ಕೊಂಗಾಡಿಯಪ್ಪ ಪ್ರತಿಮೆ ವಿರೂಪ: ಆರೋಪಿಯ ಬಂಧನ

ಕೊಂಗಾಡಿಯಪ್ಪ ಪ್ರತಿಮೆ ಭಗ್ನಗೊಳಿಸಿದ ಪ್ರಕರಣಕ್ಕೆ ಸಂಬಂಧಿಸಿದ ಆರೋಪಿಯನ್ನು ನಗರ ಪೊಲೀಸರು ಬಂಧಿಸಿದ್ದಾರೆ.

ದೊಡ್ಡಬಳ್ಳಾಪುರ:ಕೊಂಗಾಡಿಯಪ್ಪ ಪ್ರತಿಮೆ ಭಗ್ನಗೊಳಿಸಿದ ಪ್ರಕರಣಕ್ಕೆ ಸಂಬಂಧಿಸಿದ ಆರೋಪಿಯನ್ನು ನಗರ ಪೊಲೀಸರು ಬಂಧಿಸಿದ್ದಾರೆ. ಪವನ್ ಅಲಿಯಾಸ್ ಬೆಂಕಿ ಬಂಧಿತ ಆರೋಪಿ.

ನಗರದ ಮಾರುಕಟ್ಟೆ ಶಾಲೆ ಸಮೀಪ ಪ್ರತಿಷ್ಠಾಪಿಸಲಾಗಿದ್ದ ಕೊಂಗಾಡಿಯಪ್ಪ ಪ್ರತಿಮೆಯನ್ನು ಕಿಡಿಗೇಡಿ ಪವನ್​​​ ಸೆ. 29ರಂದು ರಾತ್ರಿ ವಿರೂಪಗೊಳಿಸಿದ್ದ ಎನ್ನಲಾಗಿದೆ. ಈತ ಮಾರ್ಕೆಟ್ ಸ್ಕೂಲ್ ಹಿಂಭಾಗ ನಿವಾಸಿ. ಅರೆ ಮಾನಸಿಕ ಅಸ್ವಸ್ಥ ಎನ್ನಲಾಗಿದೆ.

ಘಟನೆ ನಂತರ ದೇಂವಾಂಗ ಮಂಡಳಿಯ ಮುಖಂಡರು ಇದನ್ನು ಖಂಡಿಸಿ ಭಾನುವಾರ ಪ್ರತಿಮೆ ಬಳಿಯೇ ಪ್ರತಿಭಟನೆ ನಡೆಸಿ ದುಷ್ಕರ್ಮಿಗಳನ್ನು ಬಂಧಿಸುವಂತೆ ಒತ್ತಾಯಿಸಿದ್ದರು. ಈ ಬಗ್ಗೆ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.