ಲಂಡನ್ : ಭಾರತದ ವಿರುದ್ಧದ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ಮತ್ತು ಇಂಗ್ಲೆಂಡ್ ವಿರುದ್ಧದ 2 ಪಂದ್ಯಗಳ ಟೆಸ್ಟ್ ಸರಣಿಯನ್ನಾಡುವ ಸಲುವಾಗಿ ನ್ಯೂಜಿಲ್ಯಾಂಡ್ ತಂಡದ ಬಹುಪಾಲು ಆಟಗಾರರು ಭಾನುವಾರ ಲಂಡನ್ಗೆ ಬಂದಿಳಿದಿದ್ದಾರೆ.
ನ್ಯೂಜಿಲೆಂಡ್ ಕ್ರಿಕೆಟ್ ತಂಡ ಆಕ್ಲೆಂಡ್ನಿಂದ ಸಿಂಗಾಪುರ್ ಮಾರ್ಗದ ಮೂಲಕ ಲಂಡನ್ಗೆ ಬಂದಿದ್ದು, ಅಲ್ಲಿಂದ ಸೌತಾಂಪ್ಟನ್ನ ಏಜಸ್ ಬೌಲ್ಗೆ ಸೇರಿಕೊಂಡಿದೆ. ಪ್ರಸ್ತುತ ಅಲ್ಲಿ 2 ವಾರಗಳ ಕಾಲ ಕ್ವಾರಂಟೈನ್ಗೆ ಒಳಗಾಗಲಿದೆ.
ಜೂನ್ 2 ರಂದು ಲಂಡನ್ನಲ್ಲಿ ಮೊದಲ ಟೆಸ್ಟ್ ಆರಂಭವಾಗಲಿದೆ. ಜೂನ್ 10ರಂದು ಬರ್ಮಿಂಗ್ಹ್ಯಾಮ್ನಲ್ಲಿ 2ನೇ ಟೆಸ್ಟ್ ಪಂದ್ಯ ನಡೆಯಲಿದೆ.