ದಿ ಓವೆಲ್(ಇಂಗ್ಲೆಂಡ್):ಭಾರತದ ವಿರುದ್ಧ ನಡೆಯುತ್ತಿರುವ ಮೊದಲ ಏಕದಿನ ಪಂದ್ಯದಲ್ಲಿ ವೇಗಿ ಬುಮ್ರಾ ಮಾರಕ ಬೌಲಿಂಗ್ ದಾಳಿಗೆ ಇಂಗ್ಲೆಂಡ್ ತಂಡ ತತ್ತರಿಸಿದೆ. ಕೇವಲ 26 ರನ್ಗಳಿಕೆ ಮಾಡುವಷ್ಟರಲ್ಲಿ ಪ್ರಮುಖ 5 ವಿಕೆಟ್ ಕಳೆದುಕೊಂಡಿದ್ದು, ಈ ಮೂಲಕ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್ನಲ್ಲಿ ಕಳಪೆ ರೆಕಾರ್ಡ್ಗೆ ಪಾತ್ರವಾಗಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಲು ಬಂದ ಇಂಗ್ಲೆಂಡ್, ಯಾರ್ಕರ್ ಕಿಂಗ್ ಜಸ್ಪ್ರೀತ್ ಬುಮ್ರಾ ದಾಳಿಗೆ ನಲುಗಿ ಹೋಯಿತು. ಹೀಗಾಗಿ, 26ರನ್ಗಳಿಸುವಷ್ಟರಲ್ಲಿ ಪ್ರಮುಖ 5 ವಿಕೆಟ್ ಕಳೆದುಕೊಂಡಿತು. ಈ ಮೂಲಕ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್ನಲ್ಲಿ 5 ವಿಕೆಟ್ನಷ್ಟಕ್ಕೆ ಅತಿ ಕಡಿಮೆ ರನ್ಗಳಿಕೆ ಮಾಡಿರುವ ಕಳಪೆ ರೆಕಾರ್ಡ್ ಬರೆದಿದೆ.
ಇಂಗ್ಲೆಂಡ್ ನಾಲ್ವರು ಬ್ಯಾಟರ್ಗಳು ಶೂನ್ಯಕ್ಕೆ ಔಟ್:ಬುಮ್ರಾ ಎಸೆದ ಓವರ್ನಲ್ಲಿ ಜೇಸನ್ ರಾಯ್(0), ರೂಟ್(0), ಲಿವಿಗ್ಸ್ಟೋನ್(0) ಶೂನ್ಯಕ್ಕೆ ಔಟಾದರೆ, ಬೈರ್ಸ್ಟೋ 7 ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿದರು. ಇನ್ನೂ ಶಮಿ ಓವರ್ನಲ್ಲಿ ಬೆನ್ ಸ್ಟೋಕ್ಸ್(0) ವಿಕೆಟ್ ಒಪ್ಪಿಸಿದರು. ಈ ಹಿಂದೆ ಪಾಕಿಸ್ತಾನ ವಿರುದ್ಧ ನಡೆದ ಪಂದ್ಯದಲ್ಲಿ ಇಂಗ್ಲೆಂಡ್ 5 ವಿಕೆಟ್ನಷ್ಟಕ್ಕೆ 29ರನ್ಗಳಿಕೆ ಮಾಡಿತ್ತು. ಅದಕ್ಕೂ ಮೊದಲು ಜಿಂಬಾಬ್ವೆ ವಿರುದ್ಧ 5 ವಿಕೆಟ್ ಕಳೆದುಕೊಂಡು 30ರನ್ಗಳಿಕೆ ಮಾಡಿತ್ತು.
ಇದನ್ನೂ ಓದಿರಿ:ಇಂಡೋ - ಆಂಗ್ಲರ ಮೊದಲ ಏಕದಿನ: ಟಾಸ್ ಗೆದ್ದು ಬೌಲಿಂಗ್ ಆಯ್ದ ರೋಹಿತ್; ವಿರಾಟ್ ಅಲಭ್ಯ
ಹೊಸ ದಾಖಲೆ ಬರೆದ ಬುಮ್ರಾ:ಇಂಗ್ಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಬುಮ್ರಾ ಹೊಸದೊಂದು ದಾಖಲೆ ನಿರ್ಮಿಸಿದ್ದಾರೆ. ಮೊದಲ 10 ಓವರ್ಗಳಲ್ಲಿ 4 ವಿಕೆಟ್ ಪಡೆದ ಸಾಧನೆ ಮಾಡಿದ್ದಾರೆ. ಈ ಹಿಂದೆ ಭಾರತದ ಜಾವಗಲ್ ಶ್ರೀನಾಥ್ 2003ರಲ್ಲಿ ಶ್ರೀಲಂಕಾ ಹಾಗೂ ಭುವನೇಶ್ವರ್ ಕುಮಾರ್ 2013ರಲ್ಲಿ ಶ್ರೀಲಂಕಾ ವಿರುದ್ಧ ಈ ದಾಖಲೆ ಬರೆದಿದ್ದಾರೆ.
