ಬೆಂಗಳೂರು:ಬಾರ್ಗಳ ಮೇಲೆ ಸಿಸಿಬಿ ದಾಳಿ ನಡೆಸಿದ ವೇಳೆ ಪರಾರಿಯಾಗುವ ಭರದಲ್ಲಿ ಬಾರ್ಗರ್ಲ್ವೊಬ್ಬಳು ಮಹಡಿ ಮೇಲಿನಿಂದ ಬಿದ್ದು ಗಾಯಗೊಂಡಿದ್ದಾಳೆ.
ಗುರುವಾರ ರಾತ್ರಿ ಟೌನ್ಹಾಲ್ ಬಳಿಯ ನೈಟ್ ಬಾರ್ ಹಾಗೂ ಎಂಜಿ ರಸ್ತೆ ಬಳಿಯ ಪೇಜ್ ತ್ರಿ ಬಾರ್ಗಳ ಮೇಲೆ ಸಿಸಿಬಿ ದಾಳಿ ನಡೆಸಿ, ಹಲವರನ್ನು ಬಂಧಿಸಿತ್ತು. ಪೊಲೀಸರ ದಾಳಿ ವಿಷಯ ತಿಳಿಯುತ್ತಿದ್ದಂತೆ ಆತಂಕದಿಂದ ಎಸ್ಕೇಪ್ ಆಗಲು ಯತ್ನಿಸಿದ ಬಾರ್ಗರ್ಲ್ವೊಬ್ಬಳು ಮಹಡಿಯಿಂದ ಕೆಳಬಿದ್ದು ಗಂಭೀರವಾಗಿ ಗಾಯಗೊಂಡಿದ್ದಾಳೆ.
ಪಶ್ಚಿಮ ಬಂಗಾಳ ಮೂಲದ ಆಕೆ ಹಲವು ವರ್ಷಗಳಿಂದ ಬೆಂಗಳೂರಲ್ಲಿ ನೆಲೆಸಿದ್ದಳು. ನಗರದ ಕ್ಲಬ್-ಪಬ್ಗಳ ಮೇಲೆ ಪೊಲೀಸರು ದಾಳಿ ನಡೆಸಿದಾಗ ಕ್ಷಣಾರ್ಧದಲ್ಲಿ ಬಾರ್ಗರ್ಲ್ಗಳಿಗೆ ಮಾಹಿತಿ ತಲುಪಿಸುವ ವ್ಯವಸ್ಥಿತ ಜಾಲವೊಂದಿದೆ. ಇದೇ ಜಾಲದ ಮೂಲಕ ಮಾಹಿತಿ ಪಡೆದು ಪರಾರಿಯಾಗಲು ಯತ್ನಿಸಿದ ಬಾರ್ಗರ್ಲ್ ಇದೀಗ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ.
ಆದರೆ ಈ ಮಾಹಿತಿ ನಮ್ಮ ಗಮನಕ್ಕೆ ಬಂದಿಲ್ಲ ಎಂದಿರುವ ಅಶೋಕ ನಗರ ಪೊಲೀಸರು, ದೂರು ನೀಡಿದರೆ ತನಿಖೆ ಕೈಗೊಳ್ಳುವುದಾಗಿ ತಿಳಿಸಿದ್ದಾರೆ.
