ನಾಳೆಯಿಂದ ದ್ವಿತೀಯ ಪಿಯುಸಿ ಪೂರಕ ಪರೀಕ್ಷೆ ಆರಂಭ

ಈ ಸಾಲಿನ ದ್ವಿತೀಯ ಪಿಯು ಪೂರಕ ಪರೀಕ್ಷೆಗಳು ಇದೇ ಜೂ. 11ರಿಂದ 20ರವರೆಗೆ ನಡೆಯಲಿದೆ ಎಂದು ಪದವಿ ಪೂರ್ವ ಶಿಕ್ಷಣ ಇಲಾಖೆಯು ತಿಳಿಸಿದೆ.

ಬೆಂಗಳೂರು:ದ್ವಿತೀಯ ಪಿಯುಸಿ ಪೂರಕ ಪರೀಕ್ಷೆಯು‌ ನಾಳೆಯಿಂದ ಆರಂಭವಾಗಲಿದೆ. ಈ ಬಾರಿ ಸುಮಾರು 2,29, 731 ವಿದ್ಯಾರ್ಥಿಗಳು ಪೂರಕ ಪರೀಕ್ಷೆ ಬರೆಯಲಿದ್ದಾರೆ.

ಜೂನ್‌ 11 ರಿಂದ ಜೂನ್ 20 ರವರೆಗೂ ಪರೀಕ್ಷೆ ನಡೆಯಲಿದೆ.‌ ಬೆಳಗ್ಗೆ 10-15ರಿಂದ 1-30 ರವರೆಗೆ, ಮಧ್ಯಾಹ್ನ 2-30ರಿಂದ 5-45ರವರೆಗೆ ಪರೀಕ್ಷೆ ನಡೆಯಲಿದೆ. ಕಲಾ ವಿಭಾಗದಲ್ಲಿ 82,716, ವಾಣಿಜ್ಯ ವಿಭಾಗದಲ್ಲಿ 76776, ವಿಜ್ಞಾನ ವಿಭಾಗದಲ್ಲಿ 70239 ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆ. ಕಳೆದ ಬಾರಿ ಪೂರಕ ಪರೀಕ್ಷೆಯನ್ನ 2,24,954 ಬರೆದಿದ್ದರು. ಈ ಬಾರಿ ಪೂರಕ ಪರೀಕ್ಷೆ ಬರೆಯುತ್ತಿರುವವರ ಸಂಖ್ಯೆ ಹೆಚ್ಚಾಗಿದೆ.

ಪರೀಕ್ಷಾ ಕೇಂದ್ರಗಳಲ್ಲಿ ಸಿಸಿಟಿವಿ ಕಣ್ಗಾವಲು ಇರಲಿದೆ. ವಿದ್ಯಾರ್ಥಿಗಳು ಪರೀಕ್ಷಾ ಕೇಂದ್ರಕ್ಕೆ ಡಿಜಿಟಲ್ ವಾಚ್ ಕೊಂಡೊಯ್ಯುವಂತಿಲ್ಲ. ಪರೀಕ್ಷಾ ಕೇಂದ್ರದ ಆಸುಪಾಸಿನ ಜೆರಾಕ್ಸ್ ಅಂಗಡಿಗಳಿಗೂ ಬೀಗ ಹಾಕಲಾಗಿದೆ.

ಪೂರಕ ಪರೀಕ್ಷೆಯ ವೇಳಾಪಟ್ಟಿ ಹೀಗಿದೆ:

• 11-6-2019- ಸಮಾಜ ಶಾಸ್ತ್ರ, ಲೆಕ್ಕಶಾಸ್ತ್ರ, ಗಣಿತ ಶಾಸ್ತ್ರ, ಗೃಹ ಶಾಸ್ತ್ರ
• 12-6-2019: ಇಂಗ್ಲಿಷ್​​
• 13-6-2019: ಅರ್ಥಶಾಸ್ತ್ರ, ಭೌತಶಾಸ್ತ್ರ
• 14-6-2019: ಕಂಪ್ಯೂಟರ್ ಸೈನ್ಸ್
• 15-6-2019: ಕನ್ನಡ
• 17-6-2019: ರಾಸಾಯನ ಶಾಸ್ತ್ರ
• 18-6-2019: ಇತಿಹಾಸ ಶಾಸ್ತ್ರ, ಜೀವ ಶಾಸ್ತ್ರ
• 19-6-2019: ರಾಜ್ಯಶಾಸ್ತ್ರ
• 20-6-2019: ಹಿಂದಿ