WBBL: ಸಿಡ್ನಿ ಥಂಡರ್​ ತಂಡದಲ್ಲಿ ಆಡಲಿದ್ದಾರೆ ಮಂಧಾನ, ದೀಪ್ತಿ ಶರ್ಮಾ

ಮಂಧಾನ ಹಿಂದಿನ ಆವೃತ್ತಿಗಳಲ್ಲಿ ಬ್ರಿಸ್ಬೇನ್ ಹೀಟ್​ ಮತ್ತು ಹೋಬರ್ಟ್ ಹರಿಕೇನ್ಸ್ ತಂಡದಲ್ಲಿ ಆಡಿದ್ದರು. ದೀಪ್ತಿ ಇದೇ ಮೊದಲ ಬಾರಿಗೆ ಆಸ್ಟ್ರೇಲಿಯನ್ ಟಿ20 ಲೀಗ್​ನಲ್ಲಿ ಆಡಲಿದ್ದಾರೆ. ಇವರು ಇತ್ತೀಚೆಗೆ ಮುಗಿದ ಇಂಗ್ಲೆಂಡ್​ ದಿ ಹಂಡ್ರೆಡ್​ ಲೀಗ್​ನಲ್ಲಿ ಲಂಡನ್ ಸ್ಪಿರಿಟ್ಸ್ ತಂಡದಲ್ಲಿ ಆಡಿದ್ದರು. 5.26ರ ಎಕಾನಮಿಯಲ್ಲಿ 10 ವಿಕೆಟ್​ ಪಡೆದಿದ್ದರು.

ಬ್ರಿಸ್ಬೇನ್: ಭಾರತ ಸ್ಟಾರ್ ಕ್ರಿಕೆಟರ್​ಗಳಾದ ಸ್ಮೃತಿ ಮಂಧಾನ ಮತ್ತು ದೀಪ್ತಿ ಶರ್ಮಾ ಮುಂಬರುವ ವುಮೆನ್ಸ್ ಬಿಗ್​ಬ್ಯಾಶ್​ನಲ್ಲಿ ಸಿಡ್ನಿ ಥಂಡರ್​​ ತಂಡದಲ್ಲಿ ಆಡಲಿದ್ದಾರೆ. ಇವರಿಬ್ಬರೂ ಇಂಗ್ಲೆಂಡ್​ನ ಹೀದರ್ ನೈಟ್ ಮತ್ತು ಟಮ್ಮಿ ಬ್ಯೂಮಂಟ್ ಬದಲಿ ಆಟಗಾರರಾಗಿ ಥಂಡರ್​ ಜೊತೆಗೆ ಒಪ್ಪಂದ ಮಾಡಿಕೊಂಡಿದ್ದಾರೆ.

ಮಂದಾನ ಹಿಂದಿನ ಆವೃತ್ತಿಗಳಲ್ಲಿ ಬ್ರಿಸ್ಬೇನ್ ಹೀಟ್​ ಮತ್ತು ಹೋಬರ್ಟ್ ಹರಿಕೇನ್ಸ್ ತಂಡದಲ್ಲಿ ಆಡಿದ್ದರು. ದೀಪ್ತಿ ಇದೇ ಮೊದಲ ಬಾರಿಗೆ ಆಸ್ಟ್ರೇಲಿಯನ್ ಟಿ20 ಲೀಗ್​ನಲ್ಲಿ ಆಡಲಿದ್ದಾರೆ. ಈ ಆಟಗಾರ್ತಿ ಇತ್ತೀಚೆಗೆ ಮುಗಿದ ಇಂಗ್ಲೆಂಡ್​ ದಿ ಹಂಡ್ರೆಡ್​ ಲೀಗ್​ನಲ್ಲಿ ಲಂಡನ್ ಸ್ಪಿರಿಟ್ಸ್ ತಂಡದಲ್ಲಿ ಆಡಿದ್ದರು. ದೀಪ್ತಿ 5.26ರ ಎಕಾನಮಿಯಲ್ಲಿ 10 ವಿಕೆಟ್​ ಪಡೆದಿದ್ದರು.

ಮಂಧಾನ-ದೀಪ್ತಿ ಜೋಡಿ ಈ ಹಿಂದೆ ಕಿಯಾ ಸೂಪರ್ ಲೀಗ್​ನಲ್ಲಿ ವೆಸ್ಟರ್ನ್​ ಸ್ಟಾರ್ಮ್ ತಂಡದಲ್ಲಿ ಆಡಿದ್ದರು. ​

ಈ ಕುರಿತು ಮಾತನಾಡಿರುವ ಮಂಧಾನ, ವಿದೇಶಿ ಟಿ20 ಲೀಗ್​ಗಳಲ್ಲಿ, ಅದರಲ್ಲೂ ಟಿ20 ಮಾದರಿಯಲ್ಲಿ ಆಡುವುದರಿಂದ ಸಾಕಷ್ಟು ಅನುಭವ ದೊರೆಯಲಿದೆ. ಅಲ್ಲಿ ವಿಶ್ವದಾದ್ಯಂತ ಬರುವ ವಿವಿಧ ರಾಷ್ಟ್ರಗಳ ಆಟಗಾರ್ತಿಯೊಂದಿಗೆ ಸಾಕಷ್ಟು ಅನುಭವಗಳನ್ನು ಹಂಚಿಕೊಳ್ಳಬಹುದು. ಜೊತೆಗೆ ಅಲ್ಲಿ ತುಂಬಾ ಕಲಿಯಬಹುದು. ನಾನು ಯಾವಾಗಲೂ ಇಂತಹ ಅವಕಾಶಗಳನ್ನು ಸದುಪಯೋಗ ಮಾಡಿಕೊಳ್ಳುತ್ತೇನೆ ಎಂದು ಹೇಳಿದರು.

ಇದನ್ನೂ ಓದಿ: ಆಸ್ಟ್ರೇಲಿಯಾದ 26 ಪಂದ್ಯಗಳ ಗೆಲುವಿನ ಓಟಕ್ಕೆ ಬ್ರೇಕ್ ಹಾಕಿದ ಭಾರತ ಮಹಿಳಾ ತಂಡ