ನವದೆಹಲಿ: ಮುಂದಿನ ವಾರದಲ್ಲಿ ಆರಂಭವಾಗಲಿರುವ ತನ್ನ ಮೊದಲ ಟೂರ್ನಮೆಂಟ್‌ಗೆ ಸಜ್ಜಾಗುತ್ತಿರುವ ಸ್ಟಾರ್ ಇಂಡಿಯನ್ ಬಾಕ್ಸರ್ ಎಂಸಿ ಮೇರಿ ಕೋಮ್ ಅವರ ಮನಸ್ಸಿನಲ್ಲಿ ಸ್ಪರ್ಧಿಸುವ ಆಸೆಗೆ ಕೊರೊನಾ ವೈರಸ್ ಭಯ ಕಾರಣವಾಗಿದೆ. ಆದರೂ ವರ್ಷದ ನಂತರ ಸ್ಪರ್ಧಾತ್ಮಕ ಬಾಕ್ಸಿಂಗ್ಗೆ ಮರಳಲು ಸಿದ್ಧರಾಗಿದ್ದಾರೆ.
ಇತ್ತೀಚೆಗೆ ಡೆಂಘಿಯಿಂದ ಚೇತರಿಸಿಕೊಂಡಿರುವ 6 ಬಾರಿಯ ವಿಶ್ವ ಚಾಂಪಿಯನ್ ಮೇರಿಕೋಮ್ 2020ರಲ್ಲಿ ಕೋವಿಡ್ ಕಾರಣ ತಮ್ಮ ಮನೆಯಲ್ಲಿ ತರಬೇತಿ ಪಡೆದಿದ್ದರು. ನಂತರ ಕಳೆದ ತಿಂಗಳು ಬೆಂಗಳೂರಿನ ರಾಷ್ಟ್ರೀಯ ಶಿಬಿರದಲ್ಲಿ ತರಬೇತಿ ಪಡೆದಿದ್ದರು. ಇದೀಗ ಮುಂದಿನ ತಿಂಗಳು ಸ್ಪೇನ್ನಲ್ಲಿ ನಡೆಯಲಿರುವ ಬಾಕ್ಸಮ್ ಅಂತಾರಾಷ್ಟ್ರೀಯ ಟೂರ್ನಮೆಂಟ್ನಲ್ಲಿ ರಿಂಗ್ಗೆ ಇಳಿಯಲಿದ್ದಾರೆ. ಕಳೆದ ವರ್ಷ ಜೋರ್ಡಾನ್ನಲ್ಲಿ ಒಲಿಂಪಿಕ್ಸ್ ಏಷ್ಯನ್ ಕ್ಯಾಲಿಫೈಯರ್ಸ್ ನಂತರ ಇದು ಅವರ ಮೊದಲ ಸ್ಪರ್ಧೆಯಾಗಲಿದೆ.
" ನಾನು ಪ್ರಯಾಣ ಮಾಡುವುದಕ್ಕೆ ಹೆದರುತ್ತಿದ್ದೆ. ನಾನು ಈಗಲೂ ಬಹಳ ಜಾಗರೂಕಳಾಗಿರುತ್ತೇನೆ ಮತ್ತು ಕಾಳಜಿ ವಹಿಸುತ್ತೇನೆ. ಆದರೆ ಇನ್ನು ಎಷ್ಟು ದಿಗಳವರೆಗೆ ವೈರಸ್ಗೆ ಭಯಭೀತರಾಗಿರುವುದು? ಈ ಚಕ್ರವು ಕೆಲವು ಹಂತದಲ್ಲಿ ನಿಲ್ಲಬೇಕಾಗಿದೆ " ಎಂದು ಅವರು ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ತಿಳಿಸಿದ್ದಾರೆ.
"ವೈರಸ್ನಿಂದ ತಪ್ಪಿಸಿಕೊಳ್ಳಲು ಸಂವೇದನಾಶೀಲರಾಗಿರಬೇಕು. ಜೊತೆಗೆ ಮಾಸ್ಕ್ಗಳನ್ನು ಧರಿಸಿ, ಯಾವಾಗಲೂ ವೈಯಕ್ತಿಕ ನೈರ್ಮಲ್ಯವನ್ನು ಕಾಪಾಡಿಕೊಳ್ಳಲು ನಾನು ಪ್ರಯತ್ನಿಸುತ್ತಿದ್ದೇನೆ. ಆದರೆ ನಾನು ಅದಕ್ಕೆ ಹೆದರುತ್ತಿದ್ದೇನೆ, ನಾನು ಬಹಳ ಸಮಯದಿಂದ ಇದೇ ಭಯದಲ್ಲಿದ್ದೆ. ಸಾಂಕ್ರಾಮಿಕ ರೋಗದ ಮಧ್ಯೆ ತರಬೇತಿಗಾಗಿ ವಿದೇಶ ಪ್ರವಾಸ ಮಾಡಲು ತಿರಸ್ಕರಿಸಿದ್ದೆ ಎಂದು ಈ ಹಿಂದೆ ಹೇಳಿದ್ದನ್ನು ಈಗ ನೆನಪಿಸಿಕೊಂಡಿದ್ದಾರೆ.
ಪ್ರಸ್ತುತ ಎಲ್ಲರಂತೆ ನನ್ನ ದೇಹ ಉತ್ತಮವಾಗಿದೆ. 2020ರಲ್ಲಿ ಹಲವು ಅಡೆತಗಳನ್ನು ಎದುರಿಸಿದ್ದೇನೆ. ಡಿಸೆಂಬರ್ನಲ್ಲಿ ಡೆಂಘಿಯಿಂದ ಬಳಲಿದ್ದೆ. ಅದರಿಂದ ನಾನು ಸಾಕಷ್ಟು ಸ್ನಾಯುಗಳನ್ನು ಕಳೆದುಕೊಂಡೆ. ಜೊತೆಗೆ ತೂಕವೂ ಹೆಚ್ಚಾಗಿದೆ. ಕಳೆದ ತಿಂಗಳ ಅಂತ್ಯಕ್ಕೆ ಸುಮಾರು 57-59 ಕೆಜಿ ತೂಕ ಹೊಂದಿದ್ದೆ. ಆದರೆ, ಬೆಂಗಳೂರಿನ ಶಿಬಿರದಲ್ಲಿ 15 ದಿನಗಳ ಕಳೆದ ನಂತರ ನಾನು ನನ್ನ ಎಂದಿನ 52 - 52 ತೂಕಕ್ಕೆ ಮರಳಿದ್ದೇವೆ. ನನ್ನ ಸ್ನಾಯುಗಳು ಕೂಡ ಉತ್ತಮ ಶೇಪ್ ಪಡೆದಿವೆ. ನನ್ನ ಪ್ರಕಾರ ನಾನು ಸ್ಪರ್ಧೆಗೆ ಹೋಗಲು ಸಿದ್ಧನಿದ್ದೇನೆ ಎಂದು ಎಂದು ಕೋಮ್ ತಿಳಿಸಿದ್ದಾರೆ.
ಮಾರ್ಚ್ 1 ರಿಂದ 7 ರವರೆಗೆ ಕ್ಯಾಸ್ಟೆಲ್ಲೊನ್‌ನಲ್ಲಿ ನಡೆಯಲಿರುವ ಸ್ಪರ್ಧೆಯಲ್ಲಿ ಇತರ ಎಂಟು ಒಲಿಂಪಿಕ್ ಬೌಂಡ್ ಭಾರತೀಯ ಬಾಕ್ಸರ್‌ಗಳೊಂದಿಗೆ ಮೇರಿಕೋಮ್ ಭಾಗವಹಿಸಲಿದ್ದಾರೆ. ಭಾರತ ತಂಡ ಈ ವಾರಾಂತ್ಯದಲ್ಲಿ ಹೊರಡುವ ನಿರೀಕ್ಷೆಯಿದೆ.
