ಅಹಮದಾಬಾದ್:ಈ ಬಾರಿಯ ಐಪಿಎಲ್ನಲ್ಲಿ ಗಬ್ಬರ್ ಸಿಂಗ್ ಜನಪ್ರಿಯತೆಯ ಕ್ರಿಕೆಟಿಗ ಶಿಖರ್ ಧವನ್ ಅಬ್ಬರ ಜೋರಾಗಿದೆ. ಮೊದಲ ಪಂದ್ಯದಿಂದಲೇ ಅವರ ಬ್ಯಾಟ್‌ನಿಂದ ರನ್ ಹೊಳೆ ಹರಿದುಬರುತ್ತಿದ್ದು ಸದ್ಯ 311 ರನ್ ಗಳಿಸಿ ಆರೆಂಜ್ ಕ್ಯಾಪ್ ಗೌರವ ಪಡೆದಿದ್ದಾರೆ.
ಐಪಿಎಲ್ ಟೂರ್ನಿಯಲ್ಲಿ 183 ಪಂದ್ಯ ಆಡಿರುವ ಧವನ್ 182 ಇನ್ನಿಂಗ್ಸ್‌ಗಳಲ್ಲಿ 34.86ರ ಸರಾಸರಿಯಲ್ಲಿ 5,508 ರನ್ ಪೇರಿಸಿದ್ದಾರೆ. ಅತ್ತ ಮೂರನೇ ಸ್ಥಾನದಲ್ಲಿರುವ ರೈನಾ 5,489 ರನ್ ಗಳಿಸಿದ್ದಾರೆ. ಈ ಪಟ್ಟಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿ ಅಗ್ರ ಸ್ಥಾನದಲ್ಲಿದ್ದಾರೆ. ಈ ಸೀಸನ್ನಲ್ಲೆ ವಿರಾಟ್ ಐಪಿಎಲ್ನಲ್ಲಿ 6,000 ರನ್‌ಗಳ ಮೈಲಿಗಲ್ಲು ತಲುಪಿದ್ದು, ಈ ಸಾಧನೆ ಮಾಡಿದ ಮೊದಲ ಬ್ಯಾಟ್ಸ್‌ಮನ್ ಎಂಬ ಸಾಧನೆ ಮಾಡಿದ್ದಾರೆ.