ಟೋಕಿಯೊ :ಟೋಕಿಯೊ ಒಲಿಂಪಿಕ್ಸ್‌ನ 11ನೇ ದಿನದಂದು ಕಮಲ್ ಪ್ರೀತ್ ಮಹಿಳಾ ಡಿಸ್ಕಸ್ ಥ್ರೋನಲ್ಲಿ ಸ್ಪರ್ಧಿಸಲಿದ್ದಾರೆ. ಮಹಿಳೆಯರ 200 ಮೀಟರ್ ಓಟದಲ್ಲಿ ದ್ಯುತಿ ಚಾಂದ್ ಭಾಗವಹಿಸಲಿದ್ದು, ಮಹಿಳಾ ಹಾಕಿ ತಂಡ ಕ್ವಾರ್ಟರ್ ಫೈನ್ಲ್ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಸೆಣಸಾಡಲಿದೆ.
ದ್ಯುತಿ ಚಾಂದ್- ಅಥ್ಲೆಟಿಕ್ಸ್ (ರನ್ನಿಂಗ್)
100 ಮೀ ಓಟದ ಆರಂಭಿಕ ಸುತ್ತಿನಲ್ಲಿ ದ್ಯುತಿ ಚಾಂದ್ಗೆ ಓಡಲು ಸಾಧ್ಯವಾಗಿರಲಿಲ್ಲ. ಆಗಸ್ಟ್ 2ರಂದು ನಡೆಯಲಿರುವ ಟೋಕಿಯೊ 2020 ಒಲಿಂಪಿಕ್ಸ್ ಮಹಿಳಾ 200 ಮೀಟರ್ ಸ್ಪ್ರಿಂಟ್ ಹೀಟ್‌ಗಳಲ್ಲಿ ಇವರು ಭಾಗವಹಿಸಲಿದ್ದಾರೆ.
ಕಮಲ್‌ಪ್ರೀತ್ ಕೌರ್-ಅಥ್ಲೆಟಿಕ್ಸ್ (ಡಿಸ್ಕಸ್ ಥ್ರೋ)
ಡಿಸ್ಕಸ್ ಎಸೆತಗಾರ್ತಿ ಕಮಲ್‌ಪ್ರೀತ್ ಕೌರ್ ಒಲಿಂಪಿಕ್ಸ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ, ಫೈನಲ್ಗೆ ಅರ್ಹತೆ ಪಡೆದಿದ್ದಾರೆ. ನಾಳೆಯ ಪಂದ್ಯದಲ್ಲಿ ಪದಕಕ್ಕಾಗಿ ಹೋರಾಟ ಮಾಡಲಿದ್ದಾರೆ. 25 ವರ್ಷದ ಕೌರ್, ಬಿ ತಂಡದಲ್ಲಿದ್ದಾರೆ. 64 ಮೀಟರ್ ಡಿಸ್ಕಸ್ ಎಸೆದಿದ್ದರಿಂದ ಫೈನಲ್ಗೆ ಲಗ್ಗೆಯಿಟ್ಟಿದ್ದಾರೆ. ಅಮೆರಿಕನ್ ವ್ಯಾಲರಿ ಆಲ್ಮನ್ 66.42 ಮೀಟರ್ ಡಿಸ್ಕಸ್ ಎಸೆದಿದ್ದು ಮೊದಲ ಸ್ಥಾನದಲ್ಲಿದ್ದಾರೆ.
ಇದನ್ನೂ ಓದಿ: Tokyo Olympics : ಬ್ರಿಟನ್ ಮಣಿಸಿ ಸೆಮಿಫೈನಲ್ ಪ್ರವೇಶಿಸಿದ ಭಾರತ ಹಾಕಿ ತಂಡ.. ಚೆಕ್‌ ದೇ ಇಂಡಿಯಾ..
ಭಾರತ ಮಹಿಳಾ ತಂಡ - ಹಾಕಿ
ದಕ್ಷಿಣ ಆಫ್ರಿಕಾ ತಂಡವನ್ನು ಮಣಿಸಿ, ಭಾರತದ ಮಹಿಳಾ ಹಾಕಿ ತಂಡವು ಕ್ವಾರ್ಟರ್ ಫೈನಲ್ಗೆ ಅರ್ಹತೆ ಪಡೆಯಿತು. ಎ ಗುಂಪಿನಲ್ಲಿ ನಾಲ್ಕನೇ ಸ್ಥಾನ ಪಡೆದ ತಂಡವಾಗಿದೆ. ನಾಳೆ ರಾಣಿ ರಾಂಪಾಲ್ ಬಳಗವು ಗ್ರೂಪ್ ಬಿ ಅಗ್ರಸ್ಥಾನ ಆಸ್ಟ್ರೇಲಿಯಾವನ್ನು ಎದುರಿಸಲಿದೆ.