ಲೀಡ್ಸ್: ಲಾರ್ಡ್ಸ್ ಟೆಸ್ಟ್ನಲ್ಲಿ ಭಾರತದ ವೇಗಿ ಜಸ್ಪ್ರೀತ್ ಬುಮ್ರಾ ನನ್ನನ್ನು ಔಟ್ ಮಾಡಲು ಪ್ರಯತ್ನಿಸುತ್ತಿದ್ದಂತೆ ಕಾಣಲಿಲ್ಲ ಎಂದು ಇಂಗ್ಲೆಂಡ್ ಪೇಸರ್ ಜೇಮ್ಸ್ ಆ್ಯಂಡರ್ಸನ್ ತಿಳಿಸಿದ್ದಾರೆ. ಆ್ಯಂಡರ್ಸನ್ ಅವರಿಗೆ ಬೌಲಿಂಗ್ ಮಾಡುವ ವೇಳೆ ಬುಮ್ರಾ ಬೌನ್ಸರ್ ದಾಳಿ ನಡೆಸಿದ್ದಕ್ಕೆ ಈ ರೀತಿ ಹೇಳಿದ್ದಾರೆ.
ಲಾರ್ಡ್ಸ್ ಟೆಸ್ಟ್ ವೇಳೆ 11ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಇಳಿದಿದ್ದ ಜೇಮ್ಸ್ ಆ್ಯಂಡರ್ಸನ್ಗೆ ಬುಮ್ರಾ 10ಕ್ಕೂ ಹೆಚ್ಚು ಬೌನ್ಸರ್ಗಳನ್ನು ಎಸೆದಿದ್ದರು. ಇದರಲ್ಲಿ ಒಂದು ಅವರ ಹೆಲ್ಮೆಟ್ಗೆ ಬಡಿದಿತ್ತು. ಈ ಘಟನೆ ನಡೆದ ನಂತರ ಇಬ್ಬರ ನಡುವೆ ಮಾತಿನ ಚಕಮಕಿ ಉಂಟಾಗಿತ್ತು. ಕೊನೆಗೆ ಈ ಬೌನ್ಸರ್ ಕಾಳಗ ಸೇಡಿನ ರೂಪಕ್ಕೆ ತಿರುಗಿ ಇಂಗ್ಲೆಂಡ್ ಸೋಲಿಗೂ ಕಾರಣವಾಯಿತು. ಆದರೆ ಬುಮ್ರಾ ಬೌನ್ಸರ್ ಎಸೆದ ತಂತ್ರಗಾರಿಕೆ ಆ್ಯಂಡರ್ಸನ್ಗೆ ಅಸಮಾಧಾನ ತಂದಿತ್ತು.
"ನಾನು ಬ್ಯಾಟಿಂಗ್ ಬಂದಾಗ ಆತನ ಅನಿರೀಕ್ಷಿತ ಬೌಲಿಂಗ್ನಿಂದ ತುಂಬಾ ಆಶ್ಚರ್ಯಕ್ಕೆ ಒಳಗಾದೆ. ಏಕೆಂದರೆ ನಮ್ಮ ಬ್ಯಾಟ್ಸ್ಮನ್ಗಳು ಈ ಪಿಚ್ ನಿಧಾನವಾಗಿದೆ ಎಂದಿದ್ದರು. ಆದರೆ ನಿಧಾನಗತಿ ವಿಕೆಟ್ನಲ್ಲೂ ಶಾರ್ಟ್ ಬಾಲ್ಗಳನ್ನು ಎಸೆಯಲಾಗಿತ್ತು. ಅಲ್ಲದೆ ನಾನು ಬ್ಯಾಟಿಂಗ್ ಬಂದಾಗ ಬುಮ್ರಾ ತಮ್ಮ ಸಾಮಾನ್ಯ ವೇಗದಲ್ಲಿ ಬೌಲಿಂಗ್ ಮಾಡುತ್ತಿಲ್ಲ" ಎಂದು ಹೇಳಿದರು ಎಂದು ರೂಟ್ ನನಗೆ ತಿಳಿಸಿದರು ಅಂತಾ ಬಿಬಿಸಿ ಪೋಡ್ಕಾಸ್ಟ್ ಕಾರ್ಯಕ್ರಮದ ವೇಳೆ ಆ್ಯಂಡರ್ಸನ್ ತಿಳಿಸಿದ್ದಾರೆ.