ಸರ್ಕಾರಿ ನಿವಾಸಕ್ಕಾಗಿ ಹಾಲಿ ಹಾಗೂ ಮಾಜಿ ಪೊಲೀಸ್ ಆಯುಕ್ತರ ಜಟಾಪಟಿ

ಬೆಂಗಳೂರು ನಗರ ಪೊಲೀಸ್ ಆಯುಕ್ತರಿಗೆ ಮೀಸಲಿದ್ದ ನಿವಾಸಕ್ಕೆ ಸಂಬಂಧಪಟ್ಟಂತೆ ಹಾಲಿ ಹಾಗೂ ಮಾಜಿ ಪೊಲೀಸ್​ ಆಯುಕ್ತರ ನಡುವೆ ಮುಸುಕಿನ ಗುದ್ದಾಟ ನಡೆದಿದೆ.

ಬೆಂಗಳೂರು:ಸರ್ಕಾರಿ ನಿವಾಸಕ್ಕೆ ಹಾಲಿ ಹಾಗೂ ಮಾಜಿ ನಗರ ಪೊಲೀಸ್ ಆಯುಕ್ತರ ನಡುವೆ ಹಗ್ಗ, ಜಗ್ಗಾಟ ನಡೆಯುತ್ತಿದೆ.

ಮಾಜಿ ಹಾಗೂ ಹಾಲಿ ನಗರ ಪೊಲೀಸ್​ ಆಯುಕ್ತರ ವಿವಾದ

ಈ ಹಿಂದೆ ನಗರ ಪೊಲೀಸ್ ಆಯುಕ್ತರಾಗಿದ್ದ ಅಲೋಕ್​ ಕುಮಾರ್ ಸದ್ಯ ನಗರ ಪೊಲೀಸ್ ಆಯುಕ್ತರಿಗೆ ನೀಡುವ ಸರ್ಕಾರಿ ನಿವಾಸದಲ್ಲಿ ವಾಸವಿದ್ದಾರೆ. ಅಲೋಕ್ ಕುಮಾರ್ ಅವರು ನಗರ ಪೊಲೀಸ್ ಆಯುಕ್ತರ ಸ್ಥಾನದಿಂದ ಕೆಎಸ್​ಆರ್​ಪಿಯ ಎಡಿಜಿಪಿಯಾಗಿ ವರ್ಗಾವಣೆಯಾಗಿದ್ದಾರೆ.

ಆದರೆ, ಮನೆ ಖಾಲಿ ಮಾಡದ ಕಾರಣ ಹಾಲಿ ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಕಮಿಷನರ್​ಗೆ ಇರುವ ಮನೆ ನೀಡುವಂತೆ ಒತ್ತಾಯ ಮಾಡುತ್ತಿದ್ದಾರೆ. ಅಲೋಕ್​ ಕುಮಾರ್ ಅವರು ಈ ಮನೆಗೆ ಬಂದು ತಿಂಗಳು ಕಳೆದಿರುವುದರಿಂದ ಎರಡು ತಿಂಗಳ ಕಾಲ ಮನೆ ಬಿಡುವುದಕ್ಕೆ ಆಗಲ್ಲ ಎನ್ನುವ ಪ್ರಸ್ತಾವನೆ ಮಾಡಿದ್ದಾರೆ ಎನ್ನಲಾಗಿದೆ.