ನವದೆಹಲಿ: ಸತತ ಐದು ಸೋಲಿನ ನಂತರ ಆರನೇ ಪಂದ್ಯದಲ್ಲಿ ಗೆಲುವಿಗೆ ಮರಳಿರುವ ಡೆಲ್ಲಿ ಕ್ಯಾಪಿಟಲ್ಸ್ ಅಂಕಪಟ್ಟಿಯಲ್ಲಿ ಎರಡು ಅಂಕಗಳ ಗಳಿಸಿದೆ. ಈ ಗೆಲುವಿನ ಬಗ್ಗೆ ಡೆಲ್ಲಿ ಕ್ಯಾಪಿಟಲ್ಸ್ ನಿದೇರ್ಶಕ ಸೌರವ್ ಗಂಗೂಲಿ ಇದು ನನ್ನ ಮೊದಲ ಟೆಸ್ಟ್ ಗೆದ್ದ ರೀತಿಯ ಭಾವನೆ ಇದೆ. ಆದರೆ ಬ್ಯಾಟಿಂಗ್ನಲ್ಲಿ ಇನ್ನಷ್ಟೂ ಉತ್ತಮ ಪ್ರದರ್ಶನದ ಅಗತ್ಯ ಇದೆ ಎಂದು ಹೇಳಿದ್ದಾರೆ.
ಗುರುವಾರ ಡೆಲ್ಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆದ ನಿನ್ನೆ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ಎದುರಾಗಿದ್ದವು. ಮಳೆಯ ಕಾರಣ ಪಂದ್ಯ ತಡವಾದರೂ ಡೆಲ್ಲಿ ತನ್ನ ಈ ಆವೃತ್ತಿಯ ಮೊದಲ ಗೆಲುವು ದಾಖಲಿಸಿದೆ. ಟಾಸ್ ಗೆದ್ದು ಬೌಲಿಂಗ್ ತೆಗೆದುಕೊಂಡ ಡೆಲ್ಲಿ ಕ್ಯಾಪಿಟಲ್ಸ್ ಕೋಲ್ಕತ್ತಾವನ್ನು ನಿಗದಿತ ಓವರ್ನಲ್ಲಿ127ಕ್ಕೆ ಕಟ್ಟಿಹಾಕಿತು.
ಬೌಲಿಂಗ್ನಲ್ಲಿ ಅಕ್ಷರ್ ಪಟೇಲ್ (2/13), ಕುಲದೀಪ್ ಯಾದವ್ (2/15) ಇಶಾಂತ್ ಶರ್ಮಾ (2/19) ಮತ್ತು ಅನ್ರಿಚ್ ನಾರ್ಟ್ಜೆ (2/20) ಅವರ ಉತ್ತಮ ಪ್ರದರ್ಶನ ನೀಡಿದರು. ಈ ಗುರಿಯನ್ನು ನಾಯಕ ಡೇವಿಡ್ ವಾರ್ನರ್ (41 ಬಾಲ್ನಲ್ಲಿ 57) ಅವರ ಅರ್ಧಶತಕದ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ಗೆ ಸಾಧಿಸಿ ಮೊದಲ ಗೆಲುವನ್ನು ಬರೆಯಿತು.
"ಇದು ನನ್ನ ಮೊದಲ ಟೆಸ್ಟ್‌ನಂತೆ ಎಂದು ನಾನು ಭಾವಿಸುತ್ತಿದ್ದೆ. ಅಂಕಪಟ್ಟಿಯ ಮೊದಲ ಅಂಕದ ದಾಖಲಾದ ಬಗ್ಗೆ ಸಂತೊಷವಿದೆ. ನಾವು ಈ ಆವೃತ್ತಿಯಲ್ಲಿ ಉತ್ತಮವಾಗಿ ಬೌಲಿಂಗ್ ಮಾಡಿದ್ದೇವೆ" ಎಂದು ಬೌಲಿಂಗ್ ವಿಭಾಗದ ಬಗ್ಗೆ ಗಂಗೂಲಿ, ಕೆಕೆಆರ್ ವಿರುದ್ಧದ ನಾಲ್ಕು ವಿಕೆಟ್‌ಗಳ ಗೆಲುವಿನ ನಂತರ ಹೇಳಿದರು.
ಆದರೆ, ಬ್ಯಾಟಿಂಗ್ ಬಗ್ಗೆ ತಮ್ಮ ಅಸಮಾಧಾನವನ್ನು ಹೊರಹಾಕಿದರು. ಕೆಕೆಆರ್ ನೀಡಿದ್ದ ಸರಳ ಮೊತ್ತವನ್ನು ಡೆಲ್ಲಿ ಕೊನೆಯ ನಾಲ್ಕು ಬಾಲ್ಗಳನ್ನು ಉಳಿಸಿಕೊಂಡು ಗೆಲುವು ದಾಖಲಿಸಿತ್ತು. ಇದರ ಬಗ್ಗೆ ಮಾತನಾಡಿದ ಡಿಸಿ ನಿರ್ದೇಶಕ ಗಂಗೂಲಿ, "ಈ ಪಿಚ್ ಉತ್ತಮವಾಗಿದೆ ಮತ್ತು ಔಟ್ ಪೀಲ್ಡ್ ವೇಗವಾಗಿದೆ. ಆದರೆ ನಮ್ಮ ಬ್ಯಾಟಿಂಗ್ನಲ್ಲಿ ಸಮಸ್ಯೆ ಇದೆ. ನಾವು ಮತ್ತೆ ಬ್ಯಾಟಿಂಗ್ನಲ್ಲಿ ಉತ್ತಮ ಪ್ರದರ್ಶನ ನೀಡುವ ಬಗ್ಗೆ ಸರಿಯಾಗಿ ಚಿಂತಿಸಬೇಕಿದೆ. ಬೌಲಿಂಗ್ ಅನ್ನು ಇಶಾಂತ್ ಶರ್ಮಾ, ಮುಖೇಶ್ ಕುಮಾರ್ ನಾರ್ಟ್ಜೆ ಅತ್ಯುತ್ತಮವಾಗಿ ನಿರ್ವಹಿಸಿದ್ದಾರೆ. ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡುವ ಅಗತ್ಯವಿದೆ" ಎಂದಿದ್ದಾರೆ.
"ಅಂಕ ಪಟ್ಟಿಯಲ್ಲಿ ಎರಡು ಅಂಕ ಗಳಿಸಿದ್ದು ಸಂತೋಷವಾಗಿದೆ. ಬೌಲಿಂಗ್ ವಿಭಾಗದ ಬಗ್ಗೆ ನನಗೆ ನಿಜವಾಗಿಯೂ ಹೆಮ್ಮೆ ಇದೆ. ನಾವು ಪವರ್ ಪ್ಲೇಯಲ್ಲಿ ವಿಕೆಟ್ ಪಡೆಯುವ ಬಗ್ಗೆ ಚಿಂತಿಸಿದ್ದೆವು, ಅದರಂತೆ ಬೌಲರ್ಗಳು ವಿಕೆಟ್ ಪಡೆದಿದ್ದಾರೆ. ಆದರೆ, ನಾವು ಸಹ ವಿಕೆಟ್ಗಳನ್ನು ಆರಂಭದಲ್ಲಿ ಕಳೆದುಕೊಂಡೆವು, ನಾವು ಈ ಬಗ್ಗೆ ಡ್ರೆಸ್ಸಿಂಗ್ ರೂಮ್ನಲ್ಲಿ ಚರ್ಚಿಸಿದ್ದೇವೆ. ಇದು ನಮ್ಮ ಸಾಮಾನ್ಯ ಪ್ರದರ್ಶನವಾಗಿದೆ ಎಂದು ನಾಯಕ ಡೇವಿಡ್ ವಾರ್ನರ್ ಗೆಲುವಿನ ನಂತರ ಹೇಳಿಕೊಂಡಿದ್ದಾರೆ.
ಇದನ್ನ ಓದಿ:CSK vs SRH: ಮೂರನೇ ಸ್ಥಾನ ಉಳಿಸಿಕೊಳ್ಳುವತ್ತ ಧೋನಿ ಚಿತ್ತ.. ಗೆಲುವಿಗೆ ಮಾರ್ಕ್ರಾಮ್ ತಂತ್ರವೇನು?
