ಸೇಂಟ್ ಲೂಸಿಯಾ:ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ವೇಗದ ಬೌಲರ್ಗಳಾದ ಲುಂಗಿ ಎನ್ಗಿಡಿ ಹಾಗೂ ಎನ್ರಿಚ್ ನೋಕಿಯಾ ದಾಳಿಗೆ ತತ್ತರಿಸಿದ ವೆಸ್ಟ್ ಇಂಡೀಸ್ ತಂಡ ಕೇವಲ 97 ರನ್ಗೆ ಆಲೌಟ್ ಆಗಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಕೆರಿಬಿಯನ್ನರು ಆರಂಭದಿಂದಲೂ ದ. ಆಫ್ರಿಕಾ ಬೌಲಿಂಗ್ ದಾಳಿ ಎದುರಿಸಲು ಪರದಾಡಿದರು. ಮಾಜಿ ನಾಯಕ ಜಾಸನ್ ಹೋಲ್ಡರ್ ಗಳಿಸಿದ 20 ರನ್ಗಳು ತಂಡದ ಪರ ವೈಯಕ್ತಿಕ ಗರಿಷ್ಠ ಸ್ಕೋರ್ ಆಗಿತ್ತು. ಆರಂಭಿಕರಾದ ನಾಯಕ ಕ್ರೇಗ್ ಬ್ರಾಥ್ವೈಟ್ ಹಾಗೂ ಶೈ ಹೋಪ್ ತಲಾ 15 ರನ್, ಮೂರನೇ ಕ್ರಮಾಂಕದಲ್ಲಿ ಕ್ರೀಸ್ಗಿಳಿದ ಎನ್. ಬೊನ್ನರ್ 10 ಹಾಗೂ ಆರ್. ಕಾರ್ನ್ವೆಲ್ 13 ರನ್ ಹೊರಡುಪಡಿಸಿ ಉಳಿದ ಬ್ಯಾಟ್ಸ್ಮನ್ಗಳು ಎರಡಂಕಿ ಮೊತ್ತವನ್ನೂ ತಲುಪುವಲ್ಲಿ ವಿಫಲರಾದರು.
40.5 ಓವರ್ಗಳಲ್ಲೇ ವಿಂಡೀಸ್ ಮೊದಲ ಇನ್ನಿಂಗ್ಸ್ ಅಂತ್ಯವಾಯಿತು. ದ. ಆಫ್ರಿಕಾ ಪರ ವೇಗಿಗಳಾದ ಲುಂಗಿ ಎನ್ಗಿಡಿ 19ಕ್ಕೆ 5, ಎನ್ರಿಚ್ ನೋಕಿಯಾ 35ಕ್ಕೆ 4 ಹಾಗೂ ರಬಾಡ 1 ವಿಕೆಟ್ ಪಡೆದು ಮಿಂಚಿದರು.