ನವದೆಹಲಿ:ಪ್ರಸಕ್ತ ಐಪಿಎಲ್ ಟೂರ್ನಿಯಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಮತ್ತೊಂದು ಸೋಲು ಕಂಡಿದೆ. ತಾನು ಆಡಿದ್ದ ಏಳು ಪಂದ್ಯ ಪೈಕಿ ಆರಂಭದ ಐದು ಪಂದ್ಯಗಳ ಸೋತು, ಕಳೆದ ಎರಡು ಪಂದ್ಯಗಳನ್ನು ಗೆದ್ದಿದ್ದ ಹೈದರಾಬಾದ್ ಶನಿವಾರ ನಡೆದ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ಗೆ 9 ರನ್‌ಗಳಿಂದ ಶರಣಾಗಿದೆ.
ಇಲ್ಲಿನ ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಸನ್ ರೈಸರ್ಸ್ 6 ವಿಕೆಟ್ ನಷ್ಟಕ್ಕೆ 197 ಕಲೆ ಹಾಕಿತ್ತು. ಈ ಗುರಿ ಬೆನ್ನಟ್ಟಿದ ಡೆಲ್ಲಿ ಆರು ವಿಕೆಟ್ ನಷ್ಟಕ್ಕೆ 188 ರನ್ ಗಳಿಸಲಷ್ಟೇ ಶಕ್ತವಾಯಿತು. ಫಿಲಿಪ್ ಸಾಲ್ಟ್ ಮತ್ತು ಮಿಚೆಲ್ ಮಾರ್ಷ್ ಜೊತೆಯಾಟದಿಂದ ಡೆಲ್ಲಿಗೆ ಜಯ ಸಿಗಲಿದೆ ಎಂದು ನಿರೀಕ್ಷಿಸಲಾಗಿತ್ತು. ಆದರೆ, ಸತತವಾಗಿ ವಿಕೆಟ್ಗಳು ಕಳೆದುಕೊಂಡಿದ್ದು ತಂಡಕ್ಕೆ ಹಿನ್ನಡೆಯಾಯಿತು.
ಡೆಲ್ಲಿ ತಂಡಕ್ಕೆ ಆಘಾತಕಾರಿ ಆರಂಭ ಸಿಕ್ಕಿತು. ನಾಯಕ ಡೇವಿಡ್ ವಾರ್ನರ್ (0) ಭುವನೇಶ್ವರ್ ಕುಮಾರ್ ಬೌಲಿಂಗ್ನಲ್ಲಿ ಬೌಲ್ಡ್ ಆದರು. ಆದರೆ, ನಂತರ ಫಿಲಿಪ್ ಸಾಲ್ಟ್ ಮತ್ತು ಮಿಚೆಲ್ ಮಾರ್ಷ್ ಶತಕದ ಜೊತೆಯಾಟ ನೀಡಿದರು. ಇವರಿಬ್ಬರ ಅದ್ಭುತ ಬ್ಯಾಟಿಂಗ್ ಪ್ರದರ್ಶನದಿಂದ ಡೆಲ್ಲಿ 10 ಓವರ್ಗಳಲ್ಲಿ ನೂರು ರನ್ ದಾಟಿತು. ಸಾಲ್ಟ್ 29 ಎಸೆತಗಳಲ್ಲಿ ಮತ್ತು ಮಾರ್ಷ್ 28 ಎಸೆತಗಳಲ್ಲಿ ಆಕರ್ಷಕ ಅರ್ಧಶತಕ ಪೂರೈಸಿದರು.
12ನೇ ಓವರ್‌ನ ಎರಡನೇ ಎಸೆತದಲ್ಲಿ ಸಾಲ್ಟ್ ಔಟ್ ಮಾಡುವ ಮೂಲಕ ಮಯಾಂಕ್ ಮಾರ್ಕಾಂಡೆ ಈ ಜೊತೆಯಾಟವನ್ನು ಮುರಿದರು. 35 ಎಸೆತಗಳಲ್ಲಿ 9 ಬೌಂಡರಿಗಳ ನೆರವಿನಿಂದ 59 ರನ್ ಗಳಿಸಿದ್ದ ಸಾಲ್ಟ್ ಬೌರಲ್ ಮಯಾಂಕ್ ಮಾರ್ಕಂಡೆಗೆ ಕ್ಯಾಚ್ ನೀಡಿದರು. ಮಾರ್ಷ್ - ಸಾಲ್ಟ್ ಎರಡನೇ ವಿಕೆಟ್‌ಗೆ 112 ರನ್ ಸೇರಿಸಿದರು. ಆದರೆ, ನಂತರದ ಓವರ್‌ನಲ್ಲೇ ಮಾರ್ಷ್ ಕೂಡ ವಿಕೆಟ್ ಒಪ್ಪಿಸಿದರು. 39 ಎಸೆತಗಳಲ್ಲಿ ಒಂದು ಬೌಂಡರಿ ಹಾಗೂ 6 ಸಿಕ್ಸರ್‌ಗಳೊಂದಿಗೆ 63 ರನ್ ಗಳಿಸಿದ್ದ ಮಾರ್ಷ್ ಅವರನ್ನು ಅಕೆಲ್ ಹೊಸೈನ್ ಔಟ್ ಮಾಡಿದರು.
ಬಳಿಕ ಬಂದ ಮನೀಷ್ ಪಾಂಡೆ (1) ಮತ್ತು ಪ್ರಿಯಮ್ ಗಾರ್ಗ್ (12) ಬೇಗನೇ ಪೆವಿಲಿಯನ್ ಸೇರಿದರು. ಇದರಿಂದ 15.4 ಓವರ್ಗಳಲ್ಲಿ ಐದು ವಿಕೆಟ್ ಕಳೆದುಕೊಂಡು 140ಕ್ಕೆ ಕುಸಿಯಿತು. ಸರ್ಫರಾಜ್ ಖಾನ್ ( 9) ಕೂಡ ವಿಕೆಟ್ ಒಪ್ಪಿಸಿದರು. ಕೊನೆಯಲ್ಲಿ ಡೆಲ್ಲಿಗೆ 18 ಎಸೆತಗಳಲ್ಲಿ 48 ರನ್ ಬೇಕಾಗಿತ್ತು. ಆಗ ಕ್ರೀಸ್ಗೆ ಬಂದ ಅಕ್ಷರ್ ಪಟೇಲ್ ಮತ್ತು ರಿಪಾಲ್ ಪಟೇಲ್ ತಂಡಕ್ಕೆ ರಕ್ಷಣಾತ್ಮಕ ಆಟವಾಡರೂ ಡೆಲ್ಲಿ 188 ರನ್ಗೆ ತನ್ನ ಇನ್ನಿಂಗ್ ಅಂತ್ಯಗೊಳಿಸಿತು. ಇದರಿಂದ 9 ರನ್ನಿಂದ ಸನ್ರೈಸರ್ಸ್ ಗೆಲುವು ದಾಖಲಿಸಿತು.
ಅಕ್ಷರ್ ಪಟೇಲ್ 14 ಎಸೆತಗಳಲ್ಲಿ 29 ಮತ್ತು ರಿಪಾಲ್ ಪಟೇಲ್ 8 ಎಸೆತಗಳಲ್ಲಿ 11 ರನ್ ಗಳಿಸಿ ಅಜೇಯರಾಗಿ ಉಳಿದರು. ಸನ್ರೈಸರ್ಸ್ ಪರ ಮಯಾಂಕ್ ಮಾರ್ಕಾಂಡೆ ಎರಡು ವಿಕೆಟ್ ಪಡೆದರೆ, ಭುವನೇಶ್ವರ್ ಕುಮಾರ್, ಅಕೇಲ್ ಹೊಸೈನ್, ಟಿ ನಟರಾಜನ್ ಮತ್ತು ಅಭಿಷೇಕ್ ಶರ್ಮಾ ತಲಾ ಒಂದು ವಿಕೆಟ್ ಪಡೆದರು.
ಹೈದರಾಬಾದ್ ಇನ್ಸಿಂಗ್ದ್: ಇದಕ್ಕೂ ಮುನ್ನ ಸನ್ ರೈಸರ್ಸ್ ಬ್ಯಾಟಿಂಗ್ ವೈಲಫ್ಯದ ನಡುವೆಯೂ ಅಭಿಷೇಕ್ ಶರ್ಮಾ ಮತ್ತು ಹೆನ್ರಿಚ್ ಕ್ಲಾಸೆನ್ ಅವರ ಅರ್ಧಶತಕದ ಸಹಾಯದಿಂದ 197 ರನ್ ಸೇರಿಸಿತ್ತು. ಹೈದರಾಬಾದ್ ತಂಡಕ್ಕೆ ಅನುಭವಿ ಇಶಾಂತ್ ಶರ್ಮಾ ಆರಂಭಿಕ ಆಘಾತ ನೀಡಿದರು. 5 ರನ್ ಗಳಿಸಿದ್ದ ಮಯಾಂಕ್ ಅಗರ್ವಾಲ್ ಬೇಗ ವಿಕೆಟ್ ಒಪ್ಪಿಸಿದರು. ರಾಹುಲ್ ತ್ರಿಪಾಠಿ 10 ರನ್ಗೆ ಔಟ್ ಆದರೆ, ನಾಯಕ ಐಡೆನ್ ಮಾರ್ಕ್ರಾಮ್ 8 ಮತ್ತು ಹ್ಯಾರಿ ಬ್ರೂಕ್ ಶೂನ್ಯಕ್ಕೆ ಪೆವಿಲಿಯನ್ ದಾರಿ ಹಿಡಿದರು.
ಒಂದೆಡೆ ವಿಕೆಟ್ ನಷ್ಟವಾಗುತ್ತಿದ್ದರೂ ಅಭಿಷೇಕ್ ಶರ್ಮಾ ತಮ್ಮ ಅಬ್ಬರದ ಆಟವನ್ನು ಮುಂದುವರೆಸಿದ್ದರು. 36 ಬಾಲ್ ಎದುರಿಸಿ 1 ಸಿಕ್ರರ್ ಮತ್ತು 12 ಬೌಂಡರಿಯಿಂದ 67 ರನ್ ಕಲೆಹಾಕಿ ವಿಕೆಟ್ ಒಪ್ಪಿಸಿದರು. ನಂತರ ಬಂದಿದ್ದ ಅಬ್ದುಲ್ ಸಮದ್ 21 ಬಾಲ್ನಲ್ಲಿ 28 ರನ್ ಗಳಿಸಿ ಚುಟುಕು ಇನ್ನಿಂಗ್ಸ್ ಕಟ್ಟಿದರು. ಹೆನ್ರಿಚ್ ಕ್ಲಾಸೆನ್ 27 ಎಸೆತದಲ್ಲಿ 4 ಸಿಕ್ಸರ್ ಮತ್ತು 2 ಬೌಂಡರಿಯಿಂದ ಅಜೇಯ 53 ರನ್ ಗಳಿಸಿದರು. ಅವರ ಜೊತೆಗೆ ಪಾದಾರ್ಪಣೆ ಮಾಡಿದ ಆಟಗಾರ ಅಕೇಲ್ ಹೊಸೈನ್ ಅಜೇಯರಾಗಿ 16 ರನ್ ಗಳಿಸಿದರು. ಡೆಲ್ಲಿ ಪರ ವಿಚೆಲ್ ಮಾರ್ಷ್ 4 ವಿಕೆಟ್ ಪಡೆದರೆ, ಅಕ್ಷರ್ ಪಟೇಲ್ ಮತ್ತು ಇಶಾಂತ್ ಶರ್ಮಾ ತಲಾ ಒಂದು ವಿಕೆಟ್ ಪಡೆದರು. ಈ ಪಂದ್ಯದ ಗೆಲುವಿನಿಂದ ಹೈದರಾಬಾದ್ ಟೂರ್ನಿಯಲ್ಲಿ ತಾನು ಆಡಿದ 8 ಪಂದ್ಯಗಳ ಪೈಕಿ ಮೂರು ಪಂದ್ಯ ಗೆದ್ದಂತಾಗಿದೆ.
ಇದನ್ನೂ ಓದಿ: KKR vs GT: ಗುಜರಾತ್ ಗೆಲುವಿಗೆ 180 ರನ್ ಗುರಿ ನೀಡಿದ ಕೋಲ್ಕತ್ತಾ ನೈಟ್ ರೈಡರ್ಸ್
