ಬಾಗಲಕೋಟೆಯಲ್ಲಿ ಚರ್ಚೆಗೆ ಗ್ರಾಸವಾಗಿದೆ ಬೀದಿಯಲ್ಲಿ ಸಿಕ್ಕ ರಕ್ತದ ಪ್ಯಾಕೇಟುಗಳು...

ರಕ್ತದ ಪ್ಯಾಕೇಟುಗಳನ್ನು  ಬೀದಿಯಲ್ಲಿ ಎಸೆದಿರುವ ಘಟನೆ ಬಾಗಲಕೋಟೆ ನಗರದಲ್ಲಿ ಬೆಳಕಿಗೆ ಬಂದಿದೆ.

ಬಾಗಲಕೋಟೆ:ರಕ್ತ ಅತ್ಯಂತ ಅಮೂಲ್ಯವಾದುದು. ತುರ್ತು ಸಂದರ್ಭಗಳಲ್ಲಿ ರಕ್ತ ಸಿಗದೆ ಪರದಾಡಿದವರಿಗೆ ಮಾತ್ರ ರಕ್ತದ ಮೌಲ್ಯ ಗೊತ್ತು. ಇಂತಹ ಬೆಲೆ ಕಟ್ಟಲಾಗದ ರಕ್ತದ ಪ್ಯಾಕೇಟುಗಳು ಬೀದಿಯಲ್ಲಿ ಎಸೆದರೆ ಹೇಗಿರುತ್ತೆ!?

ಹೌದು ಇಂಥದೊಂದು ಘಟನೆ ನಡೆದಿರುವುದು ಬಾಗಲಕೋಟೆ ನಗರದಲ್ಲಿ. ನಗರದ ಬಸವೇಶ್ವರ ವೃತ್ತದ ಸಮೀಪ ಬಸ್ ನಿಲ್ದಾಣಕ್ಕೆ ತೆರಳುವ ಅಡ್ಡ ರಸ್ತೆ ಬಳಿಯ ಅಂಗಡಿಯೊಂದರ ಬಳಿ ರಕ್ತದ ಪ್ಯಾಕೇಟುಗಳನ್ನು ಬೇಕಾಬಿಟ್ಟಿ ಎಸೆಯಲಾಗಿದೆ.

ಇಲ್ಲಿ ಅಕ್ಕಪಕ್ಕ ಯಾವುದೇ ಆಸ್ಪತ್ರೆ ಇಲ್ಲವಾದರೂ ಇಂತಹ ಸ್ಥಳದಲ್ಲಿ ರಕ್ತದ ಪ್ಯಾಕೇಟುಗಳು ದೊರೆತಿರುವುದು ಚರ್ಚೆಗೆ ಗ್ರಾಸವಾಗಿದ್ದು, ಜನರಲ್ಲಿ ಆತಂಕ ಮೂಡಿಸಿದೆ. ಪೊಲೀಸರ ತನಿಖೆಯಿಂದ ಘಟನೆಗೆ ನಿಜವಾದ ಕಾರಣ ತಿಳಿದು ಬರಬೇಕಾಗಿದೆ.