾಗೆಯೇ 50000ರೂ. ಕಟ್ಟಿದರೆ ವಾರಕ್ಕೆ ₹2500 ನಂತೆ 20ವಾರ ಹಣ ಬರುತ್ತದೆ ಎಂದು ನಂಬಿಸಿದ್ದರು. ಗ್ರಾಹಕರಿಂದ ಹಣ ಪಡೆದ ಬಳಿಕ ವಂಚಿಸುತ್ತಿದ್ದರು ಎಂಬ ಬಗ್ಗೆ ದೂರುಗಳು ದಾಖಲಾಗಿದ್ದವು.