ಬೆಂಗಳೂರು :ಲೀಗ್, ಕ್ವಾಲಿಫೈಯರ್ ಹಂತದ ಪಂದ್ಯಗಳನ್ನು ಮುಗಿಸಿರುವ ಮಹಾರಾಜ ಕಪ್ ಟಿ- 20 ಕ್ರಿಕೆಟ್ ಟ್ರೋಫಿ 2022 ಟೂರ್ನಿಯು ಕೊನೆಯ ಹಂತಕ್ಕೆ ಬಂದಿದೆ. ಇಂದಿನ ಫೈನಲ್ ಪಂದ್ಯದಲ್ಲಿ ಬೆಂಗಳೂರು ಬ್ಲಾಸ್ಟರ್ಸ್ ಮತ್ತು ಗುಲ್ಬರ್ಗ ಮಿಸ್ಟಿಕ್ ನಡುವಿನ ಕಾದಾಟ ವೀಕ್ಷಿಸಲು ಕ್ರಿಕೆಟ್ ಪ್ರೇಮಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಕರ್ನಾಟಕ ರಾಜ್ಯ ಕ್ರಿಕೆಟ್ ಸಂಸ್ಥೆ ಗುಡ್ ನ್ಯೂಸ್ ನೀಡಿದೆ.
ಕೆಎಸ್ಸಿಎ ವಕ್ತಾರ ವಿನಯ್ ಮೃತ್ಯುಂಜಯ ಮಾಧ್ಯಮ ಪ್ರಕಟಣೆ ಹೊರಡಿಸಿದ್ದು, ಫೈನಲ್ ಪಂದ್ಯವನ್ನು ಅಭಿಮಾನಿಗಳು ಉಚಿತ ಪ್ರವೇಶ ಪಡೆದು ಎಂಜಾಯ್‌ ಮಾಡಬಹುದು. ಈ ಹಿಂದಿನ ಕೂಡ ಕೆಲ ಲೀಗ್ ಮತ್ತು ಕ್ವಾಲಿಫೈಯರ್ ಪಂದ್ಯಗಳಿಗೆ ಸಾರ್ವಜನಿಕರಿಗೆ ಉಚಿತ ಪ್ರವೇಶದ ಅನುಮತಿ ನೀಡಲಾಗಿತ್ತು ಮತ್ತೆ ಅವರ ಒತ್ತಾಸೆಯ ಮೇರೆಗೆ ಈ ಕೊಡುಗೆ ನೀಡಲಾಗುತ್ತಿದೆ ಎಂದು ಹೇಳಿದ್ದಾರೆ.