IND vs ENG: ಕೊಹ್ಲಿ, ರೋಹಿತ್, ರಾಹುಲ್ ಔಟ್; 2ನೇ ಟೆಸ್ಟ್​ನಲ್ಲಿ ಸಂಕಷ್ಟಕ್ಕೆ ಸಿಲುಕಿದ ಭಾರತ

ನಾಲ್ಕನೇ ದಿನ 27 ರನ್​ಗಳ ಹಿನ್ನಡೆಯೊಂದಿಗೆ ಬ್ಯಾಟಿಂಗ್ ಆರಂಭಿಸಿದ ಭಾರತ ತಂಡ 27 ರನ್​ಗಳಿಸುವಷ್ಟರಲ್ಲಿ ಆರಂಭಿಕರಾದ ರೋಹಿತ್ ಶರ್ಮಾ (21) ಮತ್ತು ಕೆ.ಎಲ್ ರಾಹುಲ್​ (5) ವಿಕೆಟ್​ ಕಳೆದುಕೊಂಡಿತು. ಮಾರ್ಕ್​ವುಡ್​ ಇವರಿಬ್ಬರ ವಿಕೆಟ್​ ಪಡೆದು ಇಂಗ್ಲೆಂಡ್​ಗೆ ಮೇಲುಗೈ ತಂದುಕೊಟ್ಟರು.

ಲಂಡನ್: ಲಾರ್ಡ್ಸ್​ ಮೈದಾನದಲ್ಲಿ ನಡೆಯುತ್ತಿರುವ ಇಂಗ್ಲೆಂಡ್​ ವಿರುದ್ಧದ 2ನೇ ಟೆಸ್ಟ್​ ಪಂದ್ಯದಲ್ಲಿ ಕೇವಲ 56 ರನ್​ ಗಳಿಸುವಷ್ಟರಲ್ಲಿ 3 ವಿಕೆಟ್​ ಕಳೆದುಕೊಂಡಿರುವ ಭಾರತ ಆಘಾತ ಅನುಭವಿಸಿದೆ.

ನಾಲ್ಕನೇ ದಿನ 27 ರನ್​ಗಳ ಹಿನ್ನಡೆಯೊಂದಿಗೆ ಬ್ಯಾಟಿಂಗ್ ಆರಂಭಿಸಿದ ಭಾರತೀಯ ತಂಡ 27 ರನ್​ಗಳಿಸುವಷ್ಟರಲ್ಲಿ ಆರಂಭಿಕರಾದ ರೋಹಿತ್ ಶರ್ಮಾ (21) ಮತ್ತು ಕೆ.ಎಲ್ ರಾಹುಲ್ ​(5) ವಿಕೆಟ್​ ಕಳೆದುಕೊಂಡಿತು. ಮಾರ್ಕ್​ವುಡ್​ ಇವರಿಬ್ಬರ ವಿಕೆಟ್​ ಪಡೆದು ಇಂಗ್ಲೆಂಡ್​ಗೆ ಮೇಲುಗೈ ತಂದುಕೊಟ್ಟರು.

ಇನ್ನು 3ನೇ ವಿಕೆಟ್​ಗೆ ಒಂದಾದ ನಾಯಕ ಕೊಹ್ಲಿ ಮತ್ತು ಪೂಜಾರ 28 ರನ್​ಗ ಸೇರಿಸಿ ಉತ್ತಮ ಜೊತೆಯಾಟ ಕಟ್ಟುತ್ತಿದ್ದರು. ಆದರೆ ಸ್ಯಾಮ್​ ಕರನ್​ ಓವರ್​ನಲ್ಲಿ ಹೊರ ಹೋಗುತ್ತಿದ್ದ ಚೆಂಡನ್ನು ಕೆಣಕಿದ ಅವರು ಕೀಪರ್ ಜೋಸ್ ಬಟ್ಲರ್​ಗೆ ಕ್ಯಾಚಿತ್ತರು.

ಭೋಜನ ವಿರಾಮಕ್ಕೂ ಮುನ್ನ ಭಾರತ ತಂಡ 3 ವಿಕೆಟ್​ ಕಳೆದುಕೊಂಡು 56 ರನ್​ಗಳಿಸಿ 29 ರನ್​ಗಳ ಇನ್ನಿಂಗ್ಸ್​ ಮುನ್ನಡೆ ಸಾಧಿಸಿದೆ. ಪೂಜಾರ 46 ಎಸೆತಗಳಲ್ಲಿ 3 ರನ್​ ಮತ್ತು ರಹಾನೆ 8 ಎಸೆತಗಳಲ್ಲಿ 1ರನ್​ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

3ನೇ ದಿನ ಭಾರತದ 364 ರನ್​ಗಳಿಗೆ ಉತ್ತರವಾಗಿ ಇಂಗ್ಲೆಂಡ್ 391 ರನ್​ಗಳಿಸಿ 27 ರನ್​ಗಳ ಮುನ್ನಡೆ ಸಾಧಿಸಿತ್ತು. ಆಂಗ್ಲರ ನಾಯಕ ಜೋ ರೂಟ್ 180 ರನ್​ಗಳಿಸಿ ಇಂಗ್ಲೆಂಡ್​ ತಂಡಕ್ಕೆ ನೆರವಾಗಿದ್ದರು.

ಇದನ್ನೂ ಓದಿ: 2ನೇ ಭಾಗದ IPL​ನಲ್ಲಾಡಲು ಆಸ್ಟ್ರೇಲಿಯಾ ಕ್ರಿಕೆಟಿಗರಿಗೆ ಸಿಕ್ತು ಗ್ರೀನ್‌ ಸಿಗ್ನಲ್‌