ಬೆಂಗಳೂರು:ನಾಯಕ ದೀಪಕ್ ನಿವಾಸ್ ಹೂಡ ಅವರ ಅದ್ಭುತ ಪ್ರದರ್ಶನದ ನೆರವಿನಿಂದ ಜೈಪುರ್ ಪಿಂಕ್ ಪ್ಯಾಂಥರ್ಸ್ ಟೇಬಲ್ ಟಾಪರ್ ದಬಾಂಗ್ ಡೆಲ್ಲಿ ವಿರುದ್ಧ 36-30ರ ಅಂತರದಲ್ಲಿ ಜಯ ಸಾಧಿಸಿ ಅಂಕಪಟ್ಟಿಯಲ್ಲಿ 10ನೇ ಸ್ಥಾನದಿಂದ 4ನೇ ಸ್ಥಾನಕ್ಕೆ ಜಿಗಿತ ಕಂಡಿದೆ.
ಗುರುವಾರ ನಡೆದ ಪಂದ್ಯದಲ್ಲಿ ರೈಡಿಂಗ್ನಲ್ಲಿ ಎರಡೂ ತಂಡಗಳೂ 21 ಅಂಕ ಪಡೆದು ಸಮಬಲ ಸಾಧಿಸಿದವು. ಆದರೆ ಜೈಪುರ 12 ಟ್ಯಾಕಲ್ ಅಂಕ ಪಡೆದರೆ, ಡೆಲ್ಲಿ ಕೇವಲ 7 ಅಂಕ ಪಡೆಯಿತು.
ಜೈಪುರ ಪರ ದೀಪಕ್ 12 ಅಂಕಪಡೆದರೆ, ಕಳೆದ ಪಂದ್ಯದ ಹೀರೋ ಅರ್ಜುನ್ ದೇಶ್ವಾಲ್ ಇಂದು ವೈಫಲ್ಯ ಅನುಭವಿಸಿ ಕೇವಲ 6 ಅಂಕ ಪಡೆದರು. ಸಚಿನ್ 4, ಶೌಲ್ ಕುಮಾರ್ 3, ಸಂದೀಪ್ ಧುಲ್ 3 ಅಂಕ ಪಡೆದರು.
ಡೆಲ್ಲಿ ಪರ ವಿಜಯ್ ಮಲಿಕ್ 16 ಅಂಕ ಪಡೆದರು ಸೋಲು ಸೂಕ್ತ ಬೆಂಬಲವಿಲ್ಲದೆ ತಂಡವನ್ನು ಗೆಲ್ಲಿಸುವಲ್ಲಿ ವಿಫಲರಾದರು. ಅನ್ಶು ಮಲಿಕ್ 5, ಮಂಜೀತ್ ಚಿಲ್ಲರ್ 2 ಅಂಕ ಪಡೆದರು. ಈ ಪಂದ್ಯದಲ್ಲಿ ಸೋಲು ಕಂಡರು ಡೆಲ್ಲಿ 16 ಪಂದ್ಯಗಳಲ್ಲಿ 9 ಜಯ ಮತ್ತು 5 ಸೋಲು, 2 ಡ್ರಾ ಸಾಧಿಸಿ 54 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲೇ ಮುಂದುವರಿದೆ.