ಐಸಿಸಿ ಏಕದಿನ ರ‍್ಯಾಂಕಿಂಗ್ : ಆಂಗ್ಲರನ್ನ ಹಿಂದಿಕ್ಕಿದ ಕಿವೀಸ್‌ಗೆ ಅಗ್ರಸ್ಥಾನ, ಭಾರತಕ್ಕೆ 3ನೇ ಪ್ಲೇಸ್

ಇಂಗ್ಲೆಂಡ್ ತಂಡ 2019ರಲ್ಲಿ ಏಕದಿನ ವಿಶ್ವಕಪ್ ಗೆದ್ದ ಬಳಿಕ 12 ತಿಂಗಳುಗಳ ಕಾಲ ಅಗ್ರಸ್ಥಾನದಲ್ಲಿತ್ತು. ಆದರೆ, ಭಾರತ ಮತ್ತು ಆಸ್ಟ್ರೇಲಿಯಾ ವಿರುದ್ಧ 2-1ರಲ್ಲಿ ಸರಣಿ ಸೋಲು ಮತ್ತು ಐರ್ಲೆಂಡ್ ವಿರುದ್ಧ ಸೋಲಿನಿಂದ ಆಂಗ್ಲರನ್ನ 4ನೇ ಸ್ಥಾನಕ್ಕೆ ಕುಸಿಯುವಂತೆ ಮಾಡಿದೆ..

ದುಬೈ :ಐಸಿಸಿ ಬಿಡುಗಡೆ ಮಾಡಿರುವ ನೂತನ ಏಕದಿನ ರ‍್ಯಾಂಕಿಂಗ್​ನಲ್ಲಿ ನ್ಯೂಜಿಲ್ಯಾಂಡ್ ತಂಡ ಹಾಲಿ ವಿಶ್ವ ಚಾಂಪಿಯನ್ ಇಂಗ್ಲೆಂಡ್ ಟೀಂನ ಹಿಂದಿಕ್ಕಿ ಅಗ್ರಸ್ಥಾನಕ್ಕೆ ಲಗ್ಗೆಯಿಟ್ಟಿದೆ.

ಕಳೆದ ತಿಂಗಳ ಆರಂಭದಲ್ಲಿ ಬಾಂಗ್ಲಾದೇಶದ ವಿರುದ್ಧ ಏಕದಿನ ಸರಣಿಯನ್ನು 3-0ಯಲ್ಲಿ ಕಿವೀಸ್ ಪಡೆ ವಶಪಡಿಸಿಕೊಂಡಿತ್ತು. ಇತ್ತ ಇಂಗ್ಲೆಂಡ್​ ಭಾರತದೆದುರು 2-1ರಲ್ಲಿ ಏಕದಿನ ಸರಣಿ ಕಳೆದುಕೊಂಡಿತ್ತು. ಹಾಗಾಗಿ, ನ್ಯೂಜಿಲ್ಯಾಂಡ್ ಮೇಲೇರಿದರೆ, ಇಂಗ್ಲೆಂಡ್ 4ನೇ ಸ್ಥಾನಕ್ಕೆ ಕುಸಿದಿದೆ.

ಇಂಗ್ಲೆಂಡ್ ತಂಡ 2019ರಲ್ಲಿ ಏಕದಿನ ವಿಶ್ವಕಪ್ ಗೆದ್ದ ಬಳಿಕ 12 ತಿಂಗಳುಗಳ ಕಾಲ ಅಗ್ರಸ್ಥಾನದಲ್ಲಿತ್ತು. ಆದರೆ, ಭಾರತ ಮತ್ತು ಆಸ್ಟ್ರೇಲಿಯಾ ವಿರುದ್ಧ 2-1ರಲ್ಲಿ ಸರಣಿ ಸೋಲು ಮತ್ತು ಐರ್ಲೆಂಡ್ ವಿರುದ್ಧ ಸೋಲಿನಿಂದ ಆಂಗ್ಲರನ್ನ 4ನೇ ಸ್ಥಾನಕ್ಕೆ ಕುಸಿಯುವಂತೆ ಮಾಡಿದೆ.

ನ್ಯೂಜಿಲ್ಯಾಂಡ್​ 121 ಅಂಕ ಹೊಂದಿದ್ದರೆ, 118 ಅಂಕಗಳನ್ನು ಹೊಂದಿರುವ ಆಸ್ಟ್ರೇಲಿಯಾ ತಂಡ 2ನೇ ಸ್ಥಾನದಲ್ಲಿದೆ. ಭಾರತ(115) ಮತ್ತು ಇಂಗ್ಲೆಂಡ್​(115) 3 ಮತ್ತು 4ನೇ ಸ್ಥಾನದಲ್ಲಿವೆ. ದಕ್ಷಿಣ ಆಫ್ರಿಕಾ (107) ಪಾಕಿಸ್ತಾನ(97), ಬಾಂಗ್ಲಾದೇಶ(90) ಮತ್ತು ವೆಸ್ಟ್​ ಇಂಡೀಸ್​(82) ನಂತರದ ಸ್ಥಾನದಲ್ಲಿವೆ.

ಟೆಸ್ಟ್​ ಶ್ರೇಯಾಂಕದಲ್ಲಿ ಭಾರತ(120), ನ್ಯೂಜಿಲ್ಯಾಂಡ್​(118), ಆಸ್ಟ್ರೇಲಿಯಾ(113), ಇಂಗ್ಲೆಂಡ್​(106) ಮತ್ತು ಪಾಕಿಸ್ತಾನ(90) ಅಗ್ರ 5ರಲ್ಲಿವೆ. ಟಿ20 ಶ್ರೇಯಾಂಕದಲ್ಲಿ ಇಂಗ್ಲೆಂಡ್​(277), ಭಾರತ(272), ನ್ಯೂಜಿಲ್ಯಾಂಡ್​(263) ಪಾಕಿಸ್ತಾನ(261) ಮತ್ತು ಆಸ್ಟ್ರೇಲಿಯಾ(258) ಟಾಪ್​ 5ರಲ್ಲಿ ಕಾಣಿಸಿವೆ.

ಇದನ್ನು ಓದಿ:ಐಪಿಎಲ್​ಗೆ ಕೊರೊನಾತಂಕ!!: ಚೆನ್ನೈ ಸೂಪರ್ ಕಿಂಗ್ಸ್​ ತಂಡದಲ್ಲೂ ಮೂವರಿಗೆ ಕೊರೊನಾ ದೃಢ