ಅಡಿಲೇಡ್:ಜೋಸ್ ಬಟ್ಲರ್ ನಾಯಕತ್ವದಲ್ಲಿ ಇಂಗ್ಲೆಂಡ್ ತಂಡವು ಮುಂದಿನ ವರ್ಷ ಭಾರತದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ನ್ನು ಗೆದ್ದು ಶ್ರೇಷ್ಠ ವೈಟ್‌ಬಾಲ್ ತಂಡಗಳಲ್ಲಿ ಒಂದೆಂದು ಕರೆಸಿಕೊಳ್ಳಬೇಕು. ಟಿ 20 ವಿಶ್ವಕಪ್ ಗೆದ್ದ ತಂಡಕ್ಕೆ ಇದು ಸುಲಭ ಸಾಧ್ಯ ಎಂದು ಇಯಾನ್ ಮಾರ್ಗನ್ ಹೇಳಿದ್ದಾರೆ.
ಆಸ್ಟ್ರೇಲಿಯಾದಲ್ಲಿ ನಡೆದ 2022ರ ಟಿ-20 ವಿಶ್ವಕಪ್ ಅನ್ನು ಇಂಗ್ಲೆಂಡ್ ತಂಡ ಗೆದ್ದು ಕೊಂಡಿದೆ. 2019ರಲ್ಲಿ ಮಾರ್ಗನ್ ನಾಯಕತ್ವದಲ್ಲಿ ನ್ಯೂಜಿಲ್ಯಾಂಡ್ ಮಣಿಸಿ ಏಕದಿನ ವಿಶ್ವಕಪ್ ಆಂಗ್ಲರು ಮುಡಿಗೇರಿಸಿಕೊಂಡಿದ್ದರು. ಮುಂದಿನ ವರ್ಷ ನಡೆಯುವ ಒಂದು ದಿನ ಮಾದರಿಯ ವಿಶ್ವ ಕಪ್ ಮತ್ತೆ ಗೆಲ್ಲಬೇಕು ಎಂದು ಮಾಜಿ ನಾಯಕ ಮಾರ್ಗನ್ ಅಭಿಪ್ರಾಯಪಟ್ಟಿದ್ದಾರೆ.