ಲಂಕಾ ವಿರುದ್ಧ ಟಾಸ್​ ಗೆಲ್ಲುತ್ತಿದ್ದಂತೆ ವಿಶೇಷವಾಗಿ ಸಂಭ್ರಮಿಸಿದ ಶಿಖರ್: ವಿಡಿಯೋ ವೈರಲ್​

ಲಂಕಾ ವಿರುದ್ಧದ ಅಂತಿಮ​ ಏಕದಿನ ಪಂದ್ಯದಲ್ಲಿ ಟಾಸ್​ ಗೆಲ್ಲುತ್ತಿದ್ದಂತೆ ಟೀಂ ಇಂಡಿಯಾ ನಾಯಕ ಶಿಖರ್​ ಧವನ್​ ತೊಡೆತಟ್ಟಿ ಕೈಮೇಲೆತ್ತಿ ಸಂಭ್ರಮಿಸಿದರು.

ಕೊಲಂಬೊ:ಸದಾ ಲವಲವಿಕೆಯಿಂದ ಇರುವ ಟೀಂ ಇಂಡಿಯಾ ಆರಂಭಿಕ ಆಟಗಾರ ಶಿಖರ್​ ಧವನ್​, ಮೈದಾನದಲ್ಲಿ ತಮಾಷೆ ಮಾಡುತ್ತಲೇ ಇರುತ್ತಾರೆ. ಲಂಕಾ ವಿರುದ್ಧ ನಡೆದ ಇಂದಿನ ಪಂದ್ಯದಲ್ಲೂ ಅವರು ವಿಭಿನ್ನವಾಗಿ ಸಂಭ್ರಮಿಸಿದರು.

ಲಂಕಾ ವಿರುದ್ಧದ ಕ್ರಿಕೆಟ್ ಸರಣಿಯಲ್ಲಿ ಶಿಖರ್ ಧವನ್ ಟೀಂ ಇಂಡಿಯಾ ಕ್ಯಾಪ್ಟನ್​ ಆಗಿ ನೇಮಕಗೊಂಡಿದ್ದು, ಈ ಹಿಂದಿನ ಎರಡು ಪಂದ್ಯಗಳಲ್ಲಿ ಟಾಸ್​ ಸೋತಿದ್ದರು. ಆದರೆ ಇಂದಿನ ಪಂದ್ಯದಲ್ಲಿ ಟಾಸ್​ ಗೆಲ್ಲುತ್ತಿದ್ದಂತೆ ಕಬಡ್ಡಿ ಶೈಲಿಯಲ್ಲಿ ತೊಡೆತಟ್ಟಿ ಕೈಮೇಲೆತ್ತಿ ಸಂಭ್ರಮಿಸಿದ್ದಾರೆ. ಇದರ ವಿಡಿಯೋ ಎಲ್ಲೆಡೆ ಹರಿದಾಡುತ್ತಿದೆ.

ಈ ಹಿಂದಿನ ಎರಡು ಪಂದ್ಯಗಳಲ್ಲಿ ಶಿಖರ್ ಧವನ್ ಟಾಸ್​ ಸೋತಿದ್ದರಿಂದ ಅನೇಕರು ಟ್ರೋಲ್ ಮಾಡಿದ್ದರು. ಆದರೆ ಇಂದಿನ ಪಂದ್ಯದಲ್ಲಿ ಟಾಸ್ ಗೆದ್ದಿರುವ ಕಾರಣ ಈ ರೀತಿಯಾಗಿ ಸಂಭ್ರಮಿಸಿದ್ದಾರೆ. ಹಿಂದೆ ಅನೇಕ ಸಲ ಮೈದಾನದಲ್ಲಿ ಕ್ಯಾಚ್ ಪಡೆದ ವೇಳೆಯೂ ಶಿಖರ್​ ಧವನ್ ಈ ರೀತಿಯಾಗಿ ತೊಡೆ ತಟ್ಟಿ ಕೈ ಮೇಲೆತ್ತಿ ಸಂಭ್ರಮಿಸಿದ್ದರು. ಇಂದಿನ ಪಂದ್ಯದಲ್ಲಿ ಶಿಖರ್​ ಧವನ್​ ಕೇವಲ 13ರನ್​​ಗಳಿಕೆ ಮಾಡುವಲ್ಲಿ ಮಾತ್ರ ಶಕ್ತರಾದರು.