ಬೆಂಗಳೂರು :ಪ್ರೊ ಕಬಡ್ಡಿ ಲೀಗ್ನ ಕೊನೆಯ ಮೂರು ಲೀಗ್ ಪಂದ್ಯಗಳು ಶನಿವಾರ ನಡೆಯಲಿವೆ. ಬೆಂಗಳೂರು ಬುಲ್ಸ್ ಸೇರಿದಂತೆ ಒಟ್ಟು 5 ತಂಡಗಳ ಪ್ಲೇ ಆಫ್ ಭವಿಷ್ಯ ಇಂದು ನಿರ್ಧಾರವಾಗಲಿದೆ.
ಈಗಾಗಲೇ ಪಾಟ್ನಾ ಪೈರೇಟ್ಸ್, ದಬಾಂಗ್ ಡೆಲ್ಲಿ ಮತ್ತು ಯುಪಿ ಯೋಧಾ ತಂಡಗಳು ಪ್ಲೇ ಆಫ್ಗೆ ಪ್ರವೇಶಿಸಿವೆ. ಪಾಟ್ನಾ ಮತ್ತು ಡೆಲ್ಲಿ ಅಗ್ರ 2 ಸ್ಥಾನ ಖಚಿತಪಡಿಸಿಕೊಂಡಿರುವುದರಿಂದ ನೇರ ಸೆಮಿಫೈನಲ್ ಪ್ರವೇಶಿಸಿವೆ. ಇನ್ನು ಇಂದು ನಡೆಯುವ ಕೊನೆಯ 3 ಪಂದ್ಯಗಳು ನಡೆಯಲಿವೆ.
ಇದರಲ್ಲಿ ಬೆಂಗಳೂರು ಬುಲ್ಸ್, ಜೈಪುರ ಪಿಂಕ್ ಪ್ಯಾಂಥರ್ಸ್, ಪುಣೇರಿ ಪಲ್ಟನ್ಸ್, ಹರಿಯಾಣ ಸ್ಟೀಲರ್ಸ್ ಮತ್ತು ಗುಜರಾತ್ ಜೈಂಟ್ಸ್ ತಂಡಗಳು ಕೊನೆಯ 3 ಸ್ಥಾನಕ್ಕಾಗಿ ಪೈಪೋಟಿ ನಡೆಸಲಿವೆ.
ಬೆಂಗಳೂರು ಬುಲ್ಸ್ 22 ಪಂದ್ಯಗಳಿಂದ 66 ಅಂಕ ಪಡೆದಿದ್ದು, ಇಂದು ನಡೆಯುವ ಮೂರು ಪಂದ್ಯಗಳ ಫಲಿತಾಂಶಕ್ಕಾಗಿ ಎದುರು ನೋಡುತ್ತಿದೆ. ಶನಿವಾರದ ತ್ರಿಬಲ್ ಪಂಗಾದಲ್ಲಿ ಮೊದಲ ಪಂದ್ಯದಲ್ಲಿ ಜೈಪುರ್ vs ಪುಣೇರಿ ಪಲ್ಟನ್ಸ್ ಮುಖಾಮುಖಿಯಾಗಲಿದ್ದುವೆ. ಈ ಪಂದ್ಯದಲ್ಲಿ ಪುಣೆ ಗೆದ್ದರೆ ಬುಲ್ಸ್ ಪ್ಲೇ ಆಫ್ ಪ್ರವೇಶಿಸಲಿದ್ದು, ಆ 2 ತಂಡಗಳು ಟೂರ್ನಿಯಿಂದ ಹೊರ ಬೀಳಲಿದೆ.