T20 World Cup 2021: ನಮೀಬಿಯಾ ವಿರುದ್ಧ 62 ರನ್​ಗಳ ಬೃಹತ್ ಜಯ ಸಾಧಿಸಿದ ಅಫ್ಘಾನಿಸ್ತಾನ

ಸೆಮಿಫೈನಲ್​ ಪ್ರವೇಶಿಸಲು ಭಾರತ ಮತ್ತು ನ್ಯೂಜಿಲ್ಯಾಂಡ್​ ತಂಡಗಳಿಗೆ ಪ್ರಬಲ ಪ್ರತಿಸ್ಪರ್ಧಿಯಾಗಿರುವ ಅಫ್ಘಾನಿಸ್ತಾನ ಕ್ರಿಕೆಟ್​ ಶಿಶು ನಮೀಬಿಯಾ ವಿರುದ್ಧ ಟಿ20ವ ವಿಶ್ವಕಪನ್​ ಸೂಪರ್​ 12 ಪಂದ್ಯದಲ್ಲಿ 62 ರನ್​ಗಳಿಂದ ಗೆದ್ದು ಬೀಗಿದೆ.

ಅಬುಧಾಬಿ: ಸೆಮಿಫೈನಲ್​ ಪ್ರವೇಶಿಸಲು ಭಾರತ ಮತ್ತು ನ್ಯೂಜಿಲ್ಯಾಂಡ್​ ತಂಡಗಳಿಗೆ ಪ್ರಬಲ ಪ್ರತಿಸ್ಪರ್ಧಿಯಾಗಿರುವ ಅಫ್ಘಾನಿಸ್ತಾನ ಕ್ರಿಕೆಟ್​ ಶಿಶು ನಮೀಬಿಯಾ ವಿರುದ್ಧ ಟಿ20ವ ವಿಶ್ವಕಪನ್​ ಸೂಪರ್​ 12 ಪಂದ್ಯದಲ್ಲಿ 62 ರನ್​ಗಳಿಂದ ಗೆದ್ದು ಬೀಗಿದೆ.

ಅಬುಧಾಬಿಯ ಶೇಖ್​ ಜಾಯೇದ್​ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್ ಮಾಡಿದ ಅಫ್ಘಾನಿಸ್ತಾನ ತಂಡ 20 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 160 ರನ್​ಗಳಿಸಿತ್ತು.

ಆರಂಭಿಕ ಬ್ಯಾಟರ್​ಗಳಾದ ಹಜರುತುಲ್ಲಾ ಝಜೈ 27 ಎಸೆತಗಳಲ್ಲಿ 4 ಬೌಂಡರಿ , 2 ಸಿಕ್ಸರ್​ಗಳ ಸಹಿತ 33, ಮೊಹಮ್ಮದ್ ಶಹ್ಜಾದ್​ 33 ಎಸೆತಗಳಲ್ಲಿ 3 ಬೌಂಡರಿ , 2 ಸಿಕ್ಸರ್​ಗಳ ಸಹಿತ 45, ಅಸ್ಗರ್​ ಅಫ್ಘಾನ್​ 23 ಎಸೆತಗಳಲ್ಲಿ 3 ಬೌಂಡರಿ , ಒಂದು ಸಿಕ್ಸರ್​ ಸಹಿತ 31 ಹಾಗೂ ನಾಯಕ 17 ಎಸೆತಗಳಲ್ಲಿ 5 ಬೌಂಡರಿ ಮತ್ತು 1 ಸಿಕ್ಸರ್​ ನೆರವಿನಿಂದ ಅಜೇಯ 32 ರನ್​ಗಳಿಸಿ ಅಫ್ಘಾನ್ ತಂಡ ಎದುರಾಳಿ ನಮೀಬಿಯಾಗೆ161ರನ್​ಗಳ ಕಠಿಣ ಗುರಿ ನೀಡಲು ನೆರವಾಗಿದ್ದರು.

161 ರನ್​ಗಳ ಗುರಿ ಬೆನ್ನಟ್ಟಿದ ನಮೀಬಿಯಾ ತಂಡ ಅಫ್ಘಾನಿಸ್ತಾನದ ಮಾರಕ ಬೌಲಿಂಗ್ ದಾಳಿಗೆ ಉತ್ತರಿಸಲಾಗದೆ 20 ಓವರ್​ಗಳಲ್ಲಿ 9 ವಿಕೆಟ್ ಕಳೆದುಕೊಂಡು ಕೇವಲ 98 ರನ್​ಗಳಿಸಿತು. ಡೇವಿಡ್​ ವೀಸ್​ 30 ಎಸೆತಗಳಲ್ಲಿ 26 ರನ್​ಗಳಿಸಿ ತಂಡದ ಗರಿಷ್ಠ ಹಾಗೂ 20 ರ ಗಡಿದಾಟಿದ ಏಕೈಕ ಬ್ಯಾಟರ್​ ಎನಿಸಿಕೊಂಡರು.

ಇವರನ್ನು ಹೊರೆತುಪಡಿಸಿದರೆ ನಾಯಕ ಗೆರ್ಹಾಡ್​ 12, ಲಾಫ್ಟೀ ಈಟನ್​ 14, ವ್ಯಾನ್ ಲಿಂಗೆನ್​ 11 ರನ್​​ಗಳಿಸಿ ವಿಕೆಟ್​ ಒಪ್ಪಿಸಿದರು. ಕಳೆದ ಪಂದ್ಯದ ಹೀರೋ ಜೆಜೆ ಸ್ಮಿತ್ ಇಂದು ಖಾತೆ ತೆರೆಯದೇ ಡಕ್​ ಔಟ್​ ಆದರು.

ಅಫ್ಘಾನಿಸ್ತಾನ ಪರ ಮಾರಕ ಬೌಲಿಂಗ್ ದಾಳಿ ನಡೆಸಿದ ಹಮೀದ್ ಹಸನ್​ 4 ಓವರ್​ಗಳಲ್ಲಿ ಕೇವಲ 9 ರನ್​ ನೀಡಿ 3 ವಿಕೆಟ್ ಪಡೆದರು. ಇವರಿಗೆ ಸಾಥ್ ನೀಡಿದ ನವೀನ್ ಉಲ್​ ಹಕ್​ 26 ರನ್​ ನೀಡಿ 3 ವಿಕೆಟ್ ಪಡೆದರೆ, ಗುಲ್ಬದ್ದೀನ್​ ನೈಬ್​ 19 ರನ್​ ನೀಡಿ 2 ವಿಕೆಟ್​ ಹಾಗೂ ರಶೀದ್ ಖಾನ್ 14 ರನ್​ಗಳಿಗೆ 1 ವಿಕೆಟ್ ಪಡೆದು ಬೃಹತ್ ಜಯಕ್ಕೆ ಕಾರಣರಾದರು.

ಅಫ್ಘಾನಿಸ್ತಾನ ಪ್ರಸ್ತುತ ಆಡಿರುವ 3 ಪಂದ್ಯಗಳಿಂದ 2 ಜಯ ಮತ್ತು ಒಂದು ಸೋಲು ಕಂಡು 2ನೇ ಸ್ಥಾನದಲ್ಲಿದೆ. ಒಂದು ವೇಳೆ ಸೂಪರ್​ 12 ನಲ್ಲಿ ಅಫ್ಘಾನಿಸ್ತಾನ ತಂಡ ಭಾರತ ಅಥವಾ ನ್ಯೂಜಿಲ್ಯಾಂಡ್ ತಂಡಗಳಲ್ಲಿ ಒಂದನ್ನು ಮಣಿಸಿದರೆ ಸೆಮಿಫೈನಲ್​ ಪ್ರವೇಶಿಸುವ ಅವಕಾಶ ಒದಗಿ ಬರದಲಿದೆ.

ಇದನ್ನು ಓದಿ:ಪುರುಷರ ತಂಡಕ್ಕೆ ಕೋಚ್ ಆಗಿ ಆಯ್ಕೆ.. ಇದು ಉತ್ತಮ ಆರಂಭ, ಆದ್ರೆ ನಾನೇ ಕೊನೆಯಾಗಬಾರದು: ಸಾರಾ ಟೇಲರ್