BMTC ಬಸ್​ ಬ್ರೇಕ್ ಫೇಲ್ಯೂರಾಗಿ ಜೀವ ಕೈಯಲ್ಲಿ ಹಿಡ್ಕೊಂಡಿದ್ದರು.. ಚಾಲಕನ ಸಮಯಪ್ರಜ್ಞೆ ದುರಂತ ತಪ್ಪಿಸಿತು!

ಲಗ್ಗೆರೆಯಿಂದ ಮೆಜೆಸ್ಟಿಕ್​ ಕಡೆ ಚಲಿಸುವಾಗ ಮಾರ್ಗ ಮಧ್ಯೆ ಕೂಲಿ‌ ನಗರದ ಬಳಿ ಬ್ರೇಕ್ ಫೇಲ್ಯೂರ್ ಆಗಿದ್ದನ್ನು ಗಮನಿಸಿದ ಚಾಲಕ, ಏಕಾಏಕಿ ಅಡ್ಡಾದಿಡ್ಡಿಯಾಗಿ ಬಸ್ ನುಗ್ಗಿಸಿ ಕೊನೆಗೆ ಅದನ್ನ ನಿಲ್ಲಿಸುವಲ್ಲಿ ಯಶಸ್ವಿಯಾಗಿದ್ದಾನೆ.

ಬೆಂಗಳೂರು: ಇದ್ದಕ್ಕಿದ್ದಂತೆ ಚಲಿಸುತ್ತಿದ್ದ ಬಿಎಂಟಿಸಿ ಬಸ್​ನ ಬ್ರೇಕ್ ಫೇಲ್ಯೂರ್ ಆಗಿ ಅಡ್ಡಾದಿಡ್ಡಿ ನುಗ್ಗಿದ್ದು ಅದೃಷ್ಟವಶಾತ್ ಘಟನೆಯಿಂದ ಯಾವುದೇ ಪ್ರಾಣ ಹಾನಿಯಾಗಿಲ್ಲ.

ನಂದಿನಿಲೇಔಟ್​ನ ಕೂಲಿ ನಗರದ ವಸತಿ ಪ್ರದೇಶ ಬಳಿ ಈ ಘಟನೆ ನಡೆದಿದೆ. ಲಗ್ಗೆರೆಯಿಂದ ಮೆಜೆಸ್ಟಿಕ್​ ಕಡೆ ಚಲಿಸುವಾಗ ಮಾರ್ಗ ಮಧ್ಯೆ ಕೂಲಿ‌ನಗರದ ಬಳಿ ಬಸ್ ಬ್ರೇಕ್ ಫೇಲ್ಯೂರ್ ಆಗಿದ್ದನ್ನು ಗಮನಿಸಿದ ಚಾಲಕ ಏಕಾಏಕಿ ಅಡ್ಡಾದಿಡ್ಡಿಯಾಗಿ ಬಸ್ ನುಗ್ಗಿಸಿ, ಕೊನೆಗೆ ಅದನ್ನ ನಿಲ್ಲಿಸುವಲ್ಲಿ ಯಶಸ್ವಿಯಾಗಿದ್ದಾನೆ.

ಚಾಲಕನ ಸಮಯ ಪ್ರಜ್ಞೆಯಿಂದ ಭಾರಿ ಅನಾಹುತ ತಪ್ಪಿದಂತಾಗಿದೆ. ಘಟನೆ ಸಂಬಂಧ ಸ್ಥಳಕ್ಕೆ ರಾಜಾಜಿನಗರ ಟ್ರಾಫಿಕ್ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.