ಬೊಗೋಟ(ಕೊಲಂಬಿಯಾ): 3 ವಿಶ್ವಕಪ್ಗಳಲ್ಲಿ ಭಾಗಿಯಾಗಿದ್ದ ಕೊಲಂಬಿಯಾ ರಾಷ್ಟ್ರೀಯ ಫುಟ್ಬಾಲ್ ತಂಡದ ಮಾಜಿ ನಾಯಕ ಫ್ರೆಡ್ಡಿ ರಿಂಕನ್ ಕಾರು ಅಪಘಾತದಲ್ಲಿ ನಿಧನರಾಗಿದ್ದಾರೆ. ಸೋಮವಾರ 55 ವರ್ಷದ ಫುಟ್ಬಾಲ್ ಪ್ಲೇಯರ್ ಚಲಿಸುತ್ತಿದ್ದ ಕಾರು ಕಲಿ ಎಂಬ ಸ್ಥಳದಲ್ಲಿ ಬಸ್ಗೆ ಡಿಕ್ಕಿ ಹೊಡೆದಿದ್ದರಿಂದ ರಿಂಕನ್ ಗಂಭೀರವಾಗಿ ಗಾಯಗೊಂಡಿದ್ದರು. ಬುಧವಾರ ಕೊಲಂಬಿಯನ್ ಫುಟ್ಬಾಲ್ ಫೆಡರೇಷನ್ ರಿಂಕಿನ್ ನಿಧನರಾಗಿರುವ ಸುದ್ದಿ ಹಂಚಿಕೊಂಡಿದೆ.
ರಿಂಕಿನ್ ಅವರ ನಿಧನಕ್ಕೆ ಫೆಡರೇಷನ್ ತೀವ್ರ ವಿಷಾದ ವ್ಯಕ್ತಪಡಿಸುತ್ತದೆ. ಈ ಕಷ್ಟದ ಸಂದರ್ಭದಲ್ಲಿ ಅವರ ಕುಟುಂಬ, ಸ್ನೇಹಿತರು ಮತ್ತು ಸಂಬಂಧಿಕರಿಗೆ ಧೈರ್ಯದಿಂದಿರುವಂತೆ ಪ್ರೋತ್ಸಾಹದ ಸಂದೇಶವನ್ನು ಕಳುಹಿಸುತ್ತದೆ ಎಂದು ಹೇಳಿಕೆ ಬಿಡುಗಡೆ ಮಾಡಿದೆ.