ಬೆಂಗಳೂರು: ಹಬ್ಬಕ್ಕೆಂದು ಬೆಳಿಗ್ಗೆ ಮಾವಿನ ಎಲೆ ತರಲು ತೋಟಕ್ಕೆ ಹೋಗಿದ್ದ ವ್ಯಕ್ತಿಯ ಮೇಲೆ ಕರಡಿಯೊಂದು ದಾಳಿ ನಡೆಸಿರುವ ಘಟನೆ ದೊಡ್ಡಬಳ್ಳಾಪುರ ತಾಲೂಕಿನ ಕಟ್ಪಿಗೆ ಹಿಂದ್ಲಹಳ್ಳಿಯಲ್ಲಿ ನಡೆದಿದೆ.
ಯುಗಾದಿ ಹಬ್ಬಕ್ಕೆ ಮಾವಿನ ಎಲೆ ತರಲು ಹೋದವರ ಮೇಲೆ ಕರಡಿ ದಾಳಿ
ಯುಗಾದಿ ಹಬ್ಬಕ್ಕೆ ಮಾವಿನ ಎಲೆ ತರಲು ಹೋದವರ ಮೇಲೆ ಕರಡಿ ದಾಳಿ
ದೊಡ್ಡಬಳ್ಳಾಪುರ ತಾಲೂಕಿನ ಕಟ್ಪಿಗೆ ಹಿಂದ್ಲಹಳ್ಳಿಯಲ್ಲಿ ಹಬ್ಬಕ್ಕೆಂದು ಬೆಳಿಗ್ಗೆ ಮಾವಿನ ಎಲೆ ತರಲು ತೋಟಕ್ಕೆ ಹೋಗಿದ್ದ ವೇಳೆ ಕರಡಿಯೊಂದು ದಾಳಿ ನಡೆಸಿರುವ ಘಟನೆ ನಡೆದಿದೆ.
ಕರಡಿ ದಾಳಿ
ಇಂದು ಮುಂಜಾನೆ ಶಿವಶಂಕರ್ ತೋಟಕ್ಕೆ ಮಾವಿನ ಎಲೆ ತರಲು ಹೋಗಿದ್ದರು. ಈ ವೇಳೆ ಹಿಂದಿನಿಂದ ಕರಡಿ ದಾಳಿ ಮಾಡಿದೆ. ಕರಡಿ ದಾಳಿಯಿಂದ ಶಿವಶಂಕರ್ ಬೆನ್ನಿನ ಮೇಲೆ ಗಾಯವಾಗಿದೆ. ಅಲ್ಲದೆ ಈ ವೇಳೆ ಕರಡಿ ಓಡಿಸಲು ಬಂದವರ ಮೇಲೆಯೂ ದಾಳಿ ನಡೆಸಿದ್ದು, ಇದರಿಂದ ನಾಲ್ವರು ಗಾಯಗೊಂಡಿದ್ದಾರೆ. ಗಾಯಗೊಂಡವರನ್ನು ದೊಡ್ಡಬಳ್ಳಾಪುರ ಸಾರ್ವಜನಿಕ ಆಸ್ಪತ್ರೆ‌ಗೆ ದಾಖಲಿಸಲಾಗಿದೆ.
ಸ್ಥಳಕ್ಕೆ ಆಗಮಿಸಿರುವ ಅರಣ್ಯ ಇಲಾಖೆಯ ಸಿಬ್ಬಂದಿ ಕರಡಿ ಹಿಡಿಯಲು ಹರಸಾಹಸ ಪಡುತ್ತಿದ್ದಾರೆ. ಘಟನೆಯಿಂದಾಗಿ ಗ್ರಾಮಸ್ಥರು ಆತಂಕಗೊಂಡಿದ್ದಾರೆ.