ಖತರ್ನಾಕ್​ ಖದೀಮರು ಅಂದರ್​; ಇವರು ಕದ್ದ ಚಿನ್ನ ಎಷ್ಟು ಗೊತ್ತಾ?

ಉತ್ತರ ಪ್ರದೇಶದ ಮುರಾದಾಬಾದ್ ಮೂಲದವರಾದ ಫಯುಮ್ ಹಾಗೂ ಮುರಸಲೀಂ ಮೊಹಮ್ಮದ್​ ಅವರನ್ನು ಬಂಧಿಸಿ 75 ಲಕ್ಷ ಮೌಲ್ಯದ ಒಂದೂವರೆ ಕೆ.ಜಿ‌. ಚಿನ್ನ ಜಪ್ತಿ ಮಾಡಿಕೊಳ್ಳಲಾಗಿದೆ.‌ ಕಳೆದ ತಿಂಗಳು 2.25 ಕೋಟಿ ರೂ. ಮೌಲ್ಯದ 4 ಕೆ.ಜಿ. ಚಿನ್ನ ಜಪ್ತಿ ಮಾಡಿಕೊಳ್ಳಲಾಗಿತ್ತು. ಇವರ ಬಂಧನದಿಂದ ಸಂಜಯ ನಗರ, ಅನ್ನಪೂರ್ಣೇಶ್ವರಿ ನಗರ, ಬ್ಯಾಡರಹಳ್ಳಿ ಸೇರಿದಂತೆ ಒಟ್ಟು 35 ಅಪರಾಧ ಪ್ರಕರಣಗಳನ್ನು ಭೇದಿಸಲಾಗಿದೆ‌‌.

ಬೆಂಗಳೂರು: ಅಂತರ್​​ರಾಜ್ಯದ ಇಬ್ಬರು ನಟೋರಿಯಸ್ ಆರೋಪಿಗಳನ್ನು ಬಂಧಿಸಿ 4 ಕೆ.ಜಿ. ಚಿನ್ನಾಭರಣ ಜಪ್ತಿ ಮಾಡಿಕೊಂಡಿದ್ದ ಸಿಸಿಬಿ ಪೊಲೀಸರು ಮತ್ತೆ ಒಂದೂವರೆ ಕೆ.ಜಿ. ಚಿನ್ನಾಭರಣ ಜಪ್ತಿ ಮಾಡಿಕೊಂಡಿದ್ದಾರೆ‌‌.

ಉತ್ತರ ಪ್ರದೇಶದ ಮುರಾದಾಬಾದ್ ಮೂಲದವರಾದ ಫಯುಮ್ ಹಾಗೂ ಮುರಸಲೀಂ ಮೊಹಮ್ಮದ್​ರನ್ನು ಬಂಧಿಸಿ 75 ಲಕ್ಷ ಮೌಲ್ಯದ ಒಂದೂವರೆ ಕೆ.ಜಿ‌. ಚಿನ್ನ ಜಪ್ತಿ ಮಾಡಿಕೊಳ್ಳಲಾಗಿದೆ.‌ ಕಳೆದ ತಿಂಗಳು 2.25 ಕೋಟಿ ರೂ. ಮೌಲ್ಯದ 4 ಕೆ.ಜಿ. ಚಿನ್ನ ಜಪ್ತಿ ಮಾಡಿಕೊಳ್ಳಲಾಗಿತ್ತು. ಇವರ ಬಂಧನದಿಂದ ಸಂಜಯ ನಗರ, ಅನ್ನಪೂರ್ಣೇಶ್ವರಿ ನಗರ, ಬ್ಯಾಡರಹಳ್ಳಿ ಸೇರಿದಂತೆ ಒಟ್ಟು 35 ಅಪರಾಧ ಪ್ರಕರಣಗಳನ್ನು ಬೇಧಿಸಲಾಗಿದೆ‌‌.

ಆರೋಪಿಗಳ ಪೈಕಿ ಫಯುಮ್ ಅಲಿಯಾಸ್ ಎಟಿಎಂ ಫಯೂಮ್ ಉತ್ತರ ಪ್ರದೇಶದ ಕುಖ್ಯಾತ ಕಳ್ಳನಾಗಿದ್ದು, ಈತನ ವಿರುದ್ಧ ಮನೆಗಳ್ಳತನ, ಕೊಲೆ, ಕೊಲೆ ಯತ್ನ ಸೇರಿದಂತೆ 40ಕ್ಕಿಂತ ಹೆಚ್ಚು ಪ್ರಕರಣಗಳು ದಾಖಲಾಗಿದ್ದವು. 2017ರಲ್ಲಿ ನೋಯ್ಡಾ ಜೈಲಿನಿಂದ ಜಾಮೀನಿನ ಮೇಲೆ ಬಿಡುಗಡೆಯಾಗಿ ಮತ್ತೆ ಹಳೆ ಚಾಳಿ ಮುಂದುವರೆಸುವ ಮೂಲಕ ಉತ್ತರ ಪ್ರದೇಶ ಪೊಲೀಸರಿಗೆ ತಲೆನೋವಾಗಿ ಪರಿಣಮಿಸಿದ್ದ. ಈತನನ್ನು ಪತ್ತೆ ಮಾಡಿಕೊಟ್ಟರೆ ಅಥವಾ ಸುಳಿವು ಕೊಟ್ಟರೆ 10 ಸಾವಿರ ರೂ. ನಗದು ಬಹುಮಾ‌ನ ನೀಡುವುದಾಗಿ ಯುಪಿ ಸರ್ಕಾರ ಘೋಷಿಸಿತ್ತು. ಇದರಿಂದ ಎಚ್ಚೆತ್ತ ಆರೋಪಿ ಹಾಗೂ ಸಹಚರರ ತಂಡ ಉತ್ತರ ಪ್ರದೇಶದಿಂದ ದಕ್ಷಿಣ ಭಾರತದ ರಾಜ್ಯಗಳಿಗೆ ಕಾರಿನ ಮೂಲಕ ಬಂದು ಸರಣಿ ಕಳ್ಳತನ ಮಾಡಲು ಪ್ರಾರಂಭಿಸಿತ್ತು.

ಕಳ್ಳತನ ಹೇಗೆ ಮಾಡುತ್ತಿದ್ದರು ಗೊತ್ತಾ ?

ಉತ್ತರ ಪ್ರದೇಶದಿಂದ‌ ಕಾರಿನಲ್ಲೇ ಕಳ್ಳತನ ಮಾಡಲು ಬರುತ್ತಿದ್ದ ಈ ಗ್ಯಾಂಗ್, ಸೂಲ್ಕ್ ಬ್ಯಾಗ್ ಧರಿಸಿ, ತಲೆಗೆ ಟೋಪಿ ಹಾಕಿಕೊಂಡು ಹಗಲಿನಲ್ಲೇ ಮನೆಗಳಿಗೆ ಹೋಗಿ ಕಾಲಿಂಗ್ ಬೆಲ್ ಒತ್ತುತ್ತಿದ್ದರು. ಮನೆ ಮಾಲೀಕರು ಬಾಗಿಲು ತೆರೆದರೆ ಫ್ರಿಡ್ಜ್ ಅಥವಾ ಮಿಕ್ಸಿ ರಿಪೇರಿಗೆ ಬಂದಿರುವುದಾಗಿ ಸುಳ್ಳು ಹೇಳುತ್ತಿದ್ದರು‌. ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಬೀಗ ಮುರಿದು ಕ್ಷಣಾರ್ಧದಲ್ಲಿ ಚಿನ್ನಾಭರಣ ಕಳ್ಳತನ ಮಾಡಿ ಕಾರಿನಲ್ಲಿ ಎಸ್ಕೇಪ್ ಆಗುತ್ತಿದ್ದರು. ಅದರಿಂದ ಬಂದ ಹಣವನ್ನು ಆರೋಪಿಗಳು ಸರಿಸಮನಾಗಿ ಹಂಚಿಕೊಂಡು ಮೋಜು ಮಸ್ತಿ ಮಾಡುತ್ತಿದ್ದರು.

ಈ ಸುದ್ದಿಯನ್ನೂ ಓದಿ:ದೇವರಕೊಂಡ ಅಪಘಾತ ಪ್ರಕರಣ: ಕುಡಿದ ಮತ್ತಿನಲ್ಲಿ ಓವರ್​ ಟೇಕ್​.. 9 ಜನರ ಸಾವಿಗೆ ಕಾರಣನಾದ ಟ್ರಕ್​ ಚಾಲಕ!

ಫಿಂಗರ್ ಪ್ರಿಂಟ್ ಹೋಲಿಸಿದಾಗ ಆರೋಪಿಗಳ ಜಾತಕ ಬಯಲು:‌

ಗೋವಾ, ಚೆನ್ನೈ, ಬೆಂಗಳೂರು, ಹೈದರಾಬಾದ್ ನಗರಗಳನ್ನೇ ಗುರಿಯಾಗಿಸಿಕೊಂಡು ಸರಣಿ ಮನೆಗಳ್ಳತನ ಮಾಡುವ ಪ್ರವೃತ್ತಿ ಬೆಳೆಸಿಕೊಂಡಿತ್ತು ಈ ಗ್ಯಾಂಗ್​. ಕೆಲ ತಿಂಗಳ ಹಿಂದೆ, ಹೈದರಾಬಾದ್ ಮನೆಗಳ್ಳತನ ಪ್ರಕರಣದಲ್ಲಿ ಇಬ್ಬರು ಸಿಕ್ಕಿಬಿದ್ದಿದ್ದರು. ಕೂಡಲೇ ಅಲರ್ಟ್ ಆದ 5 ರಾಜ್ಯದ ಪೊಲೀಸರು ಹೈದರಾಬಾದ್ ಪೊಲೀಸರಿಂದ ಫಿಂಗರ್ ಪ್ರಿಂಟ್ ತರಿಸಿಕೊಂಡು ಹೋಲಿಕೆ ಮಾಡಿದಾಗ ನಗರದಲ್ಲಿ 35 ಪ್ರಕರಣಗಳಲ್ಲಿ ಭಾಗಿಯಾಗಿರುವುದು ಗೊತ್ತಾಗಿದೆ. ಕೂಡಲೇ ಸಿಸಿಬಿ ಪೊಲೀಸರು ಬಾಡಿ ವಾರೆಂಟ್ ಪಡೆದು ಆರೋಪಿಗಳನ್ನು ವಿಚಾರಣೆಗೆ ಒಳಪಡಿಸಿದಾಗ ಮತ್ತಷ್ಟು ಕಳ್ಳತನ ಕೃತ್ಯದ ಬಗ್ಗೆ ಬಾಯ್ಬಿಟ್ಟಿದ್ದಾರೆ.

ಪೊಲೀಸರನ್ನು ಯಾಮಾರಿಸಲು ಮುಂದಾಗಿತ್ತು ಈ ಗ್ಯಾಂಗ್:

ಆರೋಪಿಗಳನ್ನು 14 ದಿನಗಳ ಕಾಲ ಪೊಲೀಸ್ ವಶಕ್ಕೆ‌ ಪಡೆದುಕೊಂಡು ನಗರದಲ್ಲಿ ಎಸಗಿದ್ದ ಕಳ್ಳತನ ಕುರಿತು ವಿಚಾರಣೆ ನಡೆಸಿದಾಗ ಕದ್ದ ಚಿನ್ನಾಭರಣಗಳನ್ನು ಹರಿಯಾಣದ ಗುರಗಾಂವ್ ಜೈಲಿನಲ್ಲಿರುವ ಕುಖ್ಯಾತ ರೌಡಿ ಅಶೋಕ್ ಲಾಟಿ ಎಂಬಾತನ ಮುಖಾಂತರ ದೆಹಲಿ, ಯುಪಿ ಸೇರಿದಂತೆ ಕೆಲವೆಡೆ ಮಾರಾಟ ಮಾಡಿರುವುದಾಗಿ ತಿಳಿಸಿದ್ದಾರೆ.‌ ಆರೋಪಿಗಳ ನೀಡಿದ ಮಾಹಿತಿ ಆಧರಿಸಿ ಆರೋಪಿಗಳ ಜೊತೆ ಹರಿಯಾಣದ ಗುರುಗಾಂವ್​ಗೆ ಪೊಲೀಸರು ಪ್ರಯಾಣ ಬೆಳೆಸಿದ್ದರು. ಜೈಲಿಗೆ ಹೋಗಿ ರೌಡಿ ಅಶೋಕ್ ಲಾಟಿ ಬಗ್ಗೆ ವಿಚಾರಿಸಿದಾಗ ಒಂದು ವರ್ಷದ ಹಿಂದೆಯೇ ಆತ ಕೊಲೆಯಾಗಿದ್ದ ಎಂಬ ವಿಚಾರ ಬೆಳಕಿಗೆ ಬಂದಿತ್ತು. ಪೊಲೀಸರ ತನಿಖೆ ಹಾದಿ ತಪ್ಪಿಸಲು ಆರೋಪಿಗಳು ಈ ಪ್ಲ್ಯಾನ್ ಮಾಡಿದ್ದಾರೆ. ಬಳಿಕ ಉತ್ತರ ಪ್ರದೇಶದ ಮುರಾದಾಬಾದ್​​ಗೆ ತೆರಳಿ‌ ಸ್ಥಳೀಯ ಪೊಲೀಸರ ಸಹಕಾರದಿಂದ ಒಂದೂವರೆ ಕೆ.ಜಿ. ಚಿನ್ನವನ್ನು ಜಪ್ತಿ ಮಾಡಿಕೊಂಡಿದ್ದಾರೆ.